炮台山ROJO 讓自己休息一下

返工好多嘢做,又要追呢樣,又要趕嗰樣,無辦法啦,就嚟聖誕又年尾,係忙啲。所以今日嘅晚餐,決定食西餐,慢慢食,慢慢嘆,同M佬嚟到炮台山嘅ROJO,終於可以俾自己休息吓!

Read more

精緻西餐他她食 銅鑼灣HeSheEat

今日喺銅鑼灣行街街,趁年尾做減價,M佬買咗對情侶鞋做我哋今年嘅聖誕禮物!真係刺激起我嘅購物慾,直情想入去啲鋪頭大叫一句,除咗呢樣同嗰樣之外,全部同我包起佢!好耐未試過買野買到咁爽,好幸福呀!行到好攰,嚟到銅鑼灣地帶嘅HeSheEat,食飽再買過。

Read more

中西薈萃 大埔茶餐廳2.0

一個星期總有一日返娘家食飯,不過,A爸同A媽真係好極端,A爸就好鍾意食唐餐,但A媽就話平時屋企都煮唐餐啦,所以佢話出街就梗係唔好食中菜啦。今日去到大埔嘅茶餐廳2.0,款式夠多,優錢夠經濟實惠,佢兩個都好滿意。

Read more

大埔西餐 WM Café and Bar

自從同M佬搬咗去港島區,每逢weekend,我都會返去大埔娘家探吓屋企人,但前排大埔成為咗孤島,想返入去都唔容易,所以,我都好幾個星期無見過A媽喇,今日趁路面許可,我就入去大埔同佢食個lunch啦。今日嚟到WM Café and Bar同A媽食西餐。

Read more

驚喜大發現 銅鑼灣Kampoeng

同A姐喺IKEA買咗啲家庭用品,臨返屋企前去埋Kampoeng買蝦片先得!平時嚟Kampoeng主要係星期日,所以次次都係同成班印尼朋友一齊迫住買佢好出名嘅蝦片,但原來嚟咗咁多次,今次平日嚟到,先驚現原來下層係餐廳嚟架!所以行到好攰嘅我哋,決定入去食埋晚餐再返屋企啦。

Read more

簡單的Anniversary 銅鑼灣Ember

出咗幾日business trip,無見A姐幾日,返到嚟見到佢瘦晒真係心痛死我喇!放低行裝再梳洗吓,一於搵間餐廳同佢chill吓慶祝相見重遇日啦!嚟到銅鑼灣嘅Ember,呢度除咗係酒吧之外亦係一間餐廳,部份日子仲有駐場歌手唱歌添。見今日嚟到,同上次嘅menu又轉咗喎,有新意我鍾意,一於試試啦。

Read more

杏花邨新店 Oyster Princess

趁我哋嘅周年紀念日買返對情侶波鞋,所以今個weekend去到主打運動Outlet嘅杏花新城睇吓有無心水啦!買完嘢又係時候醫肚喇,杏花新城嘅餐廳唔少,但好多都係連鎖經營,難得見到呢間新開嘅Oyster Princess,門口仲有雪櫃售賣啲high quality嘅凍肉、海鮮同紅酒,一於試試。

Read more

西式小餐館 上環LLB Bistro

上環荷李活道嘅老店漸漸轉型,有人話集體回憶逐漸消失,但其實我哋又有無反問一吓自己,點解要到佢消失,我哋先話珍惜,其實一個城市係必須發展,活化未嘗唔係一個好嘅選擇。所以每次去到荷李活道,總會有些新發現,好似呢間LLB Bistro,係一間家庭式嘅小餐館,今日就同A姐去試試啦。

Read more

血拼荔枝角D2 Place 去KOOL酷廚醫肚

A姐:嘩!呢樣又靚,嗰樣又靚,點揀好呢?(尾音拉長2秒) M佬:兩樣都咁襯你,買曬佢啦!(Model answer) 話說天生購物狂嘅A姐又病發,今次案發現場係D2 Place,嗰啲本地手作舖頭真係開正A姐嗰反,咩都啱。左手五袋,右手六袋,荷包大出血。 去到D2 Place Two,真係頂唔順,上到二樓,見到KOOL酷廚,即刻入去。百幾蚊一個套餐,有餐湯同牛角包。

Read more

轉角特色西餐廳 太子Victoria Restaurant

旺角,人多車多,加埋大媽獻唱,真係不敢恭維。所以我A姐真係好少去旺角,反而會選擇去過少少嘅太子,喺街角小巷尋寶,搵到好多特色小店。今日,就去咗試一試Victoria Restaurant。主菜加38蚊就可以轉餐,有湯,麵包同飲品,非常划算。

Read more