簡單的Anniversary 銅鑼灣Ember

出咗幾日business trip,無見A姐幾日,返到嚟見到佢瘦晒真係心痛死我喇!放低行裝再梳洗吓,一於搵間餐廳同佢chill吓慶祝相見重遇日啦!嚟到銅鑼灣嘅Ember,呢度除咗係酒吧之外亦係一間餐廳,部份日子仲有駐場歌手唱歌添。見今日嚟到,同上次嘅menu又轉咗喎,有新意我鍾意,一於試試啦。

Read more

金宵大廈 中環何蘭正

近期大熱劇集《金宵大廈》,唔知大家有無睇呢?好耐無睇大台嘅我哋,都被佢嘅前世今生主題所吸引。故事嘅前世大概發生喺六十年代,雖然六十年代對我哋嚟講係好遙遠,但係想懷舊一吓都有辦法嘅。今日,我哋就嚟到中環蘇豪嘅何蘭正,酒吧設計主打懷舊唐樓風,而餐廳嘅用具以至店員的服都配合主題,好有地道香港feel,玩味好重。

Read more

A姐的Birthday Dinner 銅鑼灣Babbo Trattoria

呢一日比情人節、相識紀念日、拍拖紀念日更重要,就算係我嘅生日都顯得毫不重要,講緊嘅就係A姐嘅生日。一向鍾意食日韓菜嘅佢,話生日就梗係要食有情調嘅西餐,嚟到銅鑼灣主打意大利菜嘅Babbo Trattoria,呢度有個大酒櫃同半開放式廚房。A姐大致上都好滿意,但俾完錢後,佢就勁嬲……因為我唔記得咗買蛋糕俾佢切,點算?奴才該死。

Read more

夢幻西餐廳 尖沙咀彌敦左岸

唔知大家細個有無玩過夢幻西餐廳呢?我A姐就試過玩到唔瞓覺,仲曾經懷疑自己大過開餐廳一定無問題!今日嚟到尖沙咀嘅彌敦左岸,呢度嘅設計擺設,同我嘅夢幻西餐廳好相似,有飲酒chill嘅地方、又有stage俾人唱歌、光線柔和有氣氛,最重要唔係行超高檔路線,可以輕輕鬆鬆咁relax嘅一餐。

Read more

透明朱古力蛋糕,你見過未?必到中環Yu Club大開眼界

M佬:A姐,考下你。有咩朱古力蛋糕係透明嘅? A姐:唔玩呀,你又整盅我嘅! M佬:唔係玩你㗎,快啲諗下啦…… A姐:唔知呀! M佬:我發誓,無玩你!唔好成日有被害妄想症啦! 嗰衰佬又唔知有咩奸計啦…… 做咩,帶我嚟中環陸羽茶室呀?你唔好話我知陸羽茶室有朱古力蛋糕食呀。原來係去隔離嘅陸羽大廈,乜上面有餐廳嘅咩?上去11樓,見到 Yu Club……

Read more