[香港Staycation] 價錢平但真心舊 九龍諾富特酒店

又到長假期,就梗係要搵間酒店玩Staycation啦!今次M佬經網上旅行社,預訂咗一個價錢非常平嘅Staycation套票,兩日一夜入住九龍諾富特酒店,包埋自助午餐連加一都係HK$620。以價論價,加上酒店嘅品牌名氣,確實係無得輸,但我哋入住之後,發覺酒店真係好舊呀,即刻睇吓我哋嘅實測啦!

酒店大堂
酒店位於佐敦鬧市係一大賣點!大概步行5分鐘,就可以去到佐敦港鐵站或前往彌敦道乘搭往各區嘅巴士線。喺酒店附近有勁多餐廳選擇,前往廟街亦只係10分鐘步程。

踏入酒店大門,就係禮賓部,利用旁邊嘅扶手電梯即可以去到位於一樓嘅大堂。酒店前身為大華酒店,喺2008年翻新為香港九龍諾富特酒店至今,由於酒店屬於舊款大廈設計,所以樓底唔高,有少少壓迫感添!整個check-in過程,員工都無同住客有任何交流,甚至連健康申報表亦無提供填寫,令我哋喺疫情期間入住呢間酒店毫無保障同信心。

客房區域
酒店樓高15層,共提供389間客房。而我哋今次入住嘅係高級大床房,但所謂高級客房其實係酒店入面最低級嘅房型。另外,可能我哋預訂嘅套票比較cheap啦,所以酒店亦只安排較低層嘅房間俾我哋,低層房間嘅窗口對正旁邊大廈嘅外牆,所以所謂嘅窗口其實同無窗係無分別,房間非常昏暗,一啲都唔舒服。

至於,雙人床屬於King size,床褥軟硬度適中,床單有少許毛粒,枕頭總共有4個,睡眠質素普普通通。另外,房間只有一邊有床頭櫃,而呢個床頭櫃同床嘅位置亦有一段距離,一啲都唔user friendly。

房間亦有一張梳化同書枱,但由於太殘舊,保養麻麻,所以我哋除咗放嘢,都冇坐過。另外,基本嘅電視機、電熱水壺、免費嘅茶包、咖啡包、蒸餾水、雪櫃都有齊。

浴室區域
浴室外嘅衣櫃附設浴袍、拖鞋同夾萬;而浴室就係企缸,但個花灑頭有少少霉,而玻璃亦有修補痕跡,所以都未能好好享受沐浴。另外,個人用品尚算齊全,包括牙刷、牙膏、梳、浴帽、化妝棉等,而洗頭水、沐浴露、護髮素同潤膚露就使用酒店自家品牌。

健身中心
酒店嘅地牢設有健身室,面積雖然唔大,但基本設施都有齊。

餐飲服務
酒店設有一間餐廳同一間酒吧,而我哋今次就係品坊餐廳享用自助午餐。
詳情:九龍諾富特酒店Staycation 抵食品坊自助午餐

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–
–> KKday:www.kkday.com <–

九龍諾富特酒店 Novotel Hong Kong Nathan Road Kowloon
地址:九龍彌敦道348號
網址:www.novotel.com

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *