人氣壽司店 佐敦壽司郎

兩個月前嘅某一天星期日早上,A姐見到網上有人介紹日本過江龍壽司店 – 壽司郎,就驚喜大叫,而當時仲瞓緊覺嘅我,就被9秒9拍醒,即刻換衫同佢去佐敦彌敦道嘅壽司郎朝聖喇。未夠12點就到佐敦站,當我仲諗緊早餐都無食,直接食生野會唔會肚痛嘅時候,餐廳已貼上全日已滿嘅告示,仲提醒我哋可以用apps訂位架!WHAT!有無咁誇張呀!A姐嬲爆爆咁,即刻downloads apps,但想預約平日晚餐或weekend?時間選擇唔多,仲要係2個月後……由於時間關係,2個月後……我哋終於重臨壽司郎,大量食客塞滿門口,由於我哋係預約時間前到達,所以等咗1分鐘,就可以直接入餐廳面聖喇。

Read more

夢幻西餐廳 尖沙咀彌敦左岸

唔知大家細個有無玩過夢幻西餐廳呢?我A姐就試過玩到唔瞓覺,仲曾經懷疑自己大過開餐廳一定無問題!今日嚟到尖沙咀嘅彌敦左岸,呢度嘅設計擺設,同我嘅夢幻西餐廳好相似,有飲酒chill嘅地方、又有stage俾人唱歌、光線柔和有氣氛,最重要唔係行超高檔路線,可以輕輕鬆鬆咁relax嘅一餐。

Read more

記得豬紅成熟時 尖沙咀一君士多

能將少男青春「爆發」嘅點少得港產電影《記得…香蕉成熟時》呢?喺重要嘅時刻,以火山爆發、煙花發放等意象表現出嚟,當年嘅港產電影,今日睇番,依然回味。想真實回味?今日我哋就去到尖沙咀嘅一君士多,仲好有緣見到香蕉仔,感受吓鄧一君嘅豬紅成熟時!

Read more

懷舊風港式餐廳 尖沙咀光榮冰室

早幾年,香港嘅保育風氣盛行,大家都好珍惜懷舊嘅事物,哪怕是一磚一瓦都希望得以盛傳。仲記得,當時有好多冰室餐廳頂唔住財團加租,或退休引退,一時間香港嘅冰室買少見少,而同時又有另一鼓新勢力重開冰室,令到香港嘅冰室好參差,但呢間位於尖沙咀厚福街嘅光榮冰室就值得我哋推介。

Read more

佐敦抵食任食火鍋 好味煌海鮮火鍋專門店

莊士倫敦廣場成棟都係餐廳,今日約咗成班姊妹出嚟聚舊,順便講吓啲男人壞話。但食飯傾計就最怕傾傾吓俾人趕走,今日去到好味煌海鮮火鍋專門店,2個半鐘任飲任食打邊爐就啱晒啦!而好味煌海鮮火鍋專門店以價錢實惠取勝,十分抵食。

Read more

細細個就聽過喇 尖沙咀德興酒家

德興酒家真係細細過就聽過佢個名喇!鍾意打邊爐嘅我哋,喺早幾年前,我哋試過!我哋真係試過!講真,食物質素麻麻,坐位又唔舒服,食客都唔多。到近期,聽到好多朋友話食物質素好咗好多,而且無論硬件定軟件都提升咗好多,價錢實惠,性價比算高,所以俾多次機會佢,今次再嚟到尖東分店,不限時放題,估唔到真係有超值。

Read more

尖沙咀高質燒肉放題 本佐日本燒肉料理

唔知M佬呢排做乜成日都好肚餓,食完一餐,唔夠兩個鐘又口痕想再食嘢!係咁肚餓嘅情況之下,就最啱食放題啦!呢間位於尖沙咀嘅本佐日本燒肉料理,除咗燒肉,仲有刺身、炸物、小食等,選擇好多,正!餐廳夠大夠闊落,坐得好舒服,特別鍾意佢用iPad點餐,全程無漏單情況。

Read more

一個痴漢串燒 尖沙咀喜膳燒

今日喺尖沙咀等咗好耐好耐,whatsapp A姐又無人覆,而我只係痴痴的等,等咗差唔多1個鐘,A姐先打俾我,話約咗人,又唔記得話我知,就係咁我俾A姐放咗飛機喇!成個痴漢咁,我就去到喜膳燒食串燒,最鍾意呢度嘅串燒放喺鐵板上,所以啲串燒放耐咗都仲好夠熱。

Read more

尖沙咀打邊爐 禾牛薈火煱館

M佬去咗上海公幹成大半個月,問佢最掛住香港啲咩?佢竟然話掛住打邊爐而唔係掛住我囉!!既然咁掛住打邊爐,我哋就去咗尖沙咀金馬倫道嘅禾牛薈火煱館食晚飯啦!呢度設有卡位同VIP房,無論情侶定成班friend都啱晒啦。而每一個卡位都設有獨立電視,邊煲劇邊食個煲都得!另外,呢度叫嘢食仲可以用link,夠環保之餘,仲可以睇到每樣食物嘅相片。

Read more

尖沙咀牛魔 高質牛午餐

星期日,一個要瞓到自然醒,一個要一早起身玩夠成日……相愛很難,相處更難。兩個截然不同嘅人,要在同一個空間相處,就係要互相遷就!今日,A姐特登唔一早嘈醒我,畀我瞓到自然醒,好滿足呀!就等我帶A姐去尖沙咀新開嘅牛魔Yakiniku More食Lunch啦,食A5和牛同特選牛!

Read more