東盟電影節2023 從電影認識東南亞文化

泰國、越南、馬來西亞、新加坡、印尼…講起呢啲東南亞國家，就諗起去旅行！去泰國shopping、去越南看自然風景、去馬來西亞食好西、去新加坡玩主題樂園、去印尼享受陽光與海灘…加上各個東南亞國家都有獨特嘅傳統文化，令每次旅程都充滿驚喜。

東南亞係一個擁有近7億人口多元化的地區，除咗熱門嘅星、馬、泰，近年越、柬都開始成為港人旅遊嘅焦點，但唔知相對冷門嘅老撾（寮國），又唔會成為你下個旅行嘅目的地呢？曾被法國殖民嘅老撾，處處都充滿法國風情，而講到老撾嘅地標，當然唔少得位處萬象（永珍）嘅凱旋門。萬象凱旋門除咗參考巴黎凱旋門嘅建築之外，牆上更雕有唔同嘅神話同神像，絕對能夠表現東西文化融合嘅特色，至於凱旋門嘅夜景更絕不能錯過呀！講到呢度，我要去買張戲飛先！

去旅行唔係買機票嘅咩，點解會買戲飛呢？因為想了解一個國家嘅文化特色，除咗親身去體驗之外，欣賞當地嘅電影都係一個唔錯嘅選擇。而且近年東南亞各國嘅電影逐漸抬頭，喺世界各地甚至屢獲殊榮，《出貓特攻隊》、《呃love天團》等東盟電影喺香港更非常賣座呢！

東盟電影節2023
如果你都想欣賞東南亞嘅電影，就要mark實日子，參加由香港-東盟協會、東南亞國家聯盟（東盟）駐香港總領事館等合作夥伴舉辨，由2023年8月4日至8月19日喺香港舉行嘅首屆東盟電影節。每個星期五、六、日都精選各東南亞地區嘅電影，期望透過東盟，與香港觀眾分享美麗及多元化嘅東盟文化與習俗，加深大家對東南亞文化嘅理解。

不過，唔好以為電影節所揀選嘅電影就一定係好悶嘅文藝電影或紀錄片，東盟電影節嘅電影非常多元化，而且故事充滿創意，加上導演喜以獨特嘅敍事手法，令每套電影都好吸引，例如印尼喜劇《思念家園》、老撾驚慄電影《靈界迴路》、泰國愛情喜劇《去吧﹗女神兵團》、泰國動畫《瑟撒剛歷險記》等等。東盟電影節嘅電影將於M+ Cinema同奧海城 the sky 放映，放映詳情可於香港-東盟協會社交平台（FB、IG）或官方網站了解。另外，喺東盟電影節期間，大家更可以密切留意香港-東盟協會社交平台嘅有奬遊戲活動，將會獨家派發不公開發售嘅電影門票呢！

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

東盟電影節2023 ASEAN Film Festival 2023
東盟電影節日期：2023年8月4日至8月19日
東盟電影節地址：M+ Cinema / the sky（Olympian City）
東盟電影節網址：www.aseanfilmfest.org

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com