小儀車仔麵 灣仔麵麵店

好多幕前嘅藝人都會開餐廳,但唔係太貴就係唔好食。而小儀呢間麵麵店主打平民車仔麵,加上小儀仲係美女廚神,所以食物質素都相當有保證(雖然比初初開店時都稍為退步),今次就去到灣仔分店,同A姐食碗車仔麵,滿足一吓思鄉心情,再上機出發去旅行啦!

Read more

驚喜大發現 銅鑼灣Kampoeng

同A姐喺IKEA買咗啲家庭用品,臨返屋企前去埋Kampoeng買蝦片先得!平時嚟Kampoeng主要係星期日,所以次次都係同成班印尼朋友一齊迫住買佢好出名嘅蝦片,但原來嚟咗咁多次,今次平日嚟到,先驚現原來下層係餐廳嚟架!所以行到好攰嘅我哋,決定入去食埋晚餐再返屋企啦。

Read more

大熱石燒牛 長沙灣牛極

最近香港開咗唔少熱石牛扒專門店,仲帶起咗食牛扒唔再係奢侈嘅事。今日同A姐去到長沙灣嘅牛極,呢度嘅牛扒主要嚟自美國、紐西蘭同日本,分為唔同種類同唔同份量,再喺塊火山石板上煎熟牛扒,而飯、沙律同日式牛肉湯都係無限添加,好抵食!

Read more

私心推介 旺角日本野

今日M佬話同我去食日本野,再同我去拍吓拖,我當然話好啦,但問極佢去邊間日本野,佢都猛話未日本野囉!搞到我哋好似麥兜同麥太對話咁,原來真係有間餐廳叫日本野架!呢間位於旺角銀城廣場嘅日本野,CP值相當高,M佬真係無介紹錯。

Read more

週末遊長洲 四大美食推介

嚟緊嘅weekend,唔知你地plan咗邊度玩呢?長洲又會唔會係你嘅選擇呢?其實,我哋都好多年無去過長洲喇,因為上次去長洲發覺仲多人過去旺角,“長洲賓客人數多” 呢句說話真係名不虛傳。但嚟長洲,除咗食大魚蛋、芒果糯米糍,又或者紅豆餅、手卷,其實仲有咩推介呢?今次,A姐同M佬各自推介兩個必食推介,由午餐食到晚餐!

Read more

柴灣飯堂 麗香園冰室

近呢幾個月,公司有好多唔同流言蜚語,包括人事變動、工作調配,甚至係是是非非。同事由以前好friend,到依家都有唔同自保或自私嘅想法。不過,工作上嘅轉變,唔可以話無所謂,但除咗接受就係離開架啦。反而我對其中一位同事講過嘅說話好心痛,雖然部份係聽返嚟,但有部份係我親耳聽到同感受到,令我對佢嘅信任澈底破解,可能係我太上心,對人太真情,原來人地覺得我係咁廢,當我係nothing。由於工作上feel uncomfortable,見我無咩胃口嘅M佬,就帶咗我去食啲comfort food,原來食嘢真係會令人快樂。

Read more

同一屋簷下 堅尼地城太吉

一打開個日式趟門,店員雖然唔係用日文打招呼,亦唔係用日文餐牌,但店內設計再播放上當年我最鍾意嘅日劇主題曲,真係好有feel呀。可憐嘅我就俾A姐放咗飛機,一個人嚟到堅尼地城嘅太吉。

Read more

簡單的Anniversary 銅鑼灣Ember

出咗幾日business trip,無見A姐幾日,返到嚟見到佢瘦晒真係心痛死我喇!放低行裝再梳洗吓,一於搵間餐廳同佢chill吓慶祝相見重遇日啦!嚟到銅鑼灣嘅Ember,呢度除咗係酒吧之外亦係一間餐廳,部份日子仲有駐場歌手唱歌添。見今日嚟到,同上次嘅menu又轉咗喎,有新意我鍾意,一於試試啦。

Read more

金宵大廈 中環何蘭正

近期大熱劇集《金宵大廈》,唔知大家有無睇呢?好耐無睇大台嘅我哋,都被佢嘅前世今生主題所吸引。故事嘅前世大概發生喺六十年代,雖然六十年代對我哋嚟講係好遙遠,但係想懷舊一吓都有辦法嘅。今日,我哋就嚟到中環蘇豪嘅何蘭正,酒吧設計主打懷舊唐樓風,而餐廳嘅用具以至店員的服都配合主題,好有地道香港feel,玩味好重。

Read more

如何回到當時 上水適雅餐廳

小學喺粉嶺讀書嘅A姐,佢成日同我話說當年。當年聯和墟街市仲未搬,呢個墟市車水馬龍,而適雅餐廳就有好多佢嘅回憶。當時嘅適雅餐廳喺北區絕對係名店,價錢一啲都唔平,只有考得好成績,A媽先會帶佢去食個lunch,慶祝一吓。時移世易,聯和墟嘅適雅餐廳搬咗去上水石湖墟,價錢仲好大眾化,今日就同佢回味一吓啦。

Read more