【都柏林一日遊】9個都柏林市區必去必食的都柏林旅遊景點好去處
【都柏林自由行必去景點】都柏林係愛爾蘭嘅首都，亦係愛爾蘭嘅門戶，所以去愛爾蘭旅行總會經過都柏林。而我哋今次就由北愛爾蘭出發，由貝爾法斯特坐兩個鐘巴士嚟到都柏林。愛爾蘭嘅官方語言係英文，所以喺愛爾蘭旅行，溝通唔會成為大家嘅難題，更成為近年香港人熱門嘅旅遊地點。今次旅程就由都柏林開始，推介九個都柏林市中心必去嘅都柏林旅遊好去處啦！
都柏林自由行必去景點 | 1. 都柏林好去處：健力氏啤酒廠 Guinness Storehouse
都柏林自由行必去景點 | 講起愛爾蘭，我第一時間就諗起Guinness，而愛爾蘭人亦對Guinness呢個世界最大嘅黑啤品牌感到自豪，所以嚟到愛爾蘭嘅都柏林就梗係要參觀一吓健力氏啤酒廠啦！健力氏啤酒廠分為八層樓，讓大家透過唔同嘅展覽同互動體驗，深入淺出健力士啤酒嘅製作、品牌故事同發展。當然最受歡迎嘅就係品酒同親自打酒嘅環節啦！
都柏林自由行必去景點 | 2. 都柏林好去處：都柏林城堡 Dublin Castle
都柏林自由行必去景點 | 愛爾蘭曾經係一個動盪嘅代名詞，因為宗教、政治上嘅分歧，曾陷入一個黑暗嘅戰爭時代。經過戰火洗禮嘅愛爾蘭，終於獨立成為一個主權國家。而都柏林城堡就見證住呢兩個時代嘅故事：喺1204年英國國王下令興建都柏林城堡，並成為英屬愛爾蘭時期嘅軍事同政治中心。至愛爾蘭獨立後，城堡就成為愛爾蘭人嘅國家象徵，總統就職禮亦會喺都柏林城堡進行。參觀城堡內部需要購票，如果你對愛爾蘭歷史充滿興趣，就絕對值得入場一看。
都柏林自由行必去景點 | 3. 都柏林好去處：都柏林尖塔 Spire of Dublin
都柏林自由行必去景點 | 如果你唔認識尖塔，你行過路過可能只會以為係避雷針，但其實都柏林尖塔極具意義。都柏林尖塔亦被稱為光明紀念碑（Monument of Light），高121.2米，原址係1966年被炸彈摧毀嘅納爾遜之柱，並成為都柏林嘅地標之一。
都柏林自由行必去景點 | 4. 都柏林好去處：格拉夫頓街 Grafton Street
都柏林自由行必去景點 | 用英鎊嘅北愛爾蘭，消費物價都貴，嚟到愛爾蘭嘅都柏林，係歐盟嘅成員國，使用歐羅結算，所以鍾意shopping嘅你，嚟到愛爾蘭可以盡情掃貨喇！都柏林市中心嘅格拉夫頓街，就有唔少遊客喜愛嘅品牌，例如Boots藥妝店、Primark時裝店、百貨公司同大型商場等等，，鍾意shopping嘅你，喺都柏林一日遊，真係唔洗去其他地方，喺格拉夫頓街已經可以玩足一日啦！
都柏林自由行必去景點 | 5. 都柏林好去處：半分橋 Ha’penny Bridge
都柏林自由行必去景點 | 大部份主要城市都有一條河流，例如倫敦有泰晤士河、巴黎有塞納河、紐約就有哈德遜河等等，而都柏林嘅代表河流就有利菲河。利菲河將都柏林分為南岸和北岸，而半分橋嘅前身係威靈頓橋，以紀念威靈頓公爵喺滑鐵盧戰役中擊敗拿破崙凱旋歸來。至於點解叫半分橋，係因為以前過橋係需要比半分嘅過路費。
都柏林自由行必去景點 | 6. 都柏林好去處：愛爾蘭國立美術館 National Gallery of Ireland
都柏林自由行必去景點 | 作為愛爾蘭嘅首都，其實都柏林有唔少博物館，而我哋最鍾意嘅就係愛爾蘭國立美術館。愛爾蘭國立美術館嘅規模、館藏、同人氣指標都係愛爾蘭評分最高，如果你哋時間唔夠嘅話，可以優先選擇愛爾蘭國立美術館。而愛爾蘭國立美術館主要收藏和展示14世紀至20世紀歐洲的繪畫及雕刻作品，收藏有意大利巴洛克藝術和荷蘭藝術大師的作品而知名。
都柏林自由行必去景點 | 7. 都柏林好去處：愛爾蘭現代藝術博物館 Irish Museum of Modern Art
都柏林自由行必去景點 | 近年唔少國家都關注現代藝術，愛爾蘭都唔例外！愛爾蘭現代藝術博物館嘅前身係一間醫院，經過活化後成為愛爾蘭現代藝術博物館，展出當代藝術，博物館亦會不定時更新展品，讓大家每次參觀都充滿驚喜。
都柏林自由行必去景點 | 8. 都柏林好去處：National Museum of Ireland – Natural History
都柏林自由行必去景點 | 呢個博物館嘅面積雖然細，但卻展出超過1000種動物嘅標本同骸骨。如果有時間或者係親子旅程，不妨到National Museum of Ireland – Natural History參觀吓。
都柏林自由行必去景點 | 9. 都柏林好去處：National Museum of Ireland – Archaeology
都柏林自由行必去景點 | 最後一個推介嘅行程就係National Museum of Ireland – Archaeology，呢個博物館以愛爾蘭嘅遠古以至近代歷史為主，想了解愛爾蘭嘅歷史，絕對可以喺呢度慢慢發掘同沉醉。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
都柏林 Dublin
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
