銅鑼灣養心殿台式養生鍋 必食麻辣鍋鴨血

我哋A姐M佬可以話係無辣不歡,食魚蛋粉必定落辣椒油,麻辣酸辣全部都啱!今日辣癮又起,一於去銅鑼灣養心殿台式養生鍋,刺激一下味蕾!

Read more

銅鑼灣心之食堂 日式樓上小店

呢排日日喺Facebook都見到日本櫻花洗版,Yen又跌到六算,真係想飛返轉日本!可惜M佬呢排好忙,成日出Trip,都係畀佢留喺香港休息下啦!去唔到日本,就食下日本菜,今日就嚟到銅鑼灣心之食堂,望梅止渴!

Read more

每個人心中都有一碗魚蛋粉 銅鑼灣三才魚蛋粉麵

魚蛋粉、雲吞麵、牛腩米,每個人心中總有間心水麵店,就係當你想食魚蛋粉時,就自自然然會去你嘅選擇。而我同M佬嘅選擇就係位於銅鑼灣渣甸坊嘅三才魚蛋粉麵。呢到有唔同嘅手作餃子,好似西洋菜餃、菠菜餃等等,但我哋更鍾意係佢個魚香味十足嘅魚蛋喇。

Read more

水準泰菜 銅鑼灣Siam 28

嚟到銅鑼灣澳門逸園中心嘅lobby,呢到嘅餐廳選擇好多,花多眼亂,真係唔知食咩好!話食乜都無所謂嘅A姐,打邊爐、日本菜、串燒同川菜通通都話唔好(何來嘅無所謂),原來我呢個主子本身已經有個標準答案,今晚佢想食泰國嘢,咁所以就食Siam 28啦!

Read more

打卡彩虹蛋糕 銅鑼灣Le Bread Lab

韓國嘅人氣食店又點止得炸雞同韓燒吖,連主打士多啤梨奶油捲嘅Le Bread Lab都嚟咗香港喇!當我懶sweet咁send message俾A姐,諗住帶佢去潮聖啦,佢就懶叻咁話:「我知吖,上年12月尖沙咀未開咗啦!」但佢就唔知原來銅鑼灣都開咗分店,仲有唔少限定選擇!

Read more

越南菜小店 銅鑼灣喜越

A姐話近期香港好似多咗好多越南餐廳,計我話只係因為佢之前只鍾情日韓菜系姐。唔知大家有無覺得每次食到一碗熱辣辣又濃香嘅牛河,其實真係好幸福架!今日我哋去到銅鑼灣耀華街食越南菜小店:喜越,一於試試又啱唔啱口味先啦!

Read more

鬧市中的小確幸 銅鑼灣犇之食堂

每次睇台灣電影,總會有好多從前嘅回憶,諗番起同成班同學去打波,坐喺麥記做功課,又諗起隔離班嘅女同學(未就係A姐囉)……再睇番依家,其實都好滿足。情感滿足,咁肚仔呢?今日就同A姐去到銅鑼灣嘅犇之食堂,細說我哋嘅那些年。

Read more

貼地肉骨茶真係咁正? 銅鑼灣兩草

肉骨茶可以話係星馬嘅平民美食,但當肉骨茶嚟到香港,就變咗上等菜(同泰國船麵一樣),貴得嚟味道仲要好參差。今日同M佬去到位於大坑,由舖搬到去大舖嘅人氣排隊餐廳兩草,餐牌選擇雖然唔多,但價錢大眾化,主菜由$20起跳,驚喜係連胡椒肉骨茶都只係$35,價錢就夠晒貼地,唔知味道又點呢?

Read more

香港的拉麵街 銅鑼灣金田家

我M佬同好多日本大叔一樣,都好鍾意食拉麵,而每次去到日本旅行,點都要食番幾碗拉麵先得!但最卡哇依嘅A姐次次入到去日本嘅拉麵店,佢都話自己有啲格格不入。就算返到香港,拉麵店都唔係佢嘅飯堂。今日,佢約咗friend食飯,所以放咗我free,我就去到銅鑼灣有拉麵街之稱嘅登龍街,試試呢間金田家啦。

Read more

維港靚景西餐 天后A La Umai

望住維港靚景再嘆個Semi Buffet,實好貴啦,邊個話㗎?呢間位於天后嘅A La Umai,就係我哋嘅秘密小餐廳,除咗價錢合理,食物質素唔錯,最重要就係呢個價值百萬嘅270度維港靚景,同A姐食真係夠晒浪漫啦!

Read more