[香港Staycation] 12間熱門酒店早餐大比拼 私心推介又係邊一間

酒店張床特別舒服,加上每次Staycation都會玩到好夜,所以第二朝好大機會敵不過睡魔,就算Staycation嘅package包埋自助早餐,你都可能選擇繼續瞓,瞓到check-out前最後一刻先肯起身,但就可能錯過咗一份好豐富嘅酒店打卡早餐喇!所以今日就同你分享12間熱門酒店嘅酒店早餐,睇吓究竟值唔值得瞓少啲嘆早餐啦!

12間熱門酒店早餐
1. 瑞吉酒店
2. 海景嘉福洲際酒店
3. The Hari Hong Kong
4. 萬麗海景酒店
5. 千禧新世界酒店
6. 馬哥孛羅香港酒店
7. The Pier
8. 沙田萬怡酒店
9. 灣仔諾富特世紀酒店
10. 金域假日酒店
11. 宜必思香港中上環酒店
12. 六國酒店
更多酒店優惠:Klook / Trip.com / KKday

瑞吉酒店 – The Drawing Room
瞓少啲都要食酒店早餐指數:🤤🤤🤤🤤🤤(5分為絕對唔可以錯過 ->1分為繼續瞓吧啦)

瑞吉酒店係香港最奢華嘅酒店之一,佢嘅早餐又點會令你失望呢!酒店早餐係半自助餐形式,主菜有多款選擇。但玩開Staycation嘅你,相信一講到瑞吉酒店嘅早餐,第一時間都會諗起鮑魚雞粥!鮑魚size都唔細,有成隻手指公咁長,煮得軟腍,仲有濃郁嘅鮑魚汁調味;至於雞肉鮮甜,粥底軟綿,可以自行添加葱花、大頭菜粒、薄脆同花生,呢碗粥絕對唔會令你失望。呢份中式早餐除咗粥,仲有點心拼盤:蝦餃、燒賣、珍珠雞同龍蝦春卷,特別鍾意龍蝦春卷,因為外皮超脆,蝦肉彈牙,口感豐富!至於自助餐區城都有唔少嘢食,包括:叉燒包、炒米粉、茄汁豆、炸饅頭、煙三文魚、火腿、沙律等等,而麵包嘅選擇都唔少,仲可以配上酒店自家製嘅多款新鮮果醬。如果你鍾意食水果,就一定覺得好驚喜,因為呢度有成8款選擇,夠晒新鮮!
入住詳情:[香港Staycation] 貼心管家服務 香港瑞吉酒店

海景嘉福洲際酒店 – 海景咖啡廊
瞓少啲都要食酒店早餐指數:🤤🤤🤤🤤🤤(5分為絕對唔可以錯過 ->1分為繼續瞓吧啦)

作為洲際集團現時喺香港最高級嘅酒店,海景嘉福洲際酒店嘅早餐同樣唔會令你失望!酒店早餐嘅自助餐區範圍非常大,仲可以透過玻璃睇到廚師備餐嘅情況,令空間感大增。必備嘅Egg Station原來一啲都唔簡單,因為用嚟整奄列嘅配料好多,可以自行搭配獨創嘅口味。此外,仲有麵檔、中式點心、腸仔、火腿、煙肉、果汁等等。總括嚟講,海景嘉福洲際酒店嘅早餐就以選擇多取勝。
入住詳情:[香港Staycation] 愛一個上威士忌課 海景嘉福洲際酒店

海景嘉福洲際酒店, InterContinental Grand Stanford Hong Kong, 香港, 九龍, 尖沙咀東, 麽地道, Staycation, 情迷威士忌, 香港酒店, 香港住宿, 推介, 推薦, 泳池, 優惠, 自助餐, 晚餐, 早餐

The Hari Hong Kong – Lucciola Restaurant & Bar
瞓少啲都要食酒店早餐指數:🤤🤤🤤🤤(5分為絕對唔可以錯過 ->1分為繼續瞓吧啦)

