【倫敦格林威治好去處】半日玩盡四大博物館 行程門票及交通全攻略

【倫敦格林威治好去處】講到倫敦傳統嘅景點，除咗大笨鐘、白金漢宮、大英博物館，當然唔少得格林威治天文台啦！格林威治（Greenwich）同倫敦傳統市中心有啲距離，所以呢度多一種慢活恬靜感。嚟到格林威治仲可以玩埋四大博物館，計劃一個半日輕旅程。

倫敦格林威治好去處 | 格林威治交通

倫敦格林威治好去處 | 格林威治同倫敦傳統市中心雖然有一段距離，但僅屬於倫敦地鐵嘅Zone2/3收費區，車程其實都唔算太遠。格林威治設有多個地鐵站和DLR車站，如North Greenwich、Greenwich等，但前往以下四大博物館，最方便的是DLR的Cutty Sark站。

倫敦格林威治好去處 | 1. 卡蒂薩克號帆船 Cutty Sark

地址：King William Walk, London SE10 9HT（地圖）
門票：立即購票
開放時間：星期一至星期日 10:00-17:00

倫敦格林威治好去處 | 一離開DLR的Cutty Sark站，旁邊就係卡蒂薩克號帆船（Cutty Sark）。卡蒂薩克號建於1869年，係全世界目前現存最古老嘅帆船。雖然外觀嚟睇只係一隻大帆船，但佢嘅航行歷史一啲都唔簡單，目的地主要為遠東、南洋同澳洲一帶，運送英國嘅啤酒、遠東嘅茶葉同澳洲嘅羊毛，帶動兩地嘅貿易。直至1957退役，並活化成為博物館。

倫敦格林威治好去處 | 2 格林威治天文臺 Royal Observatory Greenwich

地址：Blackheath Ave, London SE10 8XJ（地圖）
門票：立即購票
開放時間：星期一至星期日 10:00-17:00

倫敦格林威治好去處 | 格林威治最知名嘅景點，當然就係格林威治天文台啦！1675年建成嘅格林威治天文臺，主要係透過天文現象，促進和提升海上貿易嘅效率。直至1884年，國際統一時區計算，將格林威治天文臺定為本初子午線，令呢個天文台更聲名遠播！不過隨住倫敦嘅都市發展，天文臺已經搬遷，現址活化改為博物館，而本初子午線係呢個博物館嘅人氣打卡點。另外，博物館亦展出有關時鐘、天文同望遠鏡嘅展品，非常豐富！

倫敦格林威治好去處 | 3. 國家航海博物館 National Maritime Museum

地址：Romney Rd, London SE10 9NF（地圖）
門票：免費入場
開放時間：星期一至星期日 10:00-17:00

倫敦格林威治好去處 | 曾被稱為日不落帝國嘅英國，之所以能夠喺全球建立殖民地，並成為影響全球歷史嘅世紀大帝國，全因為佢嘅航海海事地位。想了解英國嘅航海歷史，就要嚟到格林威治嘅國家航海博物館。博物館展英國航海用品、裝備同船隻模型，完整敘述了英國海軍嘅故事。

倫敦格林威治好去處 | 4. 皇后宮 The Queen’s House

地址：Romney Rd, Greater, London SE10 9NF（地圖）
門票：免費入場
開放時間：星期一至星期日 10:00-17:00

倫敦格林威治好去處 | 喺國家航海博物館旁邊嘅就係皇后宮。皇后宮喺1935年建成，係詹姆士一世送俾安妮王后嘅一份禮物。皇后宮為一座白色嘅二層建築物，亦係英國歷史上第一棟呈現以帕拉第奧式風格建成嘅建築物。經過活化之後，成為收藏海洋畫作嘅博物館。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

倫敦格林威治 Greenwich 好去處 | 半日玩盡四大博物館 行程門票及交通全攻略 

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com