【曼谷酒店住宿推薦2023】曼谷索菲特美憬閣VIE酒店 VIE Hotel Bangkok MGallery by Sofitel
【曼谷酒店住宿推薦2023 | 曼谷索菲特美憬閣VIE酒店】今次呢個泰國之旅主要係為咗俾M佬喺近期忙碌嘅工作之中，可以抖吓休息吓，作為廿四孝女友，特別book間好少少嘅酒店，入住VIE Hotel Bangkok MGallery by Sofitel（曼谷索菲特美憬閣VIE酒店），因為香港土地問題，我仲特登揀咗間行政套房，感覺大概800呎：有一個大廳、有一間大房、有一個大嘅浴室、仲有一個書房，我終於可以同M佬玩土豪版捉伊因（即係喺間大屋度，蒙住佢隻眼，靠我嘅尖叫聲，搵返我個啲呢）！
曼谷酒店住宿推薦2023 | 曼谷索菲特美憬閣VIE酒店 | 前往方法
曼谷酒店住宿推薦2023 | 曼谷索菲特美憬閣VIE酒店 | 如果落機搭機場快線，由機場站搭到尾站Phaya Thai再轉BTS，坐1個站就到Ratchathewi站，之後行3分鐘就到酒店，全程都係1個鐘內。而距離酒店最近嘅大型商場就係行10分鐘就到嘅Siam Discovery，之後由Siam Discovery一路行，就係Siam購物區：MBK、Siam Center、Siam Paragon、Central World、Big C等等。如果唔想行，都可以考慮BTS，坐一個站就係Siam站喇，另外，由09:00-19:00，酒店仲提供免費單程接送，由酒店去Siam Center、Siam Center、Siam Paragon、Central World、ZEN Department Stores，只要提前15分鐘預訂就得架喇！
曼谷酒店住宿推薦2023 | 曼谷索菲特美憬閣VIE酒店 | 酒店大堂
曼谷酒店住宿推薦2023 | 曼谷索菲特美憬閣VIE酒店 | Check in時又點少得一杯Welcome Drink呢！呢個飲品甜甜哋，但就有同我一樣Cute and Sexy嘅迷人紅色！
曼谷酒店住宿推薦2023 | 曼谷索菲特美憬閣VIE酒店 | 書房區域
曼谷酒店住宿推薦2023 | 曼谷索菲特美憬閣VIE酒店 | 入房就係書房區域，想搵A姐M佬開會就相當唔錯（其實張枱最後係放滿我嘅戰利品）啦！而我哋最滿意就係個WIFI，速度非常快，鑑於房間非常大，所以我不時喺書房區域同喺房嘅M佬視訊都無問題。
房間除咗有收費迷你吧，喺書房區域仲有免費嘅膠囊咖啡同TWININGS茶包。
曼谷酒店住宿推薦2023 | 曼谷索菲特美憬閣VIE酒店 | 客廳區域
曼谷酒店住宿推薦2023 | 曼谷索菲特美憬閣VIE酒店 | 旁邊就係我最最最最鍾意嘅超大客廳，Sofa都有4張，我決定要喺呢度開足2晚演唱會呀！M佬要幫我揮螢光棒架！
房間嘅唔同地方都預備咗免費礦泉水，真係行到邊都有支喺左近！
曼谷酒店住宿推薦2023 | 曼谷索菲特美憬閣VIE酒店 | 睡房區域
曼谷酒店住宿推薦2023 | 曼谷索菲特美憬閣VIE酒店 | 一見到張床，我就已經跳上去唱金絲雀，張床夠晒大，軟硬度適中，好舒服呀！而跟機嘅羽絨枕如果唔啱心水，可以睇睇枕頭menu，換一個適合又啱心水嘅枕頭，因為玩完一日有一個舒服嘅睡眠，真係好重要。
衣櫃入面仲有保險箱、拖鞋、熨斗，有需要都可以用架。
曼谷酒店住宿推薦2023 | 曼谷索菲特美憬閣VIE酒店 | 浴室區域
曼谷酒店住宿推薦2023 | 曼谷索菲特美憬閣VIE酒店 | 房間嘅最後一部份就係呢個大浴室，除咗有大浴缸可以浸浴，仲有花灑區、如廁區，分得好仔細架！而浴室內已經有齊各項日用品，連浴鹽同刷刷布都有。不過，就略嫌個馬筒較矮，坐低唔舒服。如果瞓到半夜肚餓，或需要買啲咩必須品，酒店對面就有便利店同小販檔喇。
曼谷酒店住宿推薦2023 | 曼谷索菲特美憬閣VIE酒店 | 健身及泳池
曼谷酒店住宿推薦2023 | 曼谷索菲特美憬閣VIE酒店 | 呢度嘅健身室設施相當齊全，而最驚喜係有駐場教練，除咗教你用儀器，仲免費指導你想做嘅部位，相當唔錯。
而泳池就係Infinity Pool，有畏高嘅就唔好游到去尾喇！
曼谷酒店住宿推薦2023 | 曼谷索菲特美憬閣VIE酒店 | La Vie：早餐
曼谷酒店住宿推薦2023 | 曼谷索菲特美憬閣VIE酒店 | 早餐嘅選擇唔少，仲要2日嘅早餐都有變化，真係去玩都唔會悶親個胃。
其中我最鐘意係果汁嘅選擇相當多，仲有每日特調，因為我A姐去親旅行，腸胃就會麻麻，飲多啲果汁就可以幫助便便啦。
而另一驚喜係，有好多Cereals嘅選擇呀！
當然，仲有腸仔、麵包、點心、湯、煎蛋、炒飯之類嘅選擇，呢個早餐夠晒豐富。
相關文章：【曼谷自由行景點2023】3日2夜曼谷自由行之旅 旅行拍拖食買玩快閃行程
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
曼谷索菲特美憬閣VIE酒店 VIE Hotel Bangkok, MGallery by Sofitel
地址：117/39-40 Phayathai Rd, Khwaeng Thanon Phetchaburi, Khet Ratchathewi, Krung Thep Maha Nakhon 10400, Thailand
網址：www.accorhotels.com
相關文章：抵玩推介！用HotelQuickly訂房即享折扣Code，抵上加抵！
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