作為近年新開嘅酒店之一,The Hari嘅設計採冷酷英倫風,但服務就夠晒細心貼心。至於酒店早餐就以半自助形式,主菜每日都有6款以西式為主嘅選擇,所有主菜都係即叫即整。我哋分別揀咗可以拉絲嘅芝士火腿奄列,生熟度啱啱好,仲有蛋汁流心嘅效果;至於Egg Benedict配有煙三文魚,切開流心嘅蛋黃,真係好滿足呀!配菜除咗有沙律菜,仲有煙三文魚、牛油果、煙肉、腸仔、車厘茄等等,份量夠晒多呀!但自取區位置唔多,選擇略少,只有粟米片、生果、果汁、煙三文魚、火腿同麵包等。雖然自取區選擇唔多,但呢個主菜絕對值得你涯眼瞓試一試。
入住詳情:[香港Staycation] 英倫豪華酒店 灣仔The Hari Hong Kong

The Hari, The Hari Hong Kong, Hari, 灣仔, 駱克道, 酒店, 香港酒店, 香港住宿, 酒店, 推介, 推薦, 優惠, 地址, 中文, 優惠, 餐廳, Hotel, 日式, Zoku, 意大利, 餐廳, Lucciola, 打卡, 新酒店

萬麗海景酒店 – Mirage Bar & Restaurant
瞓少啲都要食酒店早餐指數:🤤🤤🤤(5分為絕對唔可以錯過 ->1分為繼續瞓吧啦)

萬麗海景酒店因為鄰近會展,所以呢間酒店嘅房間數目係全港數一數二之多。但因為疫情令外國參展活動停頓,所以酒店不定期推出Staycation優惠以吸引香港人,亦令酒店嘅人流眾多,所以除咗check-in之外,早餐人流亦絕不少,真係要做好心理準備。而喺我哋入住嘅時候,酒店嘅自助餐以order任點任食形式,以減少人流聚集。order紙有煎蛋、奄列、腸仔、煙肉、茄汁豆、粥、燒賣、沙律等選擇,而我哋最推介係雞肉香菇粥,好好味呀!不過,上菜速度就肯定會比較慢同會有漏單情況發生。至於少部份嘅食物仍然喺自助餐區領取,包括麵包、果汁、水果、芝士同煙三文魚等。
入住詳情:[香港Staycation] 見證一個時代的浪漫 香港萬麗海景酒店

Mirage Bar & Restaurant, 香港萬麗海景酒店, Renaissance Hong Kong Harbour View Hotel, 萬麗海景, 灣仔, 灣仔美食, 食乜好, 食評, 餐廳, 美食, 香港, 推介, 香港酒店, 晚餐優惠, Staycation

千禧新世界酒店 – Café East
瞓少啲都要食酒店早餐指數:🤤🤤🤤🤤🤤(5分為絕對唔可以錯過 ->1分為繼續瞓吧啦)

千禧新世界酒店嘅早餐係絕對絕對唔可以錯過,因為真係非常豐富呀!呢度嘅食物選擇非常多,有茄汁豆、腸仔、煙肉、火腿、水果、乳酪、沙律、果汁、egg station呢啲基本嘢當然唔少得,但麵檔竟然有沙嗲牛肉呀,朝早一碗沙嗲牛肉麵,相信係唔少人嘅習慣啊!至於中式選擇都有豬肉燒賣、珍珠雞、叉燒包、蘿蔔糕、腸粉同最鍾意嘅雞粥!另外,可能酒店前身係日航酒店,所以早餐仍保留唔少日式選擇,好似麵豉湯、奶油煎魚等等,絕對係一個Goodorning嘅早上。
入住詳情:[香港Staycation] CP值超高五星 千禧新世界酒店

Staycation, 優惠, 千禧新世界酒店, 地址, 尖東, 尖沙咀, 打卡, 打卡點, 拍拖, 攝影好去處, 旅行, 日航酒店, 親子好去處, 評論, 週末好去處, 遊記, 酒店, 香港

馬哥孛羅香港酒店 – 咖啡廳
瞓少啲都要食酒店早餐指數:🤤(5分為絕對唔可以錯過 ->1分為繼續瞓吧啦)

