你好黃埔 早安越南

嚟到黃埔覓食,又點少得去到黃埔天地美食坊呢。紅磡黃埔美食坊雲集多間特色食肆,選擇夠晒多,而近排天氣涼涼哋,最啱就係食番碗熱辣辣嘅粉麵啦!所以就一於試吓呢間早安越南啦。餐廳仲有提供晚餐選擇,比散叫平之餘,仲有飲品送,夠晒抵食。

Read more

杏花邨新店 Oyster Princess

趁我哋嘅周年紀念日買返對情侶波鞋,所以今個weekend去到主打運動Outlet嘅杏花新城睇吓有無心水啦!買完嘢又係時候醫肚喇,杏花新城嘅餐廳唔少,但好多都係連鎖經營,難得見到呢間新開嘅Oyster Princess,門口仲有雪櫃售賣啲high quality嘅凍肉、海鮮同紅酒,一於試試。

Read more

唔該一份常餐 柴灣民華餐廳

自從同M佬搬咗去港島區,去柴灣睇戲就成為咗我哋其中一個嘅娛樂節目。為咗趕睇7點半,想快嘅唔一定快餐嘅,常餐都唔錯架!喺柴灣地鐵站附近嘅民華餐廳,除咗常餐之外,仲有唔同嘅點心同蒸飯,充滿港式口味!而民華餐廳喺唔少地區都有分店,幾時想食常餐都好方別。

Read more

貼地肉骨茶真係咁正? 銅鑼灣兩草

肉骨茶可以話係星馬嘅平民美食,但當肉骨茶嚟到香港,就變咗上等菜(同泰國船麵一樣),貴得嚟味道仲要好參差。今日同M佬去到位於大坑,由舖搬到去大舖嘅人氣排隊餐廳兩草,餐牌選擇雖然唔多,但價錢大眾化,主菜由$20起跳,驚喜係連胡椒肉骨茶都只係$35,價錢就夠晒貼地,唔知味道又點呢?

Read more

西式小餐館 上環LLB Bistro

上環荷李活道嘅老店漸漸轉型,有人話集體回憶逐漸消失,但其實我哋又有無反問一吓自己,點解要到佢消失,我哋先話珍惜,其實一個城市係必須發展,活化未嘗唔係一個好嘅選擇。所以每次去到荷李活道,總會有些新發現,好似呢間LLB Bistro,係一間家庭式嘅小餐館,今日就同A姐去試試啦。

Read more

香港的拉麵街 銅鑼灣金田家

我M佬同好多日本大叔一樣,都好鍾意食拉麵,而每次去到日本旅行,點都要食番幾碗拉麵先得!但最卡哇依嘅A姐次次入到去日本嘅拉麵店,佢都話自己有啲格格不入。就算返到香港,拉麵店都唔係佢嘅飯堂。今日,佢約咗friend食飯,所以放咗我free,我就去到銅鑼灣有拉麵街之稱嘅登龍街,試試呢間金田家啦。

Read more

登登登凳 觀塘登堂

今日我哋兩口子去咗apm行街街,買完一袋二袋之後(今日M佬買得比我多囉!),我哋要去搵食喇。講真,觀塘嘅餐廳選擇好多,但當你餓到食得落一隻牛嘅時候,而apm餐廳嘅等位人流,多到好似要聽朝先有飯食嘅時候,不如行多兩步,發現其實更多!我哋就去到The Wave食登堂,除咗主打嘅西餐,仲有酒吧部份,佔地成萬呎,坐得舒服,食物又有質素。

Read more

情人節𠱁女絕技 香港嘉里酒店下午茶

各位兄弟,我真係唔明啲女人點解咁鍾意食Afternoon Tea!其實佢地都係為咗影張相呃Like姐。我家A姐講咗好多次話要去食Afternoon Tea,就順佢一次意,去咗香港嘉里酒店 Kerry Hotel Hong Kong嘅大堂茶座,一邊享受維港景,一邊嘆錫蘭滋達下午茶 Zesta Afternoon Tea。下午茶以錫蘭滋達茶葉為靈感,每款都有唔同茶味為成份!

Read more

與威威共晉自助晚餐 香港海洋公園萬豪酒店

今個weekend同A姐去玩去癲,仲去住埋香港海洋公園萬豪酒店,玩咗2日1夜!既然有得玩、有得癲,又有得住,咁食呢?所以晚餐就近近哋,試埋酒店內嘅海灣餐廳及海灣咖啡室主打嘅buffet啦!呢度食物選擇非常多,海鮮仲係WWF指認嘅「環保海鮮」!而逢星期六、日及指定日子,一班海洋公園吉祥物仲會同我哋見面同影相添!

Read more

慶祝Valentine 觀塘Deer Kitchen

情人節就到喇,梗係要搵間西餐廳,再食生蠔旺一旺佢啦!雖然花就無預備到,不過就預備咗好多隻鹿喇。鹿?係呀,呢間位於觀塘嘅Deer Kitchen,以鹿為設計,好有歐陸feel㗎。

Read more