【英國修咸頓好去處2023】再遇鐵達尼 修咸頓海洋城市博物館

【英國修咸頓好去處2023 | 鐵達尼迷必去修咸頓海洋城市博物館】修咸頓 Southampton 係英國自古以嚟嘅郵輪中心，每年都有唔少郵輪喺修咸頓出發，其中包括鐵達尼號。1912年，鐵達尼號喺修咸頓首航出發，但亦成為鐵達尼號最後一次嘅航行。為咗紀念呢架昔日嘅豪華郵輪，喺修咸頓嘅海洋城市博物館，亦有記載呢段歷史。

英國修咸頓好去處2023 | 鐵達尼迷必去修咸頓海洋城市博物館 | 海洋城市博物館

英國修咸頓好去處2023 | 鐵達尼迷必去修咸頓海洋城市博物館 | 前身為修咸頓警察局及裁判法院，經過活化後，成為海洋城市博物館。博物館內分為三大展區，記載修咸頓嘅海洋歷史。當中最珍貴久最受遊客歡迎，就係鐵達尼號嘅歷史。

英國修咸頓好去處2023 | 鐵達尼迷必去修咸頓海洋城市博物館 | 鐵達尼號

英國修咸頓好去處2023 | 鐵達尼迷必去修咸頓海洋城市博物館 | 1909年，鐵達尼號（RMS Titanic）喺北愛爾蘭貝爾法斯特動工，直至1912年3月31日完成所有內部裝修。鐵達尼號係英國白星航運公司旗下嘅三艘郵輪之一，建成後全長269.1公尺，寬28.2公尺，排水量達52,310英噸，最高載客量為3,547人。設有10層甲板，其中8層供乘客使用，係當年全世界最大最豪華嘅郵輪，而且鐵達尼號嘅設計能夠承受4個隔艙入水，所以被譽為當時最安全嘅郵輪。喺1912年4月10日12點，鐵達尼號離開英國修咸頓，中停法國嘅瑟堡同愛爾蘭嘅皇后鎮後，就載住2,224名船員及乘客跨越大西洋前往美國紐約，但喺航行嘅第5日，即1912年4月14日夜晚11點40分，不幸撞上冰山，最終喺1912年4月15日凌晨2時20分鐵達尼號完全沉沒。加上船上逃生設施不足及人為失誤，超過1500人罹難，生還嘅人數只有30%左右。

英國修咸頓好去處2023 | 鐵達尼迷必去修咸頓海洋城市博物館 | 鐵達尼號展館

英國修咸頓好去處2023 | 鐵達尼迷必去修咸頓海洋城市博物館 | 喺鐵達尼號展館，大家可以透過互動遊戲，更深入了解鐵達尼號嘅故事。另外，展館亦以一比一還原二等船艙，極具意義。展館亦收藏咗鐵達尼號姊妹船嘅真實用品，其中最珍貴嘅應該係郵輪大廳樓梯嘅設計擺設，讓大家更投入鐵達尼號嘅故事。

大家一向了解嘅鐵達尼號，故事主要圍繞船上嘅乘客、船長、工程人員等等，但其實唔少鐵達尼號嘅船員都係修咸頓嘅居民，所以鐵達尼號海難，令唔少修咸頓嘅家庭失去至親。喺剪報區可以了解當時修咸頓居民嘅離愁別緒，從另一個角度了解鐵達尼號嘅真實片段。

嚟到鐵達尼號展館嘅最後一部份，嚟到前身為裁判法院嘅審訊廳。博物館巧妙將鐵達尼號同審訊廳融合，將鐵達尼號嘅人為失誤，以審訊嘅形式重演大家眼前，了解鐵達尼號事故應由邊個負上全責，例如鐵達尼號嘅救生艇不足、救生艇未載滿乘客、電報員未有即時處理收到嘅冰山警告、附近嘅郵輪未有即時協助救援等等。我哋覺得呢個展區係全個博物館最精彩嘅部份，大家絕對唔可以錯過。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

英國修咸頓好去處2023 | 鐵達尼迷必去修咸頓海洋城市博物館 SeaCity Museum
地址：Havelock Rd, Southampton SO14 7FY
電話：+44 023 8083 4536
營業時間：星期一至星期日 10:00-17:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com