作為老牌嘅五星酒店,馬哥孛羅香港酒店除咗房間舊之外,早餐都會令人好失望!餐廳嘅座位安排非常混亂,而且refill速度非常慢,甚至唔refill,好多吉盤;就算refill嘅,啲嘢食都係凍冰冰。至於蒸住嘅中式點心都唔夠熱,用料似係超市嘅叮叮點心貨色。但講到全份早餐最好味應該係Egg Station喇,所以每時每刻都大排長龍。整體嚟講,呢間酒店嘅早餐可以瞓到自然醒,先考慮落唔落去食啦!
入住詳情:[香港Staycation] 只有靚景嘅舊酒店 馬哥孛羅香港酒店

The Pier – WA-Theater Restaurant
瞓少啲都要食酒店早餐指數:🤤(5分為絕對唔可以錯過 ->1分為繼續瞓吧啦)

位於西貢嘅The Pier,未住就肯定非常期待,但住完就肯定非常失望。The Pier位於西貢白沙灣,因為擁有先天性嘅無敵海景,所以Staycation一啲都唔平㗎!不過,The Pier嘅服務、房間保養同衛生確實麻麻,至於早餐都會秉承失望嘅感覺。酒店聲稱早餐為半自助形式,但其實自取區就只有多士、茶同咖啡。至於主菜分為西式、日式同素菜三個選擇,我哋就揀咗西式同日式各一。可能係日本餐廳,所以佢個日式早餐相對好少少,配上無得輸嘅西京燒醬汁,真係好難會唔好味㗎!
入住詳情:[香港Staycation] 充滿度假feel 西貢白沙灣The Pier

Staycation, The Pier, 優惠, 地址, 度假, 打卡, 打卡好去處, 打卡熱點, 打卡點, 拍拖, 拍拖好去處, 推介, 推薦, 攝影, 攝影好去處, 旅行, 白沙灣, 西貢, 評論, 週末好去處, 酒店, 香港, 點去

沙田萬怡酒店 – MoMo Café
瞓少啲都要食酒店早餐指數:🤤🤤🤤🤤(5分為絕對唔可以錯過 ->1分為繼續瞓吧啦)

以4星酒店嘅價錢同質素,以價論價,真係無諗過沙田萬怡酒店嘅自助早餐會咁豐富!食物方面有中西式熱食、egg station、冷盤、即煮麵檔。麵檔除咗一般嘅丸同菜,連肥牛同雞肉都有,麵底仲有4款選擇。我特別欣賞佢個中式點心,選擇有香莤餃、珍珠雞、叉燒包、蘿蔔糕等等,至於粥方面,除咗白粥,仲有少見嘅菜乾排骨粥。此外,仲有早餐常客嘅茄汁豆、腸仔、煙肉、乳酪、沙律同果汁等等,驚喜連泡菜、枝豆、中華沙律、煙三文魚等等都有。
入住詳情:[香港Staycation] 迷人城門河馬場景 香港沙田萬怡酒店

灣仔諾富特世紀酒店 – Room Services
瞓少啲都要食酒店早餐指數:🤤🤤(5分為絕對唔可以錯過 ->1分為繼續瞓吧啦)

我哋一向都唔太鍾意喺房內用餐,因為成日覺得上到房嘅嘢食會變凍。但其實喺房內食早餐都有好處,就係可以瞓到早餐時般嘅最後一分鐘。早餐以西式為主,有牛角包、煙肉、火腿、腸仔、炒蛋、水果同果汁,份量唔算少。如果早餐習慣飲杯茶或咖啡嘅你,就要自己動動手,喺minibar自己沖喇!
入住詳情:[香港Staycation] 日本浴衣和牛之旅 灣仔諾富特世紀酒店

香港諾富特世紀酒店, Novotel Century Hong Kong, 香港, 灣仔, 謝斐道, Staycation, 香港酒店, 香港住宿, 推介, 推薦, 尋和味, 一泊二食, 優惠, 泳池, 自助餐, 晚餐, 地址, 套房, 點去

