【中秋節月餅優惠2023】十大傳統、特色月餅推介，送禮自用都啱用！
中秋節當然唔少得食月餅應節啦，雙黃白蓮蓉月餅、冰皮月餅、雪糕月餅、奶黃月餅……唔知你又鍾意邊一款呢？各大月餅品牌已經推出月餅早鳥優惠，早買早享受，而且唔少人氣月餅，賣晒就無，一齊睇睇十大傳統、特色月餅優惠推介，提早入貨啦！
1. 2023月餅優惠：香港半島酒店嘉麟樓
月餅種類：奶黃月餅等
價格：HK$638起（立即預訂）
曾經帶領奶黃月餅熱潮嘅香港半島酒店嘉麟樓，今年繼續推出經典嘅奶黃月餅！香港半島酒店作為香港其中一間奢華星級酒店，推出嘅月餅，絕對有信心保證！香港半島酒店嘉麟樓嘅奶黃月餅一盒八隻，而每一隻奶黃月餅唔會太大隻，份量啱啱好。
2. 2023月餅優惠：香港皇玥月餅
月餅種類：奶黃月餅、雙黃白蓮蓉月餅、流心貓山王榴槤月餅等
價格：HK$318起（立即預訂）
曾獲世界食品品質評鑒大獎，近年人氣大熱嘅香港皇玥月餅，絕對係勁快就賣晒，想食一定要提早訂購啊！除了傳統嘅雙黃白蓮蓉，仲有享流心奶黃月餅、流心芝麻月餅、流心貓山王榴槤月餅、陳皮紅豆沙月餅，以及低糖月餅等等，送禮自用都啱晒！
3. 2023月餅優惠：香港康得思酒店明閣月餅
月餅種類：奶黃月餅、雙黃白蓮蓉月餅等
價格：HK$308起（立即預訂）
香港康得思酒店嘅明閣月餅近年口碑唔錯，由米芝蓮星級粵菜食府明閣主廚巧手炮製，今年除咗傳統嘅「雙黃白蓮蓉月餅」，亦推出「迷你金桔奶黃月餅禮盒」，味道酸酸甜甜，非常清新！
4. 2023月餅優惠：Häagen-Dazs™
月餅種類：雪糕月餅等
價格：HK$258起（立即預訂）
雪糕月餅絕對係唔少大人同小朋友嘅心愛之選！今年Häagen-Dazs™更以「A Taste of Moon Paradise」為主題，將源於18世紀晚期法國嘅傳統Toile de Jouy朱伊紋印花融入雪糕月餅設計，外觀已經夠晒吸引，至於雪糕月餅以香濃朱古力脆皮配合果漾夾心及濃香流心，加上口感綿滑嘅雪糕，滿足不同味覺享受。
5. 2023月餅優惠：香港W酒店星宴中餐廳月餅
月餅種類：奶黃月餅、雙黃白蓮蓉月餅等
價格：HK$291起（立即預訂）
以音樂同party為主題香港W酒店，今年星宴中餐廳推出嘅月餅就以型格唱片機為禮盒包裝，打造中秋音樂嘅節日派對！除咗經典嘅雙黃白蓮蓉月餅，仲有幼滑甘香嘅流心奶黃月餅同流心芝麻月餅呢！
6. 2023月餅優惠：香港港麗酒店金葉庭月餅
月餅種類：奶黃月餅、雙黃白蓮蓉月餅等
價格：HK$398起（立即預訂）
香港港麗酒店金葉庭月餅以上乘食材烘焙，月餅以傳統糖皮製作，加入玫瑰露拌勻蛋黃烘烤，而且白蓮蓉清香甘甜，絕不油膩，突顯尊貴氣度！
7. 2023月餅優惠：利苑酒家月餅
月餅種類：奶黃月餅、雙黃白蓮蓉月餅、伍仁月餅等
價格：HK$238起（立即預訂）
利苑月餅百分百香港製造，採用獨特秘方、頂級用料精製而成，皮薄鬆軟，香濃幼滑，傳統及多款人氣月餅都有，而且攞月餅嘅地點眾多，非常方便。
8. 2023月餅優惠：港島海逸君綽酒店君綽軒月餅
月餅種類：蛋黃白蓮蓉月餅、榴槤月餅等
價格：HK$319起（立即預訂）
港島海逸君綽酒店君綽軒除咗推出傳統蛋黃白蓮蓉月餅，今年亦推出多款自家製月餅，包括清甜嘅日本南瓜蛋黃月餅、矜貴嘅燕窩奶皇月餅同人氣之選D24榴槤飄香月餅，鍾意新款味道嘅，一定要試試！
9. 2023月餅優惠：恆香老餅家月餅
月餅種類：奶黃月餅、雙黃白蓮蓉月餅、伍仁月餅等
價格：HK$171起（立即預訂）
唔少長輩鍾情傳統唐餅店，恆香老餅家嘅月餅，絕對係長輩月餅界嘅LV。今年推出多款月餅禮盒，包括傳統雙黃白蓮蓉月餅、三黃白蓮蓉月餅、四喜滿堂、流心奶黃月餅等。
10. 2023月餅優惠：大班月餅
月餅種類：冰皮月餅等
價格：HK$199起（立即預訂）
冰皮月餅一直都有唔少捧場客，而講到冰皮月餅，一定會諗起大班，大班今年亦推出唔少新款口味嘅冰皮月餅，定有一款啱你心意。
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
