超方便曼谷夜市 拉差達火車夜市 Ratchada Train Night Market

今次曼谷旅程3日2夜,當然要每一晚都行一個夜市啦!除咗主打潮流文青路線嘅飛機夜市之外,仲有呢個啱晒鍾意shopping嘅各位,又大又多嘢買,最重要係夠晒方便嘅Ratchada Train Night Market(拉差達火車夜市)!拉差達火車夜市位於曼谷MRT Thailand Cultural Centre站三號出口,交通夠晒方便,不過,記住check吓往酒店嘅尾班車時間,如果行到太夜,無地鐵走,就要諗plan B,可能搭的士或Uber喇。

Read more

主打潮流文青路線 曼谷飛機夜市Chang Chui Market

去泰國玩,唔行夜市點得架!但越開越多,又係唔係個個啱行呢?今日我就同M佬去咗呢個喺2017年6月23日先開嘅Chang Chui Market(飛機夜市),呢個夜市同一般掃平貨嘅廉價攤檔唔同,如果你嘅目標係牛仔褲、香薰油、按摩店、小食串燒同A貨,咁就要去拉差達火車夜市,呢個夜市千祈唔好嚟!因為呢度係玩設計同藝術創意文化,如果你想搵書、音樂CD、Art Gallery、咖啡、手工啤酒同Live Band,咁就啱晒你行。

Read more

人氣魚蛋粉老店 曼谷榮泰Rung Rueng Pork Noodle

3日2夜之旅除咗去商場shopping同食精緻泰菜之外,等我今日就帶M佬去食啲地道嘢啦(其實係順路行埋Terminal 21,奸計得呈)!鄰近BTS Phrom Phong站嘅榮泰係曼谷一間開業超過55年嘅老店,主打泰式豬肉河同泰式魚蛋粉,榮泰有兩個相連鋪位,分別由兩兄弟經營,聽當地人講,兩間味道分別唔大,我哋就去咗前面大啲嗰間啦。

Read more

曼谷必食水門海南雞 綠色招牌Kuang Heng Pratunam Chicken Rice

每次去曼谷,都一定會食水門海南雞,除咗雞肉夠晒滑,最重要係用鮮雞製作,真正可以講句雞有雞味!但水門市場,由街頭行到行尾都有10幾間選擇,而最為港人熟悉就係粉紅色嗰間(Kai Ton Chicken Rice)同綠色呢間Kuang Heng Pratunam Chicken Rice,真係各人各捧場客!

Read more

土地問題 曼谷住好啲 VIE Hotel Bangkok MGallery by Sofitel

今次呢個泰國之旅主要係為咗俾M佬喺近期忙碌嘅工作之中,可以抖吓休息吓,作為廿四孝女友,特別book間好少少嘅酒店,入住VIE Hotel Bangkok MGallery by Sofitel(曼谷索菲特美憬閣VIE酒店),因為香港土地問題,我仲特登揀咗間行政套房,感覺大概800呎:有一個大廳、有一間大房、有一個大嘅浴室、仲有一個書房,我終於可以同M佬玩土豪版捉伊因(即係喺間大屋度,蒙住佢隻眼,靠我嘅尖叫聲,搵返我個啲呢)!

Read more

最啱小朋友玩 曼谷Dinosaur Planet

相信大家都有睇過《侏儸紀公園》,而我家M佬仲係一得狂迷,仲將當中嘅金句 Life will find its way out(生命會找到自己的出路)成日掛喺嘴唇邊。所以嚟到曼谷,就帶佢呢個大細路去到佔地約12,000平方公尺嘅恐龍星球樂園 Dinosaur Planet,等佢同啲恐龍影吓相。精明嘅我哋提早上Klook買門飛,比現場買飛平接近HK$65,2個人平咗$130,真係可以食多隻海南雞!

Read more

曼谷全新Shopping Mall 必食系列King Power Rangnam

A姐明明話知我做嘢攰,帶我去曼谷鬆鬆玩吓,做吓Spa,點知今日就去咗全新開幕,位於市中心嘅King Power Rangnam行咗成日街,好彩呢度主打Life Style,仲有我最鍾意嘅運動品牌呀,都夠我慢慢睇!其實King Power呢個名相信大家都唔陌生,因為每次出入泰國各大機場,特別係喺曼谷上機返香港前,至少都會買盒芒果糯米飯上機食,而去King Power Rangnam(王權免稅購物中心)都好方便,只要坐BTS到Victory Monument站,喺2號出口行3-5分鐘就到喇。行咗大半日,見到A姐買咗一袋二袋…十袋後,終於可以去醫肚啦(詳情請睇:King Power Rangnam必買系列),幾時都話女人有得Shopping就唔駛食飯架啦!

Read more

曼谷全新Shopping Mall 必買系列King Power Rangnam

講真,曼谷都去過好多次,啲shopping mall真係行到邊到有垃圾筒,邊到有洗手間,邊到可以去攞旅客優惠卡都一清二楚,所以今次就去呢個全新開幕嘅商場:King Power Rangnam(王權免稅購物中心),睇吓多唔多嘢買先! King Power呢個名相信大家都唔陌生,因為每次出入泰國各大機場,特別係喺曼谷轉機或等上飛機,都可以去呢間免稅店shopping買嘢同試食,而好多時我就係為咗買手信同買芒果糯米飯,搞到要跑去閘口趕上飛機,我A姐真係咩形象都無晒!所以呢間全新開幕位於市中心,主打Life Style嘅King Power Rangnam(王權免稅購物中心)就夠晒方便,只要坐BTS到Victory Monument站,喺2號出口行3-5分鐘就到喇。除咗有世界級名牌,仲有好多泰國本地品牌、同埋地道小食及餐廳。我哋就先去shopping,再去醫肚啦(詳情請睇:King Power Rangnam必食系列)!  

Read more

旅行拍拖食買玩 3日2夜曼谷之旅

踏入2018年都無幾多日,M佬嘅生活係琴日OT、今日OT、聽日都要OT,見佢個樣都殘晒,真係心痛死人。雖然作為佢嘅愛人,其實我都好耐無見過佢。難得佢話星期五想放假抖抖,不如就同佢快閃轉曼谷,食吓嘢,瘋狂shopping,再做N次Spa,等佢好好休息啦(M佬話咁樣可能仲攰過返工 ><)。

Read more