金域假日酒店 – Bistro on the Mile
瞓少啲都要食酒店早餐指數:🤤🤤🤤(5分為絕對唔可以錯過 ->1分為繼續瞓吧啦)

香港金域假日酒店嘅自助晚餐一向出名款式多,估唔到連自助早餐都唔例外。除咗egg station同麵檔,熱食嘅選擇都好多。當中大受歡迎嘅絕對係中式點心:有蝦餃、燒賣同珍珠雞,所以每次一出就會好快清晒,好在refill速度算快。但呢間酒店一嚟到weekend,早餐時段就會淪陷,想享受悠閒早餐嘅你,就未必適合喇!
入住詳情:[香港Staycation] 市中心出走輕度假 香港金域假日酒店

香港金域假日酒店, Holiday Inn Golden Mile Hong Kong, 香港, 九龍, 尖沙咀, Staycation, 香港酒店, 尖沙咀酒店, 香港Staycation, 香港住宿, 酒店, 推介, 推薦, 優惠, 地址, 泳池, 自助餐, 晚餐

宜必思香港中上環酒店 – Room Services
瞓少啲都要食酒店早餐指數:🤤🤤(5分為絕對唔可以錯過 ->1分為繼續瞓吧啦)

喺房度食早餐,除咗可以瞓晏啲,有時因為靚景,你都會想留喺房間嘆早餐。今次入住嘅宜必思香港中上環酒店,望住維港西岸嘅九龍靚景,絕對係一個寫意嘅早上。早餐提供四個選擇,分別係三文治早餐、歐陸式早餐、美式早餐同中式早餐。特別一讚嘅係早餐供應時間至中午十二點,真係可以瞓到夠晒先至食個late breakfast。美式早餐有煙肉、炒蛋、茄汁焗豆、炸薯餅、雜錦香腸、蕃茄、乳酪、油醬多士同果汁;至於中式早餐就有菜乾排骨粥、豉油王炒麵、蒸豬肉蝦燒賣、蒸牛肉燒賣同果汁。兩份早餐都非常豐富,我哋特別鍾意個菜乾排骨粥,粥底軟綿,並帶有濃郁嘅菜乾香味!
入住詳情:[香港Staycation] 24小時食住玩兼有維港景打卡 平玩宜必思香港中上環酒店

A姐M佬住得正, Hotel, Hotels, ibis, ibis Hong Kong Central & Sheung Wan, Staycation, 上環, 中環, 優惠, 地址, 宜必思, 宜必思香港中上環酒店, 打卡, 打卡好去處, 打卡熱點, 打卡點, 拍拖, 拍拖好去處, 推介, 推薦, 攝影, 攝影好去處, 親子好去處, 評論, 週末好去處, 遊記, 酒店, 香港, 香港Staycation, 香港住宿, 香港酒店, 點去

六國酒店 – Room Services
瞓少啲都要食酒店早餐指數:🤤(5分為絕對唔可以錯過 ->1分為繼續瞓吧啦)

六國酒店嘅Staycation package選擇好多,但由於酒店無咩賣點,所以每個Staycation都係主打餐飲,午餐同晚餐絕對唔會令你失望。至於早餐就只可以話ok啦,唔係難食,但唔食亦都唔會可惜囉!前一晚將早餐選擇同送餐時間嘅落單紙掛喺門口,第二朝就熱辣辣送到嚟!我哋揀咗中式同美式早餐,中式有雞粥、餃子同炒麵,而美式就有煎蛋、腸仔、火腿、煙肉同麵包。
入住詳情:[香港Staycation] 驚喜打卡野餐 灣仔六國酒店

六國酒店, Gloucester Luk Kwok Hong Kong, 灣仔六國酒店, 灣仔, 告士打道, Staycation, 香港酒店, 香港Staycation, 香港住宿, 酒店, 推介, 推薦, 優惠, 市區野餐, 尊尚客房, 裝修, 綠悠時光住宿計劃

如果你哋都有Staycation酒店嘅早餐推介,記住話俾我哋知,等我哋可以同其他A姐M佬嘅字母粉開心share呀!

更多酒店優惠:Klook / Trip.com / KKday

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *