餐後一點甜 將軍澳樂糖

特登走入將軍澳探朋友,佢請我哋食飯,我哋就請佢食甜品啦。不過,我哋對將軍澳唔熟,對唔熱衷嘅甜品就更加無idea,所以都係朋友帶路,帶我哋去到位於天晉嘅樂糖。餐廳以彩色氣球作佈置,色彩繽紛。除咗甜品,原來仲有意粉、薄餅同輕食。

Read more

炎夏解渴之謎 許留山手作水果茶

夏天熱辣辣,飲汽水又嫌肥,飲水又嫌佢無味,可以點?整返杯許留山新出嘅解渴手作水果茶! 鮮果烏龍茶 採用台灣鹿谷高山烏龍茶,甘香清新,不過因爲冰較多,所以茶味較淡;加埋六種新鮮生果,有西瓜、西柚、士多啤梨、蜜瓜、奇異果同芒果,份量十足!飲品甜度適中,超級解渴!

Read more

香港甜品名牌 芒果皇許留山

如果你有外國朋友嚟香港玩,你會帶佢去邊度食嘢呢?香港嘅美食選擇好多,同嚟自澳洲嘅朋友食完飯,一於帶佢食甜品啦,講起代表香港嘅甜品又點少得許留山呢。而許留山最出名當然係芒果系列啦。呂宋芒、愛文芒、水仙芒、象牙芒就算未食過都聽過啦,而許留山呢期就引入嚟自印度嘅芒果,呢款有「King of Mangoes」美譽嘅阿芳素芒。阿芳素芒嚟自印度西岸,產期唔長,聽講帶有獨特花香,芒果香味極濃郁,肉質糯軟無渣,今日一於試試啦。

Read more

東瀛甜品風 旺角Cow Cow Café by Tokyo Milk Cheese Factory

N年前,有同事去日本買咗盒Tokyo Milk Cheese Factory嘅海鹽芝士曲奇俾我,仲話係十大日本必買手信,對於鍾意食芝士嘅我,真係一試難忘!其實,年前呢間Tokyo Milk Cheese Factory已經進駐香港,但次次都排長龍,無機會試,直到今日路過朗豪坊,開咗全新品牌 – Cow Cow Café,賣點係全香港第一間有位俾你慢慢歎嘅商店,咁食雪糕就唔會呢咁hea啦!

Read more

啟動第二胃 旺角點點甜

唔知你哋同另一半嘅口味夾唔夾嘅呢?其實同A姐一齊咗咁耐,我好想講佢真係好易養,因為我哋有好相似嘅口味,我哋都好鍾意打邊爐同食車仔麵,而我哋都唔好甜品架,梗係啦,望住對方都夠晒甜啦!不過,今日例外啲,因為我哋喺旺角食完一間好多味精嘅餐廳之後,真係口喝到暈,結果食甜品就成為了我哋今晚嘅特備節目。之但係,太甜我哋又好驚,所以見到呢間鋪頭真係啱晒我哋心水,佢叫點點甜,姐係唔會好甜啦。

Read more

必食棉花糖雪糕 堅尼地城L’attitude

呢個M佬今日拋低我去搵Friend,你以為淨係你識搵豬朋友? 我A姐今日就一於同閨蜜嚟堅尼地城嘅L’attitude撑枱腳,食棉花糖雪糕。 一入到餐廳,就見到大大隻熊仔,仲有好多雲嘅掛飾,真係啱晒我哋兩個咁靚靚嘅女神。

Read more

中環IFC Grom 來自意大利嘅無添加雪糕Gelato

大熱天時行過雪糕店,不過A姐今日唔係太方便,所以有得睇無得食;1個月後,A姐又行過雪糕店,但今日都係唔方便,所以有得睇無得食。唔知大家覺唔覺,平時好人好者,好似唔會見到雪糕店,但當你個日唔方便,肚痛都不得了,雪糕店好似總係會喺你隔離出現。特別係近年,多咗好多高質,聲稱係用純果汁或新鮮生果制成嘅雪糕雪條,望住唔多顏色唔同種類嘅雪條,真係好吸引呀!呢間喺中環IFC嘅Grom,聽講係意大利名牌,真係唔方便都忍唔住要試試喇!

Read more

雪糕泡芙當選2017米芝蓮小食推介?一試究竟Owl’s Choux.Gelato.Coffee

眾所周知,我哋一向都唔好甜品,但今日喺尖沙咀食完飯之後,A姐竟然拉我去食甜品?佢話要試吓呢間當選2017年米芝蓮小食推介,主打雪糕泡芙嘅Owl’s! 一路行一路都覺得好奇怪,明明A姐唔鍾意食甜嘢架,但行到去麼地道嘅Owl’s,我明喇!原來突登行過嚟,為嘅就係個靚仔店主!!!!

Read more