【北愛爾蘭自由行】10個北愛爾蘭貝爾法斯特必去必食的北愛爾蘭旅遊景點好去處

【北愛爾蘭/貝爾法斯特自由行必去景點】北愛爾蘭曾經係一個動盪嘅代名詞，因為宗教、政治上嘅分歧，曾陷入一個黑暗嘅戰爭時代。經過戰火洗禮嘅愛爾蘭，南部獨立成一個主權國家，而北部就成為聯合王國四個構成國嘅一部份。而大家去英國旅行，首選通常係英格蘭、蘇格蘭，但其實北愛爾蘭嘅歷史、文化、風景同人文故事，都值得大家旅行探索。今次旅程就由北愛爾蘭嘅首都貝爾法斯特開始，推介十個必去嘅北愛爾蘭旅遊好去處啦！

北愛爾蘭/貝爾法斯特自由行必去景點 | 1. 北愛爾蘭好去處：鐵達尼號紀念館 Titanic Belfast

詳情：尋找鐵達尼號的海洋之心 貝爾法斯特鐵達尼號紀念館
北愛爾蘭/貝爾法斯特自由行必去景點 | 講到北愛爾蘭最具代表性嘅博物館一定係鐵達尼號紀念館，鐵達尼號（RMS Titanic）喺北愛爾蘭貝爾法斯特嘅哈蘭德與沃爾夫造船廠製造，建成後由貝爾法斯特開往南安普敦開始佢嘅首航，可惜喺首航後第5日，不幸撞上冰山，鐵達尼號完全沉沒，而當時船上逃生設施不足及人為失誤，超過1500人罹難，成為世界上其中一個嚴重又知名嘅海難。鐵達尼號紀念館係一個令大家可以從真實歷史認識鐵達尼號嘅故事，博物館內亦重現唔少鐵達尼號嘅場景，讓我哋有置身鐵達尼號當中。

北愛爾蘭/貝爾法斯特自由行必去景點 | 2. 北愛爾蘭好去處：阿伯特紀念鐘樓 Albert Memorial Clock

北愛爾蘭/貝爾法斯特自由行必去景點 | 1869年建成嘅阿伯特紀念鐘樓，係北愛爾蘭貝爾法斯特嘅地標之一。阿伯特紀念鐘樓係維多利亞女王為咗紀念已故嘅丈夫阿爾伯特親王而建成。大家望上去，會發覺鐘樓有啲傾斜，主要原因係阿伯特紀念鐘樓建於河岸旁，地基下沉，但修復項目後，地基已經強化。

北愛爾蘭/貝爾法斯特自由行必去景點 | 3. 北愛爾蘭好去處：The Slamon of Knowledge

北愛爾蘭/貝爾法斯特自由行必去景點 | 喺愛爾蘭神話中，三文魚代表住智者。於1999年完工。唔好以為呢條The Slamon of Knowledge無咩特別，其實佢係由John Kindness設計，由陶瓷馬賽克拼貼組成，行近啲睇，原來每一塊陶瓷都刻有北愛爾蘭嘅歷史訊息。除咗啱晒大家打卡，亦可以細味每一塊陶瓷嘅故事。

北愛爾蘭/貝爾法斯特自由行必去景點 | 4. 北愛爾蘭好去處：聖喬治市場 St George’s Market

北愛爾蘭/貝爾法斯特自由行必去景點 | 喺英國唔少城市都有Weekend Market，嚟到北愛爾蘭嘅貝爾法斯特都唔例外，而聖喬治市場就係貝爾法斯特嘅代表。聖喬治市場係貝爾法斯特最後一個維多利亞式嘅室內市場，逢星期五、星期六同星期日開放。聖喬治市場有大概300個攤檔，熟食、紀念品同新鮮食品都有。

