在獅子山下High Tea 旺角帝京酒店Lion Rock

香港除咗維港,另一個精神象徵又點少得獅子山呢?所以今日同好姊妹試完裙之後,就去到旺角帝京酒店嘅Lion Rock High Tea,而最近帝京酒店同時與美國彩妝品牌bareMinerals合作,以星空主題推出呢個夢幻星塵下午茶,一邊嘆一邊望住呢個獅子山靚景,真係夠晒嘆!原來凡惠顧兩位夢幻星塵下午茶套餐,仲可以獲得由bareMinerals送出嘅礦物活肌彩妝禮品包,所以食飽飽又係時候扮靚靚喇。

Read more

紅葉蟹逅AR秋滋味自助餐 旺角帝京酒店花月庭

M佬出名係蟹痴,無蟹不歡,所以嚟到我同M佬嘅第126,144,000秒紀念日,我哋就去食帝京酒店花月庭近期全新推出嘅「當紅葉『蟹』逅AR 秋滋味.紅葉祭自助晚餐」,海鮮選擇除咗主打嘅蟹之外,連即開生蠔都有,食物種類超多,性價比超高!價錢仲分為唔同時段收費,最平每位大人只係$528,10月31日前用Openrice嘅優惠券,首50位客人仲有優惠添,最平每位大人只係$398。如果你係第51位客人,就記住用恒生信用卡埋單即享低至65折優惠。

Read more

手工珍珠 太子茶樂

呢幾日好熱,一杯冰凍嘅珍珠奶茶真係救到我哋!之但係珍珠奶茶周街都係,要突圍真係要有啲創意留住我嘅味蕾先得。呢間位於太子嘅茶樂,主打手作珍珠,夠晒特別!

Read more

德國男人的浪漫 太子Bierhof

同A姐去過咁多歐洲國家(其實都唔算好多,有:英國、荷蘭、法國、丹麥、瑞典、德國、捷克、瑞士、希臘同土耳其),但要數最啱我哋口味,就一定德國菜!特別係嘆住啤酒食豬手,簡直係歐洲版嘅男人的浪漫:豆腐火腩飯!今日A姐話有同事介紹食德國菜,我哋就去到太子嘅Bierhof啦。

Read more

同聚暢飲燒烤夜 太子Lava燒

去酒吧同朋友飲番杯,你哋鍾意飲完先去食飯,定食飽飽再去飲呢?定係邊飲邊食?不過,通常酒吧提供嘅西餐都係麻麻哋,等於喺K房都唔會期望個餐有幾好味。所以呢間Lava燒唔整西餐,主打串燒,除咗比煮西餐難度低之外,更重要係串燒同酒係perfect match。呢度坐得舒服又啱晒傾計。串燒種類有燒肉類、海鮮類、蔬菜類等,性價比好高架。

Read more

台灣風味 太子蝦棧

我M佬就超鐘意食海鮮,特別係蝦!不過,我家A姐係唔煮海鮮㗎,話難洗,又話腥,又話郁郁吓好驚,所以有機會出去食飯,通常都會食海鮮。今日見到呢個以蝦為主打嘅餐廳,即刻拉埋A姐去試吓先得!

Read more

閉著眼聽一聽海風 太子始創野玩海店Something Wild The Sea

夏天終於嚟到喇,好想去沙灘著住我件比堅尼show下我性感嘅身材呀!之但係星期一至星期五又要返工,星期六同星期日又……又……又成日落雨!原來想『閉著眼聽一聽海風』真係咁難?M佬今日放工帶我去太子始創中心嘅野玩海店Something Wild The Sea,佢話沙灘就無喇(仲提我千祈唔好著比堅尼呀),不過,至少可以畀我視覺同味覺上感受一下漁人碼頭啦!

Read more

男人的浪漫 VS 女人的現實 太子永興冰室Wing Hing Ice Room

「下一站太子,xià yī zhàn tài zĭ,Next station Prince Edward!」 突然間搭車經過,心血來潮,不如今日就去太子食飯啦! 就係咁,無plan過就去到太子,我A姐最鍾意嘅當然係A出口啦,再向前行1分鐘,就見到永興冰室喇,見到無味精嘅蕃茄薯仔鰂魚鮮蜆湯,係呢個潮濕天氣食番碗就最啱,一於入去食番碗先得!

Read more

餃掂食碗麵 太子餃掂手工餃子雲吞專門店

寫咗成日稿,終於可以「攪掂,食碗麵」!好啦,一於上網睇睇有乜好味嘅麵食啦!左搵右搵,好啦,呢間同我心情一樣嘅餃掂手工餃子雲吞專門店睇落又唔錯喎,除咗有麵食,仲有A姐最鍾意嘅餃子添,即刻去太子啦! 一入到嚟呢個舖頭,A姐就話佢好頭暈,因為呢間舖頭實在太多字,佢話徹底地將佢包圍,哈哈!但句句都係至理名言,搞到我掛住睇都無睇menu添!終於叫完嘢食,店員極力推薦我哋試吓枱上面嘅醃蘿蔔,連一向唔鍾意酸嘅我都覺得好好味,夠晒開胃!另外,仲有2款自家秘製醬汁,香辣醬同四川麻辣醬,辣味濃郁又夠香,用嚟配麵或餃子都一流!

Read more