驚喜大發現 銅鑼灣Kampoeng

同A姐喺IKEA買咗啲家庭用品,臨返屋企前去埋Kampoeng買蝦片先得!平時嚟Kampoeng主要係星期日,所以次次都係同成班印尼朋友一齊迫住買佢好出名嘅蝦片,但原來嚟咗咁多次,今次平日嚟到,先驚現原來下層係餐廳嚟架!所以行到好攰嘅我哋,決定入去食埋晚餐再返屋企啦。

Read more

柴灣飯堂 麗香園冰室

近呢幾個月,公司有好多唔同流言蜚語,包括人事變動、工作調配,甚至係是是非非。同事由以前好friend,到依家都有唔同自保或自私嘅想法。不過,工作上嘅轉變,唔可以話無所謂,但除咗接受就係離開架啦。反而我對其中一位同事講過嘅說話好心痛,雖然部份係聽返嚟,但有部份係我親耳聽到同感受到,令我對佢嘅信任澈底破解,可能係我太上心,對人太真情,原來人地覺得我係咁廢,當我係nothing。由於工作上feel uncomfortable,見我無咩胃口嘅M佬,就帶咗我去食啲comfort food,原來食嘢真係會令人快樂。

Read more

推介給遊客的你 銅鑼灣源記餐廳

如果要推介香港嘅美食俾遊客,你會諗起啲咩呢?菠蘿包?蛋撻?西多士?唔通係豆腐火腩飯?我哋覺得旅客嚟到香港最鍾意一定係港式點心,而港式燒臘相信會係另一個受旅客喜歡嘅美食。剛巧M佬有個朋友嚟香港玩,我哋就帶咗佢去喺香港有六間分店嘅源記餐廳。

Read more

懷舊風港式餐廳 尖沙咀光榮冰室

早幾年,香港嘅保育風氣盛行,大家都好珍惜懷舊嘅事物,哪怕是一磚一瓦都希望得以盛傳。仲記得,當時有好多冰室餐廳頂唔住財團加租,或退休引退,一時間香港嘅冰室買少見少,而同時又有另一鼓新勢力重開冰室,令到香港嘅冰室好參差,但呢間位於尖沙咀厚福街嘅光榮冰室就值得我哋推介。

Read more

不推介給遊客的你 銅鑼灣龍門冰室

好多外國或國內嘅朋友都問我哋,嚟到香港有無咩推介?被譽為美食天堂嘅香港,港式點心、菠蘿油、蛋撻等等都好有特色,至於想食茶檔或冰室嘅,今日我哋就嚟到銅鑼灣登龍街永光中心嘅龍門冰室,唔知又值唔值得推介俾遊客呢?

Read more

太子包羅萬有 明棧燒味餐廳

一家人聚吓食餐飯,唔駛太花巧複雜;一家人聚吓食餐飯,價錢大眾化就最啱;一家人聚吓食餐飯,地點當然要正中方便。今日我哋就去到太子嘅明棧燒味餐廳,無論係A媽想食中式點心、A妹想食港式常餐定A爸想食小菜,都一應俱全,價錢經濟實惠,味道都唔錯架。

Read more

唔該一份常餐 柴灣民華餐廳

自從同M佬搬咗去港島區,去柴灣睇戲就成為咗我哋其中一個嘅娛樂節目。為咗趕睇7點半,想快嘅唔一定快餐嘅,常餐都唔錯架!喺柴灣地鐵站附近嘅民華餐廳,除咗常餐之外,仲有唔同嘅點心同蒸飯,充滿港式口味!而民華餐廳喺唔少地區都有分店,幾時想食常餐都好方別。

Read more

男人的浪漫 VS 女人的現實 太子永興冰室Wing Hing Ice Room

「下一站太子,xià yī zhàn tài zĭ,Next station Prince Edward!」 突然間搭車經過,心血來潮,不如今日就去太子食飯啦! 就係咁,無plan過就去到太子,我A姐最鍾意嘅當然係A出口啦,再向前行1分鐘,就見到永興冰室喇,見到無味精嘅蕃茄薯仔鰂魚鮮蜆湯,係呢個潮濕天氣食番碗就最啱,一於入去食番碗先得!

Read more

港式晚餐:九龍灣聚點廚房茶餐廳叫餸食飯

M佬話男人嘅晚餐唔食飯好似總係掙咁啲,所以今日一於一切從簡,搵間茶餐廳叫餸食飯啦! 呢間茶餐廳雖然位于工廠區林立嘅九龍灣,但嘅室內設計又幾特別喎,係以懷舊嘅香港做主題,加上坐位寬闊,以格調環境嚟講,相當唔錯!

Read more