旺角麻辣派 一嚐海鮮大咖兼成都冒菜

M佬:你知唔知咩係海鮮大咖? A姐:咩「大咖」呀? M佬:唉,「大咖」係原本係指有錢有能力,台灣閩南語「大咖」本意為大角色,引申達人嘅意思。 海鮮大咖姐係一大盤海鮮,北京、上海、成都、重慶都好Hit。 A姐:咁叫海鮮大集會咪得囉!知道咁又點,都無得食。 M佬:邊個話香港無得食?跟我嚟啦! 依家位於旺角嘅麻辣派就得食海鮮大咖,每位$268或者$328(有龍蝦)。海鮮大咖可以自己選麻辣度,我哋揀咗中辣,唔算好辣,加埋少少麻,真係Perfect!

Read more

超豐富二人餐 銅鑼灣蕎道樂居酒屋

今日同M佬睇《原諒他77次》:一段感情,究竟要原諒幾多次先為之多呢?77次?其實,兩個人由認識到再行入教堂,再行餘生嘅路程,其實77次真係多咩?兩個人包容體諒,同埋信任可能比一個數字更為重要!睇完戲就去到銅鑼灣搵食,沿住電車路兩旁人多車多,呢間毫不起眼,位處地庫嘅蕎道樂居酒屋,會唔會有驚喜呢? 唔駛左睇右睇,兩個人最啱就係二人餐,原來份量係咁多㗎!

Read more

嘆日式全餐 荃灣牛之鍋

今日返工好似打仗咁,我好想打邊爐氹吓自己;另一邊嘅A姐,今日返工好似攻心計咁,佢話想食放題放縱一下!兩者似乎不可能並存嘅日本嘢,因為工作嘅壓力,我哋今日都各不相讓,仲差啲大打出手添!到我話讓步喇,佢又話唔駛,話點敢喎!費事為咗食餐飯都傷感情,不如搵吓有無一間餐廳可以一次過滿足我哋所有嘅願望啦!特登走入嚟荃灣悅來酒店商場悅來坊嘅牛の鍋,聽講種類多之餘,食物品質都唔錯,即刻出發!由港島線再轉荃灣線,好彩只係2個站就氹掂我個A姐!呼……一額汗…… 好彩今日係平日,唔駛點等位就有得入座,而食物嘅款式真好多,除咗7張放題紙,仲有1張火鍋紙,同埋出面嘅火鍋配料Bar!如果想免費食到和牛?依家只要2個人like餐廳嘅Facebook就會送你澳洲和牛一碟;而4個人like餐廳嘅Facebook就會送多碟日本黑毛和牛俾你架喇!各就各位,120分鐘START!

Read more