【倫敦住宿推薦2023】罕有的極度綠化 希爾頓倫敦西昂公園酒店

【倫敦住宿推薦2023】倫敦係世界上其中一個數一數二嘅大城市大都會，嚟倫敦玩嘅行程都離不開行吓博物館或者喺城市慢步。所以今次Staycation選擇希爾頓倫敦西昂公園酒店（Hilton London Syon Park），一踏出酒店就係一大片綠油油嘅公園，真係充滿度假feel呀！

倫敦住宿推薦2023 | 希爾頓倫敦西昂公園酒店 Hilton London Syon Park | 酒店大堂

倫敦住宿推薦2023 | 前往希爾頓倫敦西昂公園酒店（Hilton London Syon Park）最方便嘅公共交通工具，就係坐地鐵去到Boston Manor再轉乘巴士，往返倫敦希斯路機場都非常方便。至於希爾頓倫敦西昂公園酒店（Hilton London Syon Park）大堂舒適寧靜，設計唔會太花巧，而喺check-in counter旁邊就有唔少休息嘅空間，成個感覺非常舒服。

倫敦住宿推薦2023 | 希爾頓倫敦西昂公園酒店 Hilton London Syon Park | 客房區域

倫敦住宿推薦2023 | 倫敦西昂公園酒店（Hilton London Syon Park）共設有137間客房及套房，我哋今次就被安排入住1樓嘅豪華特大床房。一入到房間，個人感受嚟講就真係唔太鍾意用呢隻紫色做主調喇！不過，我哋房間屬於相連房間嘅一部份，如果多人入住嘅話，入住相連房間確實非常方便。

房間嘅面積都算大，床鋪非常大張，床褥軟硬度適中，非常舒服；枕頭總共有4個，2個係偏軟2個係偏硬。不過，就只有一邊嘅床頭位置有插頭，相對無咁方便。

由於我哋入住一樓，所以房間設有一個小小嘅私人平台，不過酒店設計上為咗保障住客嘅私隱，所以平台被一個綠色嘅樹牆覆蓋，所以景觀欠奉。但因為呢個樹牆同房間嘅窗簾，令整間房間嘅遮光度十足，絕對可以瞓到自然醒。

房內亦設有梳化、茶几、書枱，另有茶包、咖啡包、蒸餾水、雪櫃、風筒、熨斗、燙衫板同夾萬等等，設備非常齊全。

倫敦住宿推薦2023 | 希爾頓倫敦西昂公園酒店 Hilton London Syon Park | 浴室區域

倫敦住宿推薦2023 | 浴室乾濕分離，個人用品方面有洗頭水、沐浴露、護髮素、潤膚露同番梘。因為酒店響應環保，所以其他用品例如：牙刷、牙膏、拖鞋、剃鬚刀等等，就要打電話叫職員另外送上。

倫敦住宿推薦2023 | 希爾頓倫敦西昂公園酒店 Hilton London Syon Park | 娛樂設施

倫敦住宿推薦2023 | 倫敦西昂公園酒店（Hilton London Syon Park）設有健身室同游泳池，不過，我哋今次入住期間並無享用以上設施，我哋主要去咗附近嘅錫永宮參觀。

倫敦住宿推薦2023 | 希爾頓倫敦西昂公園酒店 Hilton London Syon Park | 餐飲服務 – 自助早餐

倫敦住宿推薦2023 | 酒店設有一間餐廳，朝早嘅自助早餐非常豐富，有乳酪、沙律、香腸、煙肉、炒蛋、煙三文魚、薯餅同多款麵包等等，絕對可以自製一份All Day Breakfast！

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

希爾頓倫敦西昂公園酒店 Hilton London Syon Park
地址：Park Rd, Isleworth TW8 8JF
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com