大熱石燒牛 長沙灣牛極

最近香港開咗唔少熱石牛扒專門店,仲帶起咗食牛扒唔再係奢侈嘅事。今日同A姐去到長沙灣嘅牛極,呢度嘅牛扒主要嚟自美國、紐西蘭同日本,分為唔同種類同唔同份量,再喺塊火山石板上煎熟牛扒,而飯、沙律同日式牛肉湯都係無限添加,好抵食!

Read more

私心推介 旺角日本野

今日M佬話同我去食日本野,再同我去拍吓拖,我當然話好啦,但問極佢去邊間日本野,佢都猛話未日本野囉!搞到我哋好似麥兜同麥太對話咁,原來真係有間餐廳叫日本野架!呢間位於旺角銀城廣場嘅日本野,CP值相當高,M佬真係無介紹錯。

Read more

週末遊長洲 四大美食推介

嚟緊嘅weekend,唔知你地plan咗邊度玩呢?長洲又會唔會係你嘅選擇呢?其實,我哋都好多年無去過長洲喇,因為上次去長洲發覺仲多人過去旺角,“長洲賓客人數多” 呢句說話真係名不虛傳。但嚟長洲,除咗食大魚蛋、芒果糯米糍,又或者紅豆餅、手卷,其實仲有咩推介呢?今次,A姐同M佬各自推介兩個必食推介,由午餐食到晚餐!

Read more

同一屋簷下 堅尼地城太吉

一打開個日式趟門,店員雖然唔係用日文打招呼,亦唔係用日文餐牌,但店內設計再播放上當年我最鍾意嘅日劇主題曲,真係好有feel呀。可憐嘅我就俾A姐放咗飛機,一個人嚟到堅尼地城嘅太吉。

Read more

高質日本酒場文化 尖沙咀東京大眾酒場

唔知大家有無試過同另一半食壽司或刺身拼盤,而每款都係得一件,你哋又會點分同點揀呢?今日我同M佬去咗尖沙咀食東京大眾酒場,叫咗壽司盛合(9件),9款都夠晒新鮮,望見件件都想食,而每次M佬都會讓我揀先,有時都覺得佢太過就我,我就嚟成為港女㗎喇,所以今次我決定讓佢一次。

Read more

豪食高質日本菜 灣仔櫻木Sakuragi Omakase

話說,M佬聽日就要去大陸鄭州出Trip,一走仲走成個星期。返到大陸都唔知有無啖好食,就等我呢個善解人意嘅女友帶佢喺出發前食好西啦,一於去灣仔櫻木Sakuragi Omakase (其實我好食㗎啦,終於有藉口啦)。

Read more

超豐富二人餐 銅鑼灣蕎道樂居酒屋

今日同M佬睇《原諒他77次》:一段感情,究竟要原諒幾多次先為之多呢?77次?其實,兩個人由認識到再行入教堂,再行餘生嘅路程,其實77次真係多咩?兩個人包容體諒,同埋信任可能比一個數字更為重要!睇完戲就去到銅鑼灣搵食,沿住電車路兩旁人多車多,呢間毫不起眼,位處地庫嘅蕎道樂居酒屋,會唔會有驚喜呢? 唔駛左睇右睇,兩個人最啱就係二人餐,原來份量係咁多㗎!

Read more

灣仔拉麵天堂 初試新店幸屋

灣仔,大家會諗到咩?囍帖街?會展?我M佬就梗係諗起關於食啦,就係拉麵啦!點解?大家真係有所不知,灣仔真係有唔少拉麵店,好似每條小街巷仔都有一間,彷如拉麵天堂。今次決定去試新嘢,行到去機利臣街,見到呢間幸屋拉麵。出面嘅紅色燈籠同招牌,都有啲日風味。

Read more

權八Gonpachi:一「拳」中的,A姐M佬拳拳到肉,帶你開始享受生活

有一日,M佬突然話「有些事現在不做,一輩子都不會做了」,我嗰陣覺得佢好型,無啦啦都可以講句咁熱血嘅野。點知……原來係抄五月天歌名嘅……不過就係因為咁,開始咗我哋嘅死亡筆記……啊!打錯咗!應該係玩樂日記。 講多無謂,開張大吉!M佬特登揀咗位於銅鑼灣利園一期4樓嘅日本權八居酒屋 (Gonpachi),賀一賀佢。權八於日本大有名氣,餐廳參照傳統江戶時代嘅居酒居設計,環境清幽,傾計聚舊一流。

Read more