【年糕2023優惠推介】十大賀年糕點、年糕、蘿蔔糕、馬蹄糕、芋頭糕推介，送禮自用都啱用！
【年糕2023優惠推介】今年係癸卯兔年，預祝大家玉兔迎春旺全年！唔知大家辦好年貨未呢？講到賀年食品，我哋就最鍾意食蘿蔔糕同年糕，除咗有步步高陞嘅寓意，更重要係非常好味呀！各大賀年糕點品牌酒店酒家已經推出早鳥年糕2023優惠，早買早享受，而且唔少人氣品牌，賣晒就無！一齊睇睇十大賀年糕點、年糕、蘿蔔糕、馬蹄糕、芋頭糕推介，提早入貨啦！
年糕2023優惠推介 | 1. 新同樂
賀年糕點種類：年糕、蘿蔔糕、紅豆糕、芋頭糕
價格：HK$388起（立即預訂）
年糕2023優惠推介 | 榮獲米芝蓮二星殊榮嘅新同樂，今年推出四款極上賀年糕點，包括「瑤柱臘味蘿蔔糕」、「桂花紅豆糕」、「五香臘味芋頭糕」以及「鮮椰汁年糕」，更可選擇「同樂珍寶極上賀年糕點禮盒」，同時品嚐瑤柱臘味蘿蔔糕及自家製XO醬，每款用料矜貴，送禮就夠啱體面！
年糕2023優惠推介 | 2. 利苑酒家
賀年糕點種類：年糕、蘿蔔糕、棗皇糕、馬蹄糕、芋頭糕
價格：HK$208起（立即預訂）
年糕2023優惠推介 | 榮獲米芝蓮一星餐廳嘅利苑酒家，喺港九新界設有五個換領點，都幾方便。今年推出五款賀年糕點，包括「椰汁年糕」、「如意蘿蔔糕」、「招牌棗皇糕」、「清香馬蹄糕」及「臘味芋頭糕」，百分百於香港製造。其中「招牌棗皇糕」係利苑招牌名物，棗味醇厚配以濃郁椰子汁，煙韌留香，同時具滋潤養顏，送禮自用都啱晒。
年糕2023優惠推介 | 3. 港島海逸君綽酒店君綽軒
賀年糕點種類：年糕、蘿蔔糕、芋頭糕
價格：HK$254起（立即預訂）
年糕2023優惠推介 | 港島海逸君綽酒店嘅君綽軒以高級食材入饌，其中主打嘅「金腿櫻花蝦松露蘿蔔糕」就選用金華火腿、櫻花蝦、松露及優質蘿蔔製作；「乾貝鵝肝潤腸芋頭糕」則以新鮮芋頭配上乾貝、鵝肝、潤腸；「增城黑蔗糖芋絲年糕」以優質健康的增城黑蔗糖製造；「金箔薑汁紫薯年糕」以紫薯蓉同金箔製成。每款都極有層次感，定必令您回味無窮！
年糕2023優惠推介 | 4. 海景嘉福洲際酒店海景軒
賀年糕點種類：年糕、蘿蔔糕、芋頭糕
價格：HK$251起（立即預訂）
年糕2023優惠推介 | 海景嘉福洲際酒店係香港其中一間星級酒店，所以海景軒推出嘅賀年糕點極具品質保證！今年精心設計嘅、限量供應嘅「奶皇珍珠年糕」就係其中一個人氣之選！「奶皇珍珠年糕」採用香濃幼滑嘅奶皇，拌入以木薯粉製成的黑色珍珠，味道獨特，甜而不膩；至於睇落傳統嘅「大展鴻圖年糕」，原來別有洞天，上層為紅色嘅傳統椰汁年糕，而下層則以紫心番薯製成，寓意新一年大紅大紫、大展鴻圖，絕對係送禮佳品。
年糕2023優惠推介 | 5. 香港皇玥
賀年糕點種類：年糕、黃金糕
價格：HK$258起（立即預訂）
年糕2023優惠推介 | 曾獲世界食品品質評鑒大獎，除咗近年人氣大熱嘅香港皇玥月餅，其實賀年糕點都有唔少捧場客，想食一定要提早訂購啊！當中包括古法黑糖年糕禮盒及鹹香黃金糕禮盒，收到嘅一定好開心呢！
年糕2023優惠推介 | 6. 馬哥孛羅酒店
賀年糕點種類：年糕、蘿蔔糕、馬蹄糕
價格：HK$188起（立即預訂）
年糕2023優惠推介 | 馬哥孛羅酒店今年推出三款嘅賀年糕點，唔玩花巧，以傳統口味為賣點，包括瑤柱蘿蔔糕、金箔椰汁年糕及清香馬蹄糕。每款都由酒店中菜總廚以時令新鮮食材，嚴謹製造，非常足料。而且絕無添加防腐劑，可以吃得安心又放心。
年糕2023優惠推介 | 7. 香港康得思酒店明閣
賀年糕點種類：年糕、蘿蔔糕、棗皇糕
價格：HK$248起（立即預訂）
年糕2023優惠推介 | 香港康得思酒店嘅明閣賀年糕點近年口碑唔錯，由米芝蓮星級粵菜食府明閣主廚巧手炮製，包括「鮑魚瑤柱臘味蘿蔔糕」、「富貴椰汁年糕」、「棗皇椰汁糕」，其中「鮑魚瑤柱臘味蘿蔔糕」用上原隻鮑魚配上瑤柱、特級玫瑰臘腸、臘味同蘿蔔整成，美味極致！
年糕2023優惠推介 | 8. 鼎爺私房菜
賀年糕點種類：年糕、蘿蔔糕、芋頭糕
價格：HK$328起（立即預訂）
年糕2023優惠推介 | 今年鼎爺私房菜呈獻4款皇牌賀年糕點，包括家鄉蘿蔔糕、阿爺芋頭糕、千層馬蹄糕及班香椰汁年糕，每款賀年糕點均由阿爺主理，嚴選上乘食材，秉承古法秘方足料炮製，香港新鮮製造、不含防腐劑。
年糕2023優惠推介 | 9. 香港文華東方酒店
賀年糕點種類：年糕、蘿蔔糕、馬蹄糕、芋頭糕
價格：HK$314起（立即預訂）
年糕2023優惠推介 | 追求星級品牌，就一定要數香港文華東方酒店啦！香港文華東方推出精美賀年年糕，包括五香芋頭糕、鴻運年糕、薑汁年糕、瑤柱蘿蔔糕及黃金馬蹄糕，收到香港文華東方酒店嘅朋友同長輩一定好開心！至於想對自己好啲，或者送俾更矜貴嘅親朋好友，可以選擇米芝蓮星級食府文華廳特別限定推出嘅大師姐遠年陳皮蘿蔔糕，由對陳皮素有研究嘅大師姐及中菜行政總廚黃永強師傅炮製，使用遠年陳皮，令蘿蔔糕更具獨特香氣！
年糕2023優惠推介 | 10. 美心、翠園、東海堂
賀年糕點種類：蘿蔔糕、年糕、棗皇糕、馬蹄糕、芋頭糕
價格：HK$103起（立即預訂）
年糕2023優惠推介 | 上年嘅美心月餅滯銷，唔知賀年糕點嘅情況又點呢？美心、翠園、東海堂係唔少長輩鍾情嘅傳統賀年糕點，我哋就無乜介紹喇，如果真係非買不可，可以購買低至65折嘅禮券，但如果可以嘅話，可以選擇其他更好嘅賀年糕點品牌啦！
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
