細味茶酒啡工藝 銅鑼灣利園一期

咖啡、茶同酒看似非常普通嘅飲品，但如果著重細節，其實係一門好高深，值得大家細味鑽研嘅課題。咖啡、茶同酒嘅味道、杯、時間同禮儀都可以非常講究，卻又可以成為大家生活調劑嘅飲品。喺銅鑼灣利園一期嘅三樓最近就新進駐多間咖啡、茶同酒嘅品牌，讓大家品味人生。

Ginsanity
鍾意飲氈酒嘅你，喺Ginsanity就一定會搵到心頭好！呢度嘅氈酒非常齊全，售賣超過250款嚟自世界各地嘅氈酒，甚至連香港本地品牌都有，包括 Bauhinia、Two Moons Calamansi、 Perfume Trees等等。如果嫌淨飲氈酒太strong，仲可以向店員取經，例如加入青檸、湯力水，成為簡單嘅雞尾酒。

工夫茶舍
品茶係一門非常高深嘅課題，由茶嘅色澤、香味、甘味都有好多學問。我哋雖然就對茶嘅認識唔多，但平時都好鍾意泡一壺茶傾吓計；夏天就好鍾意飲冷泡茶，夠晒解喝。

Enoteca
香檳、紅酒、白酒、氣泡酒、甜酒各有捧場客，作為飲酒初哥嘅我哋，可以向店員講出你嘅口味，等佢哋介紹最適合你嘅選擇。店員就推介意大利嘅紅酒Zingari，果味重，質感輕柔順滑，相對易入口。

Cupping Room Coffee Roasters
精品手沖咖啡近年大行其道，喺Cupping Room Coffee Roasters就提供多款嚟自唔同地區嘅新鮮咖啡豆、手沖咖啡壺、水等多種配搭，讓大家好好享受同細味咖啡。另外，咖啡店嘅代表飲品：Coco Chanel，就利用自家製嘅抺茶椰子糖漿，再加入鮮奶同香濃咖啡，味道非常有層次。

細味茶酒啡工藝
地址：銅鑼灣希慎道33號利園一期三樓

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com