小儀車仔麵 灣仔麵麵店

好多幕前嘅藝人都會開餐廳,但唔係太貴就係唔好食。而小儀呢間麵麵店主打平民車仔麵,加上小儀仲係美女廚神,所以食物質素都相當有保證(雖然比初初開店時都稍為退步),今次就去到灣仔分店,同A姐食碗車仔麵,滿足一吓思鄉心情,再上機出發去旅行啦!

Read more

灣仔大叔的愛 千樂燒味餐室

港式點心、雲吞麵同燒臘飯,真係世界各地都唔及香港嘅好味!M佬話如果豆腐火腩飯係男人嘅浪漫,咁燒臘飯就絕對係大叔的愛!咩呀?我A姐都好鍾意食叉燒飯,絕對係我嘅comfort food!今日我哋嚟到灣仔嘅千樂燒味餐室,試試佢嘅燒味飯啦。

Read more

大大啖漢堡 灣仔Burger Joys

「大大隻嘅漢堡包,一啖咬落去,牛肉漢堡好juicy,加上脆卜卜薯條,配埋啤酒再睇曼聯,咁先係男人嘅浪漫!」就係收到一個朋友打嚟嘅電話,我今晚就撇甩A姐,去咗灣仔Burger Joys,同球迷一齊大叫ole!

Read more

灣仔囍帖街 首首.韓式小館

自喜帖街重建後,呢區嘅食肆變得更有情調,今日就同A姐嚟到利東街覓食天下啦。呢間首首.韓式小館,裝潢糅合傳統設計及現代摩登風格,好有特色!而菜式由韓籍大廚主理,大部份食材都係由韓國直送,真正一絲不苟。

Read more

好有泰國風味 銅鑼灣靠炆雞

就咁聽靠炆雞呢個名,仲以為係食雞煲或炆雞呢啲中式嘢,原來靠炆雞係一間泰國餐廳,餐廳位處銅鑼灣同灣仔中間,餐廳面積唔大,餐廳無花巧設計,其實反而更有泰國地道感覺。

Read more

灣仔川流 新派川菜

作為中國四大菜系之一嘅川菜,善用花椒、胡椒、辣椒、薑、蔥、蒜等調味料,以麻、辣、鮮、香為特色。灣仔川流將傳統川菜加入現代元素,令大家耳目一新,餐廳裝修雅致,以黑色為主,更有吧枱,玩味十足!

Read more

可以share嘅車仔麵 灣仔四爺車仔麵專門店

車仔麵呢樣嘢,我相信大家一定有食過,一碗熱辣辣嘅車仔麵,碗上面放滿3至4樣自己鍾意食嘅配料。而每次落單前,我都會同M佬夾好,你叫呢幾樣,我就叫嗰幾樣,務求食得最多款!但如果同朋友食,唔通食食吓先叉隻筷子去人哋嗰度咩?而呢間位於灣仔嘅四爺車仔麵專門店,就將麵同餸分開上,除咗方便大家share,我覺得更重要係每款配料都有唔同嘅味道,於埋一齊可能會怪怪的哦。

Read more

讓藝術融入生活 國際匠人協會 – 典亞藝博2018

聽日就係long weekend,大家諗到去邊度玩未?如果好似A姐咁鍾意睇吓藝術展品,可以趁今個假期去到香港會議展覽中心參觀典亞藝博2018。場內有唔同嘅藝術展品,除咗可以欣賞嚟自世界各地唔同嘅展品,仲可以買啲返屋企,讓藝術融入你嘅生活當中。而場內,最吸引到我哋嘅就係國際匠人協會嘅作品喇。

Read more

工業風cafe 灣仔NINETYs

曾經,有同事買咗杯咖啡番公司請我飲,咖啡味道濃厚有層次,仲有烘烤香味,再望一望個紙杯寫住NINETYs。NINETYs?不以為意。直到今日送咗A姐返工,喺灣仔行緊返公司,我同NINETYs再次遇上。原來NINETYs係嘅咖啡文化源自澳洲,設計以工業風為基礎,好有格調。

Read more

期間限定:晴王青提子撻 灣仔PdP Pies & Tarts

「…裱起婚紗照那道牆及一切美麗舊年華…」我A姐以前每次行過灣仔囍帖街總會同M佬講,第時婚禮要點點點,但都仲未嫁得出(諗吓都得掛?),其實囍帖街又點止得嫁妝禮餅吖,喺利東街仲有呢間人氣日系鮮果撻專門店 - PdP Pies & Tarts。選擇超多,有芒果、什果、什莓、提子、橙/西柚、栗子、士多啤梨等,嚟High-tea就啱晒。

Read more