【新年盆菜2023優惠推介】團年過年必備，10大必食外賣新年盆菜推介！
【新年盆菜2023優惠推介】今年係癸卯兔年，預早祝大家玉兔迎春旺全年！講到團年同過年嘅聚餐，要自己落手落腳煮，真係花唔少功夫同時間，實在辛苦媽媽喇！所以你需要呢一樣法寶：神奇外賣新年盆菜！盆菜之所以神奇係因為食物非常豐富，一家人一齊食，就有團圓美滿之意！一齊睇睇10大必食外賣新年盆菜推介2023，早買早享受啦！
新年盆菜2023優惠推介 | 1. 卅二公館
價格：HK$889起（立即預訂）
卅二公館係一間走現代中餐風格嘅傳統中菜，推出嘅盆菜，更加係人氣之選！「發財大利圍村盆菜」包羅多款經典食材，例如走地雞、鯪魚球、花菇、炆豬肉、蘿蔔、枝竹等。同時加入瑤柱甫、豉油皇海中蝦、蠔豉等令盆菜更顯滋味。
新年盆菜2023優惠推介 | 2. 家上海 + 十里洋場
價格：HK$1,688起（立即預訂）
今個新年，家上海同十里洋場推出用料十足嘅淮揚豐味盆菜。盆菜有南非鮑魚、花膠、海參、大蝦、蠔豉、小元蹄、醬鴨、鹹雞、鵝掌等，聽到都已經流晒口水！購買淮揚豐味盆菜再送1957 & Co. $500 餐飲券呢！
新年盆菜2023優惠推介 | 3. 新同樂
價格：HK$2,338起（立即預訂）
位於尖沙咀獲米芝蓮二星殊榮嘅新同樂推出以元蹄同古法羊腩為主角嘅兩個系列盆菜，再配上鵝掌同不同等級嘅鮑魚，真係份量十足！盆菜仲會附上醬油浸農場雞，一次過品嘗星級新年食品！
新年盆菜2023優惠推介 | 4. 九龍酒店龍逸軒
價格：HK$664起（立即預訂）
今個新年，九龍酒店龍逸軒推出「鮑羅萬有喜慶盆菜」，包括原隻八頭鮑魚、花膠、日本元貝、虎蝦、鵝掌等十幾種食材！最正係有提供2/4/6/12位用嘅份量，適合唔同嘅家庭大小，就算係倆口子，都可以品嘗滋味盆菜！
新年盆菜2023優惠推介 | 5. Seamart 鮮物
價格：HK$988起（立即預訂）
Seamart鮮物推出傳統團年盆菜，有適合4-6位用同8-10位用兩個選擇。盆菜非常足料，包括蜜餞金蠔、茄汁大蝦皇、脆皮燒肉、明爐脆燒鴨等，預訂仲可以免費獲贈中式小食，真係好抵食！
新年盆菜2023優惠推介 | 6. 港島海逸君綽酒店君綽軒
價格：HK$607起（立即預訂）
港島海逸君綽酒店君綽軒推出「君綽軒極品鮑參翅肚盆菜」，盆菜有飽滿如金元寶的鮑魚、肉感爽口彈牙的原條海參、女士至愛且含豐富膠原蛋白的厚花膠、一梳梳真材實料的矜貴魚翅、粒粒完整結實而鮮甜有咬口的特級瑤柱，配上花菇、鵝掌及大蝦等各種美味食材，最正係有2-7人份量選擇，人少少都可以歎到精美盆菜啦！
新年盆菜2023優惠推介 | 7. 香港東隅Feast
價格：HK$1,692起（立即預訂）
FEAST除咗花膠、金蠔呢啲傳統盆菜，最正推介「毛蟹和牛慶典豐食盆菜」，配料有美國SRF極黑和牛肋肉、澳洲 Westholme M7和牛尾、M5和牛腱、M5和牛胸腹、紅燒鮑魚同日本北海道毛蟹，將傳統嘅中式盤菜變成和風為主導嘅日式盤菜，賣相即刻升呢！
新年盆菜2023優惠推介 | 8. Food Expression
價格：HK$1152起（立即預訂）
Food Expression提供多款新春外賣盆菜同到會套餐，盆菜有紅燒富貴鮑魚、凍蝦、脆皮燒肉、貴妃雞等多款食材，有6至8人用同10至12人用兩個份量選擇，啱晒唔同家庭大細嘅需要！另外，Food Expression仲有寓意「越撈越旺」、「風生水起」嘅撈起、小食同鮮蝦炒麵，啱晒新年一家人慶祝！
新年盆菜2023優惠推介 | 9. 大家樂 Café de Coral
價格：HK$648起（立即預訂）
如果Budget唔多，大家樂嘅盆菜可能就啱你心水！6位用嘅盆菜包括原粒日本宗谷瑤柱、黃金福袋、茄汁中蝦、蠔豉、玫瑰豉油雞、燒鴨、花菇、南乳炆蓮藕、南乳炆腩仔、炸魚蛋、沙嗲豬皮、沙嗲魷魚、蠔菇、鴨掌、栗子、枝竹、芋頭、蘿蔔及西蘭花共十九款用料。預訂再額外送HK$20大家樂現金優惠券，絕對係抵食之選！
新年盆菜2023優惠推介 | 10. Green Common
價格：HK$618起（立即預訂）
邊個話素食者無得食盆菜？Green Common推出「福氣滿滿素盆菜」，有多達20款精選食材，包括新豬肉福袋 (新豬肉同年糕)、新豬肉豆腐肉丸、芝麻牛肉、各色菌類同蔬菜，適合4-6人用，啱晒素食者，同聲食得健康啲嘅朋友！
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
