人氣壽司店 佐敦壽司郎

兩個月前嘅某一天星期日早上,A姐見到網上有人介紹日本過江龍壽司店 – 壽司郎,就驚喜大叫,而當時仲瞓緊覺嘅我,就被9秒9拍醒,即刻換衫同佢去佐敦彌敦道嘅壽司郎朝聖喇。未夠12點就到佐敦站,當我仲諗緊早餐都無食,直接食生野會唔會肚痛嘅時候,餐廳已貼上全日已滿嘅告示,仲提醒我哋可以用apps訂位架!WHAT!有無咁誇張呀!A姐嬲爆爆咁,即刻downloads apps,但想預約平日晚餐或weekend?時間選擇唔多,仲要係2個月後……由於時間關係,2個月後……我哋終於重臨壽司郎,大量食客塞滿門口,由於我哋係預約時間前到達,所以等咗1分鐘,就可以直接入餐廳面聖喇。

Read more

蒲燒鰻魚兩食 銅鑼灣鰻工房

唔知大家有無聽過「土用丑之日」呢?呢個日子係日本食鰻魚嘅大日子呀!而秋天嘅鰻魚係最肥美嘅季節,所以話鍾意食鰻魚嘅你,真係日日都可以係「土用丑之日」!今日M佬就帶咗我嚟到銅鑼灣嘅鰻工房,一齊去同鰻魚飯拍拖啦。餐廳店面面積雖然唔大,但以日式為設計,好有氣氛。

Read more

名人飯堂 佐敦新新酒樓

小時候,總會跟住M媽去佐敦探公公婆婆,而佢哋就最鍾意去新樂酒店嘅新樂酒家嘆吓一盅兩件,話咩水滾茶靚喎,小時候嘅我,仲記得食住蝦餃睇兒童周刊,成家人坐埋一齊,傾吓計,呢啲就係我嘅回憶。記得先前新樂酒店進行大裝修,一度以為新樂酒家會成為我嘅記憶,但原來新樂酒家嘅原班人馬喺莊士倫敦廣場,重新打造咗新新酒樓,新新酒樓屹立半世紀,係唔少名人嘅飯堂,今日就同A姐去尋找那些年的原味道。

Read more

銅鑼灣辣到跳起 湯火功夫麻辣燙

開始步入秋涼,想食辣嘢暖吓身?唔駛去咁遠嘅,近近哋銅鑼灣都有介紹!呢間湯火功夫主打麻辣燙,辣度麻度都可以自己揀,如果完全唔辣得,都仲有其他湯底選擇,今晚一於簡簡單單,同A姐食番碗麻辣燙啦。

Read more

串吧串吧串起他 旺角爆汗串串

甚少返大陸嘅我哋,聽到身邊朋友成日介紹返上去食麻辣嘢,咩麻辣燙呀、串串呀……其實想食唔一定要北上嘅,香港都有好介紹。呢間位於旺角嘅爆汗串串,夠香夠辣,仲真係會爆汗,下次再去食真係要帶件T-Shirt去換先得。

Read more

韓式炸雞 旺角Outdark

M佬哥,你望住我,伸隻手過嚟,一齊將呢個愛情鎖掛喺嗰鐵牆,鎖住大家嘅心,同時鎖住屬於我哋兩個人嘅呢分鐘……唔知下年今日我哋喺邊呢?今日就寫張Postcard畀下年今日嘅我哋…… 大家唔好誤會我哋喺度拍緊韓劇,我哋只係去咗旺角韓式炸雞店Outdark,除咗體驗佢哋門口嘅情人鎖牆同「給未來自己的信」活動之外,就梗係去食嘢啦!

Read more

香濃船湯開始 銅鑼灣泰濃麵

M佬去咗泰國公幹,日日都share好多泰國嘢食相俾我,真係睇到我好很嬲呀!我決定化悲憤為食量,我都要share番香港嘅泰國好味道俾你,今日就同C同事去到銅鑼灣嘅泰濃麵,食我嘅comfort food – 船河啦!

Read more

即切即磅抵食牛扒 銅鑼灣野郎Stone

好似A姐咁細食嘅朋友,唔知有無試過去据扒時,因為太大份食唔晒呢?今日就嚟到銅鑼灣嘅野郎Stone,牛扒即切即磅,由$88 (200g)起跳,食幾多都可以由你決定,好抵食呀!而牛扒除咗講求份量都講求質量,呢間性價比超高,值得推介!

Read more

海鮮shake your body 銅鑼灣Crabus Restaurant & Bar

喺美國讀過吓書嘅M佬成日同我講舊時,舊時喺美國點點點……佢話為食嘅佢漢堡包又點滿足到佢呢,但零用錢又唔多,儲咗好耐終於豪一次,喺美國試到shake shake海鮮,原來海鮮唔單止蒸,仲可以shake!見佢講得咁興奮,我都俾咗個驚喜佢,book定呢間喺銅鑼灣嘅Crabus Restaurant & Bar,等佢唔洗再講舊時,直頭好似去咗漁人碼頭咁回味舊時!

Read more

湯都飲得嘅藥膳米線 馬祖台灣養生湯麵館

去到中環除咗酒吧同多國菜,意想不到嘅係呢間位於中環嘅馬祖台灣養生湯麵館,店鋪細細,主打藥膳米線,喺門口已經聞到個湯底好濃好香,好吸引呀!加上依家秋風起,開始進補就啱晒啦!食完夠晒暖笠笠,好滿足。

Read more