【倫敦住宿推薦2023】充滿異國風情美食 倫敦麥達維爾萬豪酒店

【倫敦住宿推薦2023】作為國際大都會嘅倫敦，世界各地美食應有盡有。今日我哋難得出城玩staycation，就梗係要搵間靚靚酒店，順便食啲充滿異國風情嘅餐廳，為自己計劃一個充滿旅行感覺嘅staycation啦！我哋選擇咗倫敦麥達維爾萬豪酒店（Marriott Hotel Maida Vale），身為Marriott品牌之一就肯定有信心保證，加上附近唔少少見嘅中東菜系，值得推介！

倫敦住宿推薦2023 | 倫敦麥達維爾萬豪酒店 Marriott Hotel Maida Vale | 酒店大堂

倫敦住宿推薦2023 | 倫敦麥達維爾萬豪酒店（Marriott Hotel Maida Vale）位於倫敦嘅Kilburn Park，由地鐵Balerloo line嘅Kilburn Park站或Overground嘅Kilburn High Road站行5分鐘就可以到達酒店。同亞洲嘅酒店相比，歐洲嘅酒店少咗啲氣派，樓底唔高，以實用見稱。

倫敦住宿推薦2023 | 倫敦麥達維爾萬豪酒店 Marriott Hotel Maida Vale | 客房區域

倫敦住宿推薦2023 | 倫敦麥達維爾萬豪酒店共設有237間客房及套房，我哋今次就被安排入住5樓嘅豪華家庭房。景觀以附近街道及建築為主。

因為家庭房嘅關係，所以房間嘅面積非常大，房間有兩張雙人床，就算兩大兩小一齊入住都唔會覺得迫。床褥軟硬適中，床燈柔軟，非常舒服；枕頭總共有4個，2個係偏軟2個係偏硬。床頭位置分別設有插頭、USB插頭同燈掣，夠晒方便。另外，窗簾嘅遮光度十足，絕對可以瞓到自然醒。

另外，房間亦放有茶包、咖啡包、蒸餾水，迷你雪櫃、風筒、熨斗、燙衫板同夾萬，設備非常齊全。

倫敦住宿推薦2023 | 倫敦麥達維爾萬豪酒店 Marriott Hotel Maida Vale | 浴室區域

倫敦住宿推薦2023 | 浴室面積唔大，但乾濕分離，我哋呢間房仲有浴缸添！個人用品方面，只有洗頭水、沐浴露、護髮素、潤膚露同番梘。因為酒店響應環保，所以其他用品例如：牙刷、牙膏、拖鞋、剃鬚刀等等，就要打電話叫職員另外送上。

倫敦住宿推薦2023 | 倫敦麥達維爾萬豪酒店 Marriott Hotel Maida Vale | 娛樂設施

倫敦住宿推薦2023 | 倫敦麥達維爾萬豪酒店設有健身室，不過，我哋就無入去健身室而未能同大家分享。

倫敦住宿推薦2023 | 倫敦麥達維爾萬豪酒店 Marriott Hotel Maida Vale | 餐飲服務 – 自助早餐

倫敦住宿推薦2023 | 酒店設有一間餐廳，朝早嘅自助早餐非常豐富，係英式嘅早餐。除咗egg station仲有乳酪、沙律、香腸、煙肉、薯餅同多款麵包等等，絕對可以自製一份All Day Breakfast！

另外，酒店附近亦有多間中東餐廳，例如黎巴嫩菜、土耳其菜等等，我哋今次就試咗以下兩間餐廳。

阿富汗菜：一次與阿富汗最近距離的接觸 倫敦Ariana II
香港菜：倫敦港式快餐店 Duck Duck Goose

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

倫敦麥達維爾萬豪酒店 London Marriott Hotel Maida Vale
地址：Plaza Parade, North Maida Vale, London NW6 5RP
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com