記住要著深色衫 銅鑼灣咖哩爸爸

打邊爐相信你都一定食過沙嗲湯底,但咖哩湯底真係相對少見!今日嚟到銅鑼灣嘅咖哩爸爸,一入門口就聞到好香好香嘅咖哩香味,好吸引呀!但A姐由食第一啖開始就好唔開心,黑晒面喇!點算呀?唔係因為服務差,亦唔係食物有咩問題。而係佢勁唔小心咁彈咗咖哩汁去佢最鍾意嘅粉紅色衛衣度,我今晚有排受罪喇。所以A姐深情提醒大家,記住著深色衫嚟食咖哩火鍋喇。而餐廳雖然有限時,但如果無人等位,係唔會截你單,夠晒貼心。

Read more

快閃舒適遊台北 北投大地酒店

好多香港人都鍾意趁weekend快閃台灣,我哋都係!以前後生啲仲會將行程排到密麻麻,其實仲攰過返工咁玩盡三日兩夜再返香港!但依家老喇,所以今次就揀間可以浸溫泉嘅酒店,等自己relax吓!今次嚟到台北北投,揀咗呢間五星級嘅大地酒店,輕鬆嘆吓,連A姐都大讚今次行程!所以邊個話快閃就一定會好攰架?快閃都可以好舒適!

Read more

平行的時空 銅鑼灣十下

近呢半年,香港發生咗好多事,好多人都好似生活喺平行時空,對世事不理,仍然繼續享受所謂嘅生活。而我哋今日都去咗平行時空,但所謂嘅平行時空唔係畏縮,而係我哋去咗以香港復古懷舊為主題嘅餐廳,位於銅鑼灣嘅十下,喺呢度打邊爐就夠晒氣氛啦!「嗱,M哥仔,我 la 你去食火鍋,之後去荔園睇天奴!」

Read more

秋天邊爐日 旺角二鍋頭

近排天氣涼咗好多,唔知你最想食嘅會唔會係打邊爐呢?今日我哋嚟到旺角嘅二鍋頭,貪佢坐得夠舒服,仲係任飲任食2個半鐘,嘢食選擇夠晒多,食完雞煲再打邊爐,咁這個冬天就不太冷啦。

Read more

週末遊長洲 四大美食推介

嚟緊嘅weekend,唔知你地plan咗邊度玩呢?長洲又會唔會係你嘅選擇呢?其實,我哋都好多年無去過長洲喇,因為上次去長洲發覺仲多人過去旺角,“長洲賓客人數多” 呢句說話真係名不虛傳。但嚟長洲,除咗食大魚蛋、芒果糯米糍,又或者紅豆餅、手卷,其實仲有咩推介呢?今次,A姐同M佬各自推介兩個必食推介,由午餐食到晚餐!

Read more

粉紅粉紅趣緻的鍋 旺角美滋鍋

由一踏入火鍋店就俾迷人嘅粉紅色吸引住,雖則我A姐唔係一個粉紅色愛好者,但都被呢度嘅粉紅色迷惑到,未開餐已經可以無限selfie喇!而喺等位嘅時候,餐廳都安排咗小食同飲品俾大家食住等,但最開心一定係小朋友,因為呢度仲有寶寶樂園,小朋友都有自己嘅放電空間。

Read more

仲夏夜之鍋 中環火鍋撚

夏天為大地帶嚟雨水,落住雨本身plan咗嘅燒烤郊遊無奈要被取消(其實A姐放咗隻雨天公仔喺屋企,佢祈求落雨就唔駛去行山喇,終俾佢願望成真)。其實,唔緊要啦,同A姐一齊做咩,我都好滿足!A姐提議去打邊爐,所以今日我哋就嚟到中環蘭桂芳嘅火鍋撚,為夏日加溫!

Read more

復仇者聯盟後傳 銅鑼灣火鍋英雄

唔聽呀!唔睇Facebook呀!唔好同我劇透呀!就係咁,終於嚟到我哋睇《復仇者聯盟4:終局之戰》嘅大日子!要數我A姐最鍾意嘅就一定係雷神啦!佢真係好charm,仲要成身肌肉,真係好鬼正啊!仲有顏值爆標又爆肌嘅美國隊長……睇完戲出到嚟,M佬見到我超興奮(佢完全係滴汗mode),問我有無留意到有個超級英雄喺我附近,原來佢指住對面嘅火鍋英雄。係喎,我哋仲未食飯架喎,即刻同呢位火鍋英雄交吓手先得!

Read more

佐敦抵食任食火鍋 好味煌海鮮火鍋專門店

莊士倫敦廣場成棟都係餐廳,今日約咗成班姊妹出嚟聚舊,順便講吓啲男人壞話。但食飯傾計就最怕傾傾吓俾人趕走,今日去到好味煌海鮮火鍋專門店,2個半鐘任飲任食打邊爐就啱晒啦!而好味煌海鮮火鍋專門店以價錢實惠取勝,十分抵食。

Read more

人生交叉點邊爐與韓燒 荃灣校長燒肉日韓料理

近期A姐又唔知睇咗邊套電視劇,問埋啲假設性問題:如果我同M媽跌落海,你會救邊個先?(當然A姐問得‘更’有深度啦:佢問如果我想食韓燒,M媽想食打邊爐,你會揀邊一個?)呢啲係咩問題嚟架?點解要迫人去人生交叉點?一次過食晒兩樣,大家都開心唔好咩?今日嚟到人氣強勁嘅,位於荃灣嘅校長燒肉日韓料理,有人龍嘅支持,食物一定夠新鮮啦。

Read more