老撾菜你食過未?中環施心畢老撾餐廳

老撾菜,你食過未?我哋兩個就真係未食過啦!老撾附近係泰國、柬埔寨、越南等國家,所以飲食文化跟泰國同越南菜好似,同樣用大量蔬菜、魚露同香料,不過辣度較低,比較重視食材嘅原本味道!今日嚟到中環施心畢老撾餐廳,主打老撾湯粉同見求。原來「施心畢」係老撾皇朝嘅姓氏,老闆都係老撾皇朝嘅後代,得我A姐去會下王子先!

Read more

對A姐好啲 去中環FUMI食懷石料理

上兩個星期,A姐因為趕住準備公司Event,日日都要OT,好大壓力,無啖好食。作為廿四孝男友,就梗係要慰勞下我嗰豬豬啦!今日帶A姐去中環蘭桂坊California Tower 6樓嘅FUMI食懷石料理。懷石料理講求精緻,無論餐具定係擺盤嘅要求都好高!我哋叫咗立夏の懷石套餐,加埋$280 清酒pairing,不醉無歸!

Read more

文青品茗 中環Tea Library

話說,我哋喺大館了解咗更多歷史同藝術,即刻覺得提升咗個人修養。行出嚟見到有間文青feel嘅茶店Tea Library,即刻入去買返杯,繼續藝術一下!

Read more

蒲友推介 中環蘭桂坊Burger Bar

去蘭桂芳蒲前蒲後,總要食嘢醫肚,上次介紹過食車仔麵,今次就介紹新開嘅Burger Bar啦,選擇唔少,喺蘭桂坊地段嚟講,咁大個包,價錢一啲都唔貴,飲完酒識咗幾個女仔,請埋萬歲都唔覺得肉赤啦!(A姐:吓?!你請邊個?)我邊有錢請呀,我所有人工都上繳晒啦!所以今日就係帶A姐同A妹去食咋。

Read more

斜路特式小店 中環卑利街DOSE

M佬曾經應承過我每個月都會帶我去中環覓食,呢個承諾由佢轉咗工之後就無咗蹤影啦!點知佢尋日無啦啦提返呢個承諾,話帶我去中環DOSE,係開心嘅!

Read more

蒲友必試 中環蘭桂坊車仔麵

話說未識A姐之前,小弟每個月都總會去一趟蘭桂坊,高峰嗰陣仲每個星期都出沒,什麼Magnum,什麼Prive,有咩未去過。不過今時唔同往日,往事只能回味……. 今日我決定重出江湖,帶A姐去老蘭,不過唔係去Club,係去食車仔麵。係呀,你無聽錯,蘭桂坊係開咗間車仔麵,仲係叫蘭桂坊車仔麵。

Read more

中環蘇豪Uncle Pizza Pasta & Grill 手做薄餅小店

中環Soho區一向都係西餐廳嘅集中營,沿住扶手登山電梯,總有一間喺你左近。講真要做得住,真係唔簡單,一定要有返幾道拿手菜式。今日就帶A姐去試下中環蘇豪伊利近街Uncle Pizza Pasta & Grill,睇下有無得留低。

Read more

中環Chotto Maki 自選大大仔卷物

Maki,卷物嘅日文,姐係紫菜包住嘅Sushi roll。細細個媽咪帶我去食迴轉壽司,一定會叫加州卷,貪佢咩都有。大大下就開始少食咗卷物,多數都係食壽司。話說某一日,M佬話中環附近開咗間壽司店叫Chotto Maki,主打自選卷物,本著好奇心同重拾童年回憶,就去咗試。

Read more

晚餐的小確幸 中環蘭桂芳Espuma

仲記得2016年5月某一天,嗰日太陽都係由東面升起,我仍然都係起身返工,但真係好煩呀。直到依家,我仲記得好清楚,因為一年後嘅今日,我又要煩過。而我知道明年嘅今日,我都會好煩……呢日係咩日子?就係M佬嘅生日囉!我除咗要諗買咩生日禮物畀佢,又要諗同佢去邊度食飯慶祝啦……最慘係,我個人真係無咩idea,去邊度食好呢?!左搵右搵,突然記得佢講過,想食西餐,咁就一於去……中環蘭桂芳嘅Espuma啦!話晒又有靚景,嘢食好味又抵食!最重要係M佬鍾意食嘛。 無嚟一排,原來menu又唔同咗,今次可以試吓新野喇!

Read more

今個Weekend去Espuma嘆High Tea啦

放假嘅日子,瞓到自然醒,先去High Tea,再去Shopping,真係好寫意呀!所以今日就約咗個好姊妹去到中環嘅Espuma,同佢一齊望住中環靚景再食件餅,嘆吓茶,咩都講一餐,身為淑女嘅我哋,呢個下晝真係好Relax呀!

Read more