【貝爾法斯特住宿推薦2023】北愛爾蘭唯一嘅萬豪品牌 貝爾法斯特萬豪AC酒店

【貝爾法斯特住宿推薦2023】北愛爾蘭嘅景點非常豐富，例如：鐵達尼號紀念館、巨人堤道、權力遊戲取景地點等等，而去北愛爾蘭旅行，大家都一定會取道首都：貝爾法斯特。但作為萬豪嘅忠粉，嚟到北愛爾蘭真係好傷心呀，因為全國唯一嘅萬豪品牌就只有位於貝爾法斯特嘅AC酒店（AC Hotels by Marriott Belfast），不過，好彩AC酒店屬於新裝修嘅酒店，房間面積夠大又非常舒服呢！

貝爾法斯特住宿推薦2023 | 貝爾法斯特AC酒店 AC Hotels by Marriott Belfast | 酒店大堂

貝爾法斯特住宿推薦2023 | 貝爾法斯特AC酒店（AC Hotels by Marriott Belfast）位於貝爾法斯特市中心，河嘅對岸就係鐵達尼號紀念館，由酒店行3分鐘就會去到地標嘅阿伯特紀念鐘樓，而行5分鐘就會去到市中心嘅購物區，地理位置嚟講，非常方便。

貝爾法斯特住宿推薦2023 | 貝爾法斯特AC酒店 AC Hotels by Marriott Belfast | 客房區域

貝爾法斯特住宿推薦2023 | 貝爾法斯特AC酒店（AC Hotels by Marriott Belfast）樓高8層，設有188間客房同套房，我哋今次就被安排入住7樓嘅高級兩張大床房。酒店喺2018年開業，所以房間嘅設計仍然非常新淨，設計簡約但又非常實用。我哋房間面向河岸，可以遠眺對岸嘅鐵達尼號紀念館，非常開陽。

因為家庭房嘅關係，所以房間嘅面積非常大，房間有兩張雙人床，就算兩大兩小一齊入住都唔會覺得迫。床褥軟硬適中，床單柔軟，非常舒服；枕頭總共有3個，2個係偏軟1個係偏硬。床頭位置分別設有USB插頭，夠晒方便。

房間內亦設有一個小偏廳，餐枱位置非常大，而房間亦放有茶包、咖啡包、蒸餾水、有汽水、風筒、熨斗、燙衫板、拖鞋、浴袍、夾萬同雪櫃等，用品非常齊全。

貝爾法斯特住宿推薦2023 | 貝爾法斯特AC酒店 AC Hotels by Marriott Belfast | 浴室區域

貝爾法斯特住宿推薦2023 | 浴室光潔明亮，乾濕分離，不過就無浴缸啦！個人用品方面，設有洗頭水、沐浴露、護髮素、潤膚露同番梘。因為酒店響應環保，所以其他用品例如：牙刷、牙膏、剃鬚刀等等，就要打電話叫職員另外送上。

貝爾法斯特住宿推薦2023 | 貝爾法斯特AC酒店 AC Hotels by Marriott Belfast | 娛樂設施

貝爾法斯特住宿推薦2023 | 貝爾法斯特AC酒店（AC Hotels by Marriott Belfast）設有健身室，面積細小，但健身器材都算齊全。

貝爾法斯特住宿推薦2023 | 貝爾法斯特AC酒店 AC Hotels by Marriott Belfast | 餐飲服務

貝爾法斯特住宿推薦2023 | 貝爾法斯特AC酒店（AC Hotels by Marriott Belfast）設有一間餐廳，我哋喺酒店享用咗自助早餐同午餐。自助早餐非常豐富，煎蛋、腸仔、麵包、煙肉、茄汁豆等等，大家可以自製一份豐富嘅英式AllDay Breskfast！至於午餐嘅價錢都唔貴，非常親民，我哋就叫咗一份炸魚薯條同漢堡包，望住河岸嘅景色嘆午餐，真係非常寫意。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

貝爾法斯特萬豪AC酒店 AC Hotels by Marriott Belfast
地址：Donegall Quay, Belfast BT1 3FE
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com