低調高質西餐 鰂魚涌AGE Cuisine Express

喺太古城返工嘅M佬,逢星期二同星期四嘅Lunch都係食我整嘅超好味愛心飯盒,咁唔知佢其他日子通常去邊度食飯呢?為咗揭開呢個謎團,我決定跟蹤佢……(太誇張喇!)我決定叫佢帶我去試吓。所以今日就去到鰂魚涌嘅AGE Cuisine Express,試吓佢平時食開嘅餐廳啦!

Read more

日式餃子專門店 鰂魚涌餃餃餃子

喺日本已經有37間分店嘅餃餃餃子,進駐香港都一段時間,堅持每日新鮮包製,所以上次喺灣仔分店試過都唔錯,今日喺公司附近都見到開咗新分店,作為餃子都可以當飯食嘅M佬,今晚就約埋A姐撐枱腳。

Read more

來自北海道嘅鰂魚涌Asiri

要數全世界最浪漫嘅地方,唔知會唔會有北海道份呢?話說今年2月同M佬去咗北海道,由函館、小樽、札幌再玩到去旭川,諗番起個雪景就覺得好Sweet喇。喺北海道食咗好多地道嘢,其中湯咖喱係我哋嘅最愛,突然好想回味一吓,所以今日就去到位於鰂魚涌嘅Asiri,呢間小店仲係由日本人打理,夠晒正宗。

Read more

轉角遇到台灣菜 鰂魚涌點·子·巷Bistro Lane

A姐:你喺邊呀? M佬:我喺餐廳啦! A姐:我喺海光街。 M佬:咁得啦,直行再轉右,再直行再轉右,就到㗎啦! A姐:咁難搵嘅… M佬:係呀,所以咪話轉角遇到台灣菜囉。 呢間點子巷就係位於鰂魚涌太古坊海堤街,位置比較偏僻。餐廳風格清新,行文青風。

Read more

帶你的知心好友去鰂魚涌酒肉朋友

無論真心朋友定酒肉朋友,自從同咗A姐一齊之後,已經無時間見佢哋。難得今日A姐放我自由,我要同我班friend去happy吓先得!今日收工後就同班好耐無見嘅知心好友去到鰂魚涌嘅酒肉·朋友(Brothers Bar & Grill),一於邊食串燒邊傾計,好寫意呀!

Read more

高水準日式小店 鰂魚涌太古坊旭屋水產

上星期六同M佬去太古城探新居入伙嘅朋友,由朝玩到旯,又要搵食喇。雖然太古城嘅選擇好多,但等位嘅人更多,而且價錢貴又唔好味,所以我哋4個人決定行多幾步再去搵食啦!行到去太古坊一帶,因為Office林立,所以真係好多餐廳選擇,而且間間都係誠意小店。由茶餐廳小炒、輕型三文治,到台式餐廳、星馬菜館等。不過,喺大熱天時最啱就係食日本菜,所以經過呢間位於芬尼街新開嘅旭屋水產,二話不說,我哋就入去開餐喇。 餐廳嘅設計簡約,入到去已經見到好多櫻花設計,好有日本feel呀!店員仲好好笑容咁向我哋推介,我哋再望望餐牌,價錢又唔貴喎,唔知質素又點呢?

Read more

鰂魚涌太古坊真鮮之味 鯛魚魚湯專門店Snapper

天氣開始熱,我同M佬近排都無乜胃口,所以今日就清清哋食個湯飯啦!特登去到呢間位於鰂魚涌太古坊附近嘅日式鯛魚魚湯專門店,主打鯛魚魚湯,聽講鯛魚魚湯係低脂、高蛋白質仲好養顏,所以姊妹們想食得健康同越食越靚,就要早啲嚟排隊先得呀,因為呢度真係好full㗎!

Read more