同學各位找個位 將軍澳炑八韓烤

過期學生證除咗係回憶,仲有咩用?望住A姐中二張學生證,明明好清純,但依家點家咁……我為保生存,我講唔到落去喇!所以過期學生證真係無用?少年,你太年輕了!只要持有學生證,喺2019年8月28日至10月4日,逢星期一至四晚市時段消費,即可獲得全單6折。即刻約埋成班同學食SEM飯啦,齊齊同學各位找個位,這是你的開學禮啦!記得要提早一日訂位先可以enjoy優惠架。

Read more

人生交叉點邊爐與韓燒 荃灣校長燒肉日韓料理

近期A姐又唔知睇咗邊套電視劇,問埋啲假設性問題:如果我同M媽跌落海,你會救邊個先?(當然A姐問得‘更’有深度啦:佢問如果我想食韓燒,M媽想食打邊爐,你會揀邊一個?)呢啲係咩問題嚟架?點解要迫人去人生交叉點?一次過食晒兩樣,大家都開心唔好咩?今日嚟到人氣強勁嘅,位於荃灣嘅校長燒肉日韓料理,有人龍嘅支持,食物一定夠新鮮啦。

Read more

韓牛新鮮現切 旺角柞木炭家

喺香港唔難食到韓牛,不過,韓牛出口唔多,所以質素都幾參差,如果你都想食到好似A姐一樣咁靚嘅韓牛,推介你嚟旺角T.O.P.嘅柞木炭家啦!我哋上次嚟試過韓牛肋眼上蓋,一直念念不忘,所以今次encore,叫咗韓牛精選拼盤,試齊各個部位,就叫滿足?少年,你太年輕了!更滿足係韓牛即點即切,夠晒新鮮!

Read more

尖沙咀高質燒肉放題 本佐日本燒肉料理

唔知M佬呢排做乜成日都好肚餓,食完一餐,唔夠兩個鐘又口痕想再食嘢!係咁肚餓嘅情況之下,就最啱食放題啦!呢間位於尖沙咀嘅本佐日本燒肉料理,除咗燒肉,仲有刺身、炸物、小食等,選擇好多,正!餐廳夠大夠闊落,坐得好舒服,特別鍾意佢用iPad點餐,全程無漏單情況。

Read more

一個痴漢串燒 尖沙咀喜膳燒

今日喺尖沙咀等咗好耐好耐,whatsapp A姐又無人覆,而我只係痴痴的等,等咗差唔多1個鐘,A姐先打俾我,話約咗人,又唔記得話我知,就係咁我俾A姐放咗飛機喇!成個痴漢咁,我就去到喜膳燒食串燒,最鍾意呢度嘅串燒放喺鐵板上,所以啲串燒放耐咗都仲好夠熱。

Read more

燒雞翼我鍾意食 屯門富泰燒烤樂園

今年嘅香港好似唔見咗冬天,日日都好鬼熱,難得今個weekend凍咗少少,咁就去燒吓嘢食啦!不過,假期燒嘢食最怕霸唔到爐,仲要拎住一袋二袋,所以我哋去到屯門嘅富泰燒烤樂園,由兆康站行過去約15分鐘,如果揸車嚟,仲可以你免費泊車,都算幾方便架。

Read more

高質燒肉放題 荃灣牛太Gyuta

住港島嘅朋友成日都話唔想過海,好遠好長路程。A姐,有咩驅使你要特登過海嚟荃灣?係愛定責仼?係因為荃灣牛太新派燒肉放題!話說某一天,A姐同姊妹們High Tea,就講起喺荃灣嘅牛太,有幾好味,我哋就特登由太古去到荃灣!HK$288一位嘅華美清馥燒肉放題,有73款食物仼食!

Read more

韓國風味 旺角平昌

明明A姐都無睇韓劇一排,但近期佢公司嘅admin同事介紹,A姐又再沉醉追韓劇嘅日子,當佢顆韓國心又再燃起,我又多咗食韓國菜嘅機會喇!之前食過佐敦嘅平昌,今次就去同集團嘅旺角兆萬平昌啦。

Read more

銅鑼灣隱世和燒 金金日式燒肉店

銅鑼灣嘅餐廳選擇好多,但通常我哋都係去街舖或各大商場選擇。原來銅鑼灣都有唔少樓上餐廳,今日M佬就帶我去到Sogo對面,呢間食日式燒肉嘅金金日式燒肉店,質素相當唔錯。

Read more

秋日郊遊BBQ 屯門小欖燒烤樂園

秋涼天氣最啱就係去郊遊,做吓戶外活動,行吓山咁!玩完成日,又點少得重點嘅燒嘢食環節呢?今日我同M佬就去到屯門嘅小欖燒烤樂園,咩都唔駛預備,就可以輕輕鬆鬆BBQ!而呢度仲有小朋友最鍾意嘅充氣嘉年華、小型賽車、夾公仔機同兒童攤位等,而大人都可以打吓麻雀同玩吓飛標,如果就啱日落時間,仲可以去沙灘睇吓日落,真係唔止BBQ咁簡單!

Read more