北愛爾蘭/貝爾法斯特自由行必去景點 | 5. 北愛爾蘭好去處：阿爾斯特博物館 Ulster Museum

北愛爾蘭/貝爾法斯特自由行必去景點 | 阿爾斯特博物館係北愛爾蘭貝爾法斯特嘅大型綜合博物館，展品以歷史、藝術、文化等為主題。如果有時間或者係親子旅程，不妨到阿爾斯特博物館參觀吓。

北愛爾蘭/貝爾法斯特自由行必去景點 | 6. 北愛爾蘭好去處：貝爾法斯特市政廳 Belfast City Hall

北愛爾蘭/貝爾法斯特自由行必去景點 | 貝爾法斯特市政廳係貝爾法斯特嘅地標建築物，喺1906年建成，由著名建築師Alfred Brumwell Thomas設計並監工。至於每年嘅聖誕節，貝爾法斯特市政廳就會化身成為非常熱鬧嘅聖誕市集，如果大家喺12月嚟貝爾法斯特，記住嚟感受聖誕氣氛呀！

北愛爾蘭/貝爾法斯特自由行必去景點 | 7. 北愛爾蘭好去處：維多利亞廣場購物中心 Victoria Square Shopping Centre

北愛爾蘭/貝爾法斯特自由行必去景點 | 貝爾法斯特市內最大型嘅商場就係維多利亞廣場購物中心，除咗行商場之外，旁邊亦係一個非常大型嘅購物區，例如Boots藥妝店、Primark時裝店、Aldi超級市場、百貨公司同大型商場等等，鍾意shopping嘅你，喺貝爾法斯特一日遊，真係唔洗去其他地方，喺維多利亞廣場購物中心已經可以玩足一日啦！

北愛爾蘭/貝爾法斯特自由行必去景點 | 8. 北愛爾蘭好去處：巨人堤道 Giant’s Causeway

北愛爾蘭/貝爾法斯特自由行必去景點 | 講起六角柱石，除咗香港西貢，仲有北愛爾蘭嘅巨人堤道！巨人堤道被列為世界自然遺產，巨人堤道上嘅六角柱石由火山噴發後熔岩冷卻凝固而形成，面靠大海，非常壯觀！至於被稱為巨人堤道，主要係源自愛爾蘭嘅民間傳說。

北愛爾蘭/貝爾法斯特自由行必去景點 | 9. 北愛爾蘭好去處：The Dark Hedges

北愛爾蘭/貝爾法斯特自由行必去景點 | 大家無論係自駕遊定參加local tour，或者有無睇過《權力遊戲 Game of Thrones》，嚟到北愛爾蘭總會去《權力遊戲 Game of Thrones》嘅拍攝取景地點，因為真係幾靚架！其中最有代表性嘅就係The Dark Hedges，睇相見到兩旁嘅樹陰真係好有氣氛，不過，我哋冬天嚟到，都落晒葉，風景就麻麻喇！

北愛爾蘭/貝爾法斯特自由行必去景點 | 10. 北愛爾蘭好去處：Bo Tree Kitchen

詳情：唔洗睇價錢嘅泰國菜 貝爾法斯特Bo Tree Kitchen
北愛爾蘭/貝爾法斯特自由行必去景點 | 喺英國出街食飯真係唔平，特別係亞洲菜，所以我哋都有好一段時間無食過泰國菜喇！但嚟到北愛爾蘭嘅貝爾法斯特，估唔到有抵食、好味又正宗嘅泰國菜喎！今次推介呢間由泰國人主理嘅Bo Tree Kitchen，可能Bo Tree Kitchen旁邊就係貝爾法斯特女王大學，所以餐廳價錢貼近學生飯堂價，非常親民抵食，想食嘅記住提前訂位呀！

北愛爾蘭/貝爾法斯特自由行必去景點 | 11. 北愛爾蘭酒店推介：貝爾法斯特萬豪AC酒店 AC Hotels by Marriott Belfast

詳情：北愛爾蘭唯一嘅萬豪品牌 貝爾法斯特AC酒店

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

貝爾法斯特 Belfast

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com