食得有營 北角營然

話說之前去埃及,差唔多日日都食自助餐,就算天生麗質,都會肥咗少少咁囉!返到嚟香港,當然要得輕營啲,咁先可以keep住我魔鬼身型㗎嘛!今日,就去北角營然,主打健康飲食。

Read more

過年食餃子 灣仔餃餃餃子

北方人大時大節,特別係新一年都好鍾意食餃子,貪佢有喜慶團圓同如意吉祥嘅意思。所以M佬今日話要帶我去食餃子,攞個好意頭,去到灣仔廈門街嘅餃餃餃子,乜唔係食中式餃子咩?點解係日!式!餃!子!店!M佬話無所謂啦,都係餃子姐,一樣都係好意頭,最緊要係好味道! 原來呢間餃餃餃子源於日本,所以舖頭細細似足日本小店,我哋等咗10分鐘,終於有位,但冬天嚟到,袋又大衫又多,講真迫迫劫劫咁,但附近啲人好似都慣咗咁,所以奉勸一句,追求坐得舒服嘅,呢間鋪頭唔太啱你喇!

Read more

餃掂食碗麵 太子餃掂手工餃子雲吞專門店

寫咗成日稿,終於可以「攪掂,食碗麵」!好啦,一於上網睇睇有乜好味嘅麵食啦!左搵右搵,好啦,呢間同我心情一樣嘅餃掂手工餃子雲吞專門店睇落又唔錯喎,除咗有麵食,仲有A姐最鍾意嘅餃子添,即刻去太子啦! 一入到嚟呢個舖頭,A姐就話佢好頭暈,因為呢間舖頭實在太多字,佢話徹底地將佢包圍,哈哈!但句句都係至理名言,搞到我掛住睇都無睇menu添!終於叫完嘢食,店員極力推薦我哋試吓枱上面嘅醃蘿蔔,連一向唔鍾意酸嘅我都覺得好好味,夠晒開胃!另外,仲有2款自家秘製醬汁,香辣醬同四川麻辣醬,辣味濃郁又夠香,用嚟配麵或餃子都一流!

Read more

太子阿純山東餃子 平民米之蓮餐廳

邊個話米之蓮餐廳一定係貴㗎,今次等我M佬帶A姐去試下位於太子嘅阿純山東餃子,係我最愛嘅平民米之蓮餐廳。 阿純山東餃子裝修一啲都唔靚仔,類似茶餐廳嘅setting,四圍貼咗好多食物相。如果多人嘅時候,真係會好迫。好似今次早去有卡位坐。

Read more