[香港Staycation] 暗黑工業風 天后TUVE酒店

玩香港Staycation酒店，我就鍾情精品酒店，因為每間精品酒店都有獨特嘅設計，令我每次都充滿驚喜。所以今年我嘅生日，A姐就帶我嚟到天后嘅TUVE酒店慶祝玩Staycation。TUVE嘅名稱同設計靈感，源自瑞典的湖泊，酒店以黑、灰、木材為主要色調，充滿暗黑卻又寧靜嘅玩味感。但就係因為呢度獨特嘅設計，令我嘅生日Staycation突然變成A姐嘅打卡Staycation囉！

預訂網址：www.kkday.com

酒店大堂
酒店位於天后清風街，距離天后地鐵站大概步行5分鐘。由於酒店位處勁多嘢食嘅清風街，所以勁容易就plan好入住期間嘅午餐同晚餐啦！酒店附近仲有超級市場，想補給日用品都好方便！

從酒店嘅入口已經感受到佢嘅另類，因為門牌放於地下，而門口通道就好似酒窖，如果唔細心嘅話，行過咗都唔知道。另外，酒店刻意將消防喉用透明玻璃呈現大家眼前，形成一個獨特嘅藝術展品。

酒店大堂位於一樓，一開lift門就係另一個驚喜。大堂樓底雖然唔高，但眼球卻被大堂正中間嘅擺設及背後嘅星空牆吸引住。星空牆嘅燈光其實係嚟自自然光，隨意都影到唔少打卡嘅靚相。

喺reception嘅旁邊，仲有一個小小嘅工作室，工作室內除咗放有電腦同提供免費咖啡之外，更吸引我哋嘅喺呢度放有紐約嘅手工香水品牌Le Labo！大家喺呢度可以盡情免費試用香水，感受佢嘅獨特清幽香味，不過呢度就不設售賣喇！

客房區域
離開暗黑設計嘅check in大堂，電梯都睇得出設計師嘅用心，利用木質顏色帶我哋去到以純白簡潔設計嘅樓層大堂。視覺效果雖然不停轉變，但每一刻都充滿住驚喜同切合北歐簡約主題。

酒店提供66間客房，而我哋今次入住嘅係位於20樓，酒店最基本嘅房型：舒適客房。雖然呢層只有3個門口，但房間號碼未有顯示喺門上，究竟邊一間係我哋嘅房間呢？原來房間號碼寫咗喺門上嘅天花位置呀！

房間面積唔大，如果追求空間感嘅，呢間酒店未必係你嘅選擇；但如果你係追求設計風格，呢間房間亦唔會令你失望。房間以大理石、混泥土同木質材料為主，從冷色系嘅外牆，搭配半透光窗簾嘅柔和光線，讓人喺狹小嘅空間，仍然感到非常舒服。

至於逗留最多時間嘅床就係Queen size，床上放有4個枕頭，床頭被鋪都非常柔軟舒適。床嘅一邊設有閱讀燈，另一邊就設有床頭櫃同USB充電插頭。呢度嘅景觀以天后住宅一帶為主，斜角位仲可以望到少少海景，而窗簾嘅遮光度都ok，瞓到自然醒都冇問題。

書枱嘅位置雖然唔大，但旁邊嘅櫃就非常得意喇！櫃頂除咗可以係書枱枱面嘅一部份，如果將佢打開，就會變成一個mini bar，充滿拆禮物嘅驚喜。Mini bar內提供免費蒸餾水、茶包同陳豪自家咖啡品牌：Blooms Roastery & Craft Tea。另外，mini bar仲有收費嘅零食、酒，雪櫃內嘅梳打水、啤梨汁同玻璃裝可樂等，不過今次我哋嘅package係包埋Mini Bar，所以睇電視嘅時候就可以慢慢嘆啦！

浴室區域
浴室內嘅個人物品，包括沐浴露、洗頭水、護髮素同潤膚露都係採用紐約品牌Le Labo，味道非常香，沖完之後好似搽咗香水咁，A姐已深深愛上！至於其他日用品仲包括牙膏、牙刷、化妝棉同棉花棒。

至於浴室外嘅衣櫃，亦都充滿設計特色。衣櫃內放有雪櫃、夾萬、浴袍、風筒同風扇。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

TUVE
地址：香港天后清風街16號
預訂網址：www.kkday.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com