享受悠閒的Morning 太古城東隅Feast

有啲人,好似M佬咁,寧願瞓晏啲都唔食早餐;又有啲人,好似我A姐咁,一定會早少少起身食份早餐。所以每朝早,我都會整碗通粉或者麥皮,再煎隻蛋,為一天注滿能量。今日,M佬特登同我夾埋攞咗半日假,話要陪我食早餐。吓!食早餐都要攞假?佢話見我近排做嘢咁忙,所以就帶我去到太古城東隅酒店嘅Feast,俾自己輕輕鬆鬆嘆份半自助早餐喎。

Read more

高質靚牛日本燒 佐敦響日本燒肉

M佬係食肉獸,就算我A姐要減肥,一個月都總有幾日要放縱自己!但難得要放縱自己都要高質放縱,咁先無咁蝕麻。今日去咗一間近期人氣大熱,喺佐敦嘅日式燒肉放題店:響。價錢雖然唔平,但質素勁高,好易回本!

Read more

銅鑼灣協奏坊西餐廳 味歷亞洲海鮮自助晚餐

拍拖紀念日、相識紀念日、第1000日紀念日、第3344秒紀念日、第一次熱吻紀念日都有一個共通點,就係要慶祝啦!依家啲酒店buffet真係越賣越貴,budget唔多嘅,不如跟我哋去呢間位於銅鑼灣珀麗酒店嘅協奏坊西餐廳啦,近期推出「味歷亞洲海鮮自助晚餐」,一次過食晒中、日、韓、泰同新加坡嘅美食,記住15日前訂定枱,星期一至四埋單每位大人都係$288,而星期五至日、公眾假期同前夕每位大人都係$398咋!

Read more

周三NeNe 任食Chicken

逢星期三最鍾意同M佬一齊睇周三New New,跟Youtube紅人Mr.Yang楊老師學吓英文!但原來逢星期三,仲有周三NeNe,講緊嘅係咩?就係由即日起至8月31日逢星期三,全線NeNe Chicken都有任食炸雞!炸雞嘅熱潮繼來自星星後又再啟動!

Read more

任飲任食韓燒放題 旺角韓牛韓式燒烤

任飲任食嘅韓燒放題,都有好一段時間無食喇。因為我A姐要減肥!我要減肥!我要減肥!但我家M話依家做gym,要增磅練大隻,所以就要做食肉獸啦。所以我哋今日就去咗旺角韓牛韓式燒烤大食一餐,估唔到今時今日嘅任飲任食韓燒放題質素都唔錯架。

Read more

放暑假一家大細嘆龍蝦海鮮Buffet 港島太平洋酒店仲夏情迷法越夜

每逢屋企人生日同啲周年紀念,香港人都好鍾意去食buffet慶祝!不過近年我同M佬都少食咗buffet,因為依家啲酒店buffet真係越賣越貴,而且我哋特別多紀念日,例如拍拖紀念日、相識紀念日、第1000日紀念日、第3344秒紀念日、第一次熱吻紀念日……仲有雙方嘅生日、情人節、聖誕節……咁銀包仲得了嘅!不過,今日介紹呢間位於西營盤嘅港島太平洋酒店,喺旗下嘅中西∙環餐廳推出「仲夏情迷法越夜」自助晚餐,醒目嘅M佬見暑假就帶埋契女去食buffet,用網上預訂自助晚餐仲有7折優惠,埋單每位大人都係$326起,但呢個價錢有乜嘢食先?

Read more

清淡高質邊爐 寶哥火鍋味館

我哋成日都打邊爐架,真係打極都唔厭架。不過,食得多都唔健康,所以要識揀識食,今日就嚟到佐敦嘅寶哥火鍋味館,呢度嘅湯底唔會死鹹,仲有好多有質素嘅配料,都算唔錯架。而地下仲有酒窖,想同朋友邊食火鍋邊飲紅酒,真係夠晒嘆!

Read more

肉食者天堂 尖沙咀伊賀日本燒肉料理

每次A姐話好肚餓,佢就會話:食得落一隻牛。之但係每次佢都未食到一碟就已經開始話飽,不過,佢今朝好唔同,佢竟然話食得落兩隻牛,難得佢今日咁開胃,一於食晏都去食放題啦。呢間位於尖沙咀嘅伊賀日本燒肉料理,除咗燒肉,仲有刺身,選擇好多,而且夠大夠闊落,坐都坐得好舒服。

Read more

荔枝角工廈隱世火鍋店 相馬日式火鍋

話說,上次去D2 Place行完街,食完KOOL酷廚,行去地鐵站途中見到仼食180分鐘嘅火鍋店。嘩!三個鐘真係可以食到攬住嗰肚,所以我哋就決定嚟試一試!

Read more

30種口味復活蛋 柏景餐廳節日自助餐

《哈利波特》入面嘅怪味糖唔知大家有無食過呢?M佬話復活節,所以買咗幾盒送俾小朋友試吓。但糖嘅味道係嘔吐物味、鼻屎味、耳屎味、灰塵味同沙甸魚味等等,真係聽見都已經唔想食!其實復活節又點會食耳屎味糖架?梗係食復活蛋架啦!皇家太平洋酒店適逢30周年,推出30款唔同口味嘅朱古力復活蛋,其中有益力多味、伯爵茶味、開心果味、藍梅味、檸檬味、山葵味、話梅味、海鹽味、棉花糖味等等。除咗可以去柏景餅店PARK Deli買啲做禮物之外,想食得更多味道,就可以喺復活節四日假期(3月31號至4月2號),嚟柏景餐廳Café on the PARK嘅buffet內瘋狂任食。而我哋今日好榮幸同皇家太平洋酒店嘅餅廚明師傅學整呢個特別味道嘅復活蛋!

Read more