【香港Staycation】以本土為設計概念 星級品牌港島英迪格酒店
港島英迪格酒店（Hotel Indigo Hong Kong Island）以地道香港為設計特色，房間每個角落都融合咗本土元素，其中房間嘅馬賽克牆，真係充滿驚喜，啱晒大家打卡呢！另外，酒店亦為洲際酒店集團（IHG）嘅成員之一，住客除咗可享受國際品牌嘅服務質素，又可以儲酒店會籍（IHG One Rewards）分數，加上位置非常方便，所以同樣深受月租住客喜歡。
酒店大堂
港島英迪格酒店（Hotel Indigo Hong Kong Island）距離灣仔港鐵站約10分鐘步程，除咗港鐵，其他交通選擇仲有電車同多條巴士路線。如果大家嚟玩Staycation，酒店隔離就係囍帖街，想行吓山仲可以去埋姻緣石，輕鬆自製一個兩日一夜行程。另外，酒店對面就係胡忠大廈同合和中心，就算前往灣仔同金鐘其他商廈，都係步程之內，加上酒店附近就有超級市場、便利店、餐廳食肆，生活配套非常方便，所以吸引唔少月租住客入住。
港島英迪格酒店嘅lobby雖然唔算好大，但因為樓底高，所以入到嚟都好舒服，唔會有壓迫感。至於港島英迪格酒店樓高27層，提供138間客房同套房，由check-in攞到匙卡開始，就已經深深感受到酒店嘅設計充滿香港本地特色喇！
客房區域
Check-in完之後，需要利用匙卡搭電梯前往入住樓層，可見酒店保安度高。今次我哋就入住位於27樓嘅豪華房間，一打開門就被大大幅馬賽克牆吸引，打卡影相勁靚呀！
住酒店最重要當然係張床啦！港島英迪格酒店嘅雙人床大大張，床褥軟硬度適中，床單軟綿舒服。另外，雙人床上放上4個枕頭，而酒店亦提供多款枕頭選擇，可見酒店非常重視大家嘅睡眠質素，大家可以盡情試吓邊款枕頭可以令你瞓個好覺啦！加上房間隔音唔錯，遮光度一流，所以喺港島英迪格酒店瞓覺絕對可以瞓到自然醒啊！
整個客房區域嘅面積非常闊落，房門嘅玄關位設有行李架同衣櫃，放有浴袍、拖鞋、熨斗、燙衫板、夾萬同雨傘；床嘅背面係長長嘅書枱，放有基本嘅文具同提供充電位置，就算大家無帶插頭都唔怕，因為呢度亦有USB充電位；至於Pantry位置就有熱水煲、Capsule膠囊咖啡機、蒸餾水、茶包、多款酒杯同雪櫃，日常用品非常齊全。
但講到我最滿意就係偏廳部份，除咗充滿特色嘅小茶几同吊燈，仲可以坐喺梳化度欣賞灣仔市區嘅建築群，我嘅間房可以望到合和中心，風景都幾開陽架！另外，房間亦有提供免費wifi，速度又快又穩定，咁月租嘅住客連上網錢都可以慳返啦！
浴室區域
我哋入住嘅房型，浴室採用開放式，如果唔係情侶入住嘅話，可能就未必好方便。浴室乾濕分離，淋浴位置非常寬躺，水壓一流。酒店亦有提供風筒、牙刷、牙膏、浴帽、拖鞋、剃鬚刀等個人用品，至於沐浴露、洗頭水、護髮素同潤膚露就採用我哋勁鍾意嘅英國倫敦品牌：Crabtree & Evelyn。
娛樂設施
港島英迪格酒店嘅一大賣點，當然係香港極罕有，設於頂樓嘅玻璃底無邊際泳池啦！呢個泳池打卡一流，大家記住帶定泳鏡，望下玻璃底下嘅灣仔繁華鬧市。另外，酒店亦設有健身室，設備都算齊全。如果你係月租酒店嘅住客，就連健身錢都慳番啦，性價比超高！
注：酒店泳池現正進行翻新工程，預計於2023年第三季完成。
餐飲服務
港島英迪格酒店設有一間餐廳：Indicolite，聽講Indicolite嘅咖啡唔錯架！Indicolite提供早餐同午餐，其他時間可以選擇客房送餐服務。不過，我哋今次就未有喺酒店內用餐，下次有機會再同大家分享。
住宿優惠
無論係玩兩日一夜嘅Staycation定長期住宿，都可以留意港島英迪格酒店官方網站嘅最新優惠資訊。
30晚長期住宿優惠
– 每星期兩次房間清潔服務
– 首輪房內迷你酒吧
– 免費使用Nespresso咖啡機及膠囊
– 免費使⽤Wi-Fi及撥打本地電話
– 免費使⽤健⾝室
– 每連續⼊住 30 晚可獲贈 3 箱⽔（72 瓶）
– 免費租用瑜伽墊
– 房內用餐餐單8折優惠
– 洗衣及乾洗服務7折優惠
– 可獲得 IHG One Rewards 積分
詳情：www.ihg.com/hotelindigo/30-nights-long-stay-special-offer
悠閒住宿優惠
– 入住酒店高級客房一晚
– 以優惠價HK$120於客房內享用早餐乙份
– 首輪房內迷你酒吧
– 免費使用Nespresso咖啡機及膠囊
– 免費使用Wi-Fi及寬頻上網服務
– 可獲得 IHG One Rewards 積分
– 免費使用健身室
– 免費租用瑜珈墊
– 客房送餐服務8折優惠
詳情：www.ihg.com/hotelindigo/hotels/chill-stay-offer
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
港島英迪格酒店 Hotel Indigo Hong Kong Island, an IHG Hotel
地址：灣仔皇后大道東246號
網址：www.ihg.com/hotelindigo
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
