有食就有還 荔枝角Allages

我同M佬成日都四圍覓食,食完最多散吓步,之後就返屋企坐睇《延禧攻略》啦,作為一個都市OT人,做運動真係無乜時間(M佬:藉口!)。直到有一日搭地鐵,竟然有人以為我大肚,讓咗關愛座俾我,而M佬就係隔離爆笑,我知我真係要做運動減肥,唔再係講吓嚇吓自己啲脂肪就算。但主張合約收費嘅Gym plan真係唔啱無乜恒心又唔太鍾意做機嘅我,所以今日同M佬就一齊去咗呢間位於荔枝角嘅Allages玩空中瑜珈同打泰拳喇。

Read more

親近大自然 假日遊鴨州

以前去鴨州除咗跟團,唯一嘅方法就係去到位於禁區內嘅沙頭角公眾碼頭坐街渡喇。但最近船公司聲威就開設咗新航線,由馬料水往返吉澳同鴨洲,方便遊客。航線逢星期六、日及公眾假期服務,來回票價$90,單程$50。而我哋上次去咗沙頭角玩,就順便去埋鴨州玩啦!

Read more

為萬聖節驚出有意義 Halloween Styloween Zombie Walk喪Z行 2018

一年入面,除咗我哋嘅周年紀念日,M佬最鍾意就係萬聖節,除咗主題樂園有好多好好玩嘅鬼屋,商場同食肆都有唔少以萬聖節為主題,氣氛好好。但想萬聖節玩得更有意義?今日就介紹大家參加Halloween Styloween!踏入第5年嘅Halloween Styloween,Fashion Walk將聯同一直致力推動護眼訊息嘅「Zombie Walk喪Z行」,等你體驗唔一樣嘅萬聖節同時,仲可以為國際防盲救盲組織「奧比斯」籌款。

Read more

讓藝術融入生活 國際匠人協會 – 典亞藝博2018

聽日就係long weekend,大家諗到去邊度玩未?如果好似A姐咁鍾意睇吓藝術展品,可以趁今個假期去到香港會議展覽中心參觀典亞藝博2018。場內有唔同嘅藝術展品,除咗可以欣賞嚟自世界各地唔同嘅展品,仲可以買啲返屋企,讓藝術融入你嘅生活當中。而場內,最吸引到我哋嘅就係國際匠人協會嘅作品喇。

Read more

土地問題 周末住好啲 香港JW萬豪酒店

今個星期嘅Happy Weekend活動就同A姐Book間酒店住吓,順便抓緊夏天嘅尾巴,游吓水都唔錯!為咗博得A姐嘅歡心,所以今次住好啲,去到金鐘嘅5星JW萬豪酒店!去到酒店4樓嘅lobby都未上房,A姐就問點解今次住得咁豪華,係未想求婚先?

Read more

廣州K11茶里Chali 文青必到茶店

M佬有個朋友D先生,Weekend都成日同佢豬豬返深圳廣州,話邊間餐廳好味,邊間Cafe好靚,攪到人哋心郁郁,都想去返轉!於是,我哋一行四人就喺上個Weekend搭直通車去廣州啦!

Read more

周末號外懶人包 賞想文創節@中環夏誌

今個星期六同星期日仲未諗去邊度玩?等我A姐話你知啦!今年Hoegaarden首度聯乘本地手作平台賞想Think of a Style舉辦「賞想文創節@中環夏誌」,由8月25日同8月26日喺中環海濱活動空間舉行,活動有嚟自香港、台灣同日本等地嘅300個手作單位,仲有多個Hoegaarden DIY工作坊俾大家創意大發揮。最重要係免費入場!

Read more

暑假去D2 Place沖個涼 打卡熱點Bomb Bomb Bath

暑假不知不覺就過咗一半,仲未去玩?一於學我A姐咁去美人出浴啦!今次去嘅係荔枝角D2 Place二期嘅Bomb Bomb Bath,呢度分成四大影相熱點,影完相仲可以去shopping掃貨!「M佬,記住影得我瘦啲,再幫我shopping埋單呀!」

Read more

1蚊買到咩? 美食博覽2018懶人包 入場前必睇六大攻略

繼書展同動漫電玩節之後,下一個重頭戲當然就係美食博覽啦!嚟到第29屆嘅美食博覽,會期將由2018年8月16日至20日期間舉行,有超過1,560家展商,分為「公眾館」、「尊貴美食區」同「貿易館」,要數最受歡迎嘅當然$1優惠啦!暑假仲未諗到做咩?咁一於捉埋M佬去美食博覽掃平貨啦!

Read more

海賊王粉絲必到 大埔白鷺湖One Piece Summer Park 2018

「不是能不能做到,而是我想成為海賊王!」作為海賊王嘅粉絲,又點會唔記得呢句說話呢!而作為海賊王粉絲嘅M佬,又點會唔去位於大埔白鷺湖互動中心嘅One Piece Summer Park 2018呢!今次嘅海賊王主題公園,除咗有唔少經典場景俾大家影相,仲有實體展出烈陽號甲板同亞洲首次露面嘅5米高巨型路飛4檔同攤位遊戲!(玩完海賊王嘅,仲可以順便玩埋Core Aqua Park水上充氣樂園)記住經Klook購買門票,比即場購票更平!

Read more