低調高質西餐 鰂魚涌AGE Cuisine Express

喺太古城返工嘅M佬,逢星期二同星期四嘅Lunch都係食我整嘅超好味愛心飯盒,咁唔知佢其他日子通常去邊度食飯呢?為咗揭開呢個謎團,我決定跟蹤佢……(太誇張喇!)我決定叫佢帶我去試吓。所以今日就去到鰂魚涌嘅AGE Cuisine Express,試吓佢平時食開嘅餐廳啦!

Read more

享受悠閒的Morning 太古城東隅Feast

有啲人,好似M佬咁,寧願瞓晏啲都唔食早餐;又有啲人,好似我A姐咁,一定會早少少起身食份早餐。所以每朝早,我都會整碗通粉或者麥皮,再煎隻蛋,為一天注滿能量。今日,M佬特登同我夾埋攞咗半日假,話要陪我食早餐。吓!食早餐都要攞假?佢話見我近排做嘢咁忙,所以就帶我去到太古城東隅酒店嘅Feast,俾自己輕輕鬆鬆嘆份半自助早餐喎。

Read more

太古城香港東隅Feast 全新盛夏菜單

我A姐一向都話專心做緊嘢嘅男人特別吸引,你睇下佢目不轉睛嘅迷人眼神,再加上粗壯手臂上面性感嘅青筋。嘩!真係好養眼呀!M佬,你唔好阻住我,畀望多幾眼先!我講緊嘅就係香港東隅EAST, Hong Kong嘅新任餐飲總監兼行政總廚Percy Mark!

Read more

豪嘆米芝蓮一星 太古城CIAK – All Day Italian

M佬:A姐,你再食真係變米芝蓮喇! A姐:(超勁爆嬲樣) M佬:其實做米芝蓮都幾好呀,好cute呀!我都係咁愛你㗎!…(去到呢刻,講咩都已經無用)… 真係衰多口,為表賠罪就帶A姐去食獲得米芝蓮一星,位於太古城嘅CIAK – All Day Italian! 餐廳以木製風格為主,簡約又有feel。不過,唔好以為係米芝蓮推介就會好貴,價錢都叫做負擔得起㗎。

Read more

太古城嘆滋補氣鍋雞 養生滇菜阿詩瑪壹菌

M佬:講起雲南菜你會諗起咩? A姐:酸辣米線!!我要3小辣!! M佬:…… 中國嘅八大菜系,分別有川菜(四川菜)、魯菜(濟南菜)、粵菜(廣東菜)、淮揚菜、閩菜(福建菜)、浙菜(浙江菜)、徽菜(徽州菜),數嚟數去都無滇菜(雲南菜)嘅,唔通滇菜真係得米線?因為雲南嘅地理位置鄰近四川,所以菜式都好相似。而雲南屬於中國西南地區,氣候温和,雨量充足,物種豐饒,所以滇菜講究鮮嫩,選材以山珍、菇菌為主。今日就帶A姐去太古城阿詩瑪壹菌,試吓除咗酸辣米線嘅滇菜啦。

Read more