城市綠洲 香港公園

香港係一個繁忙嘅商業社會,但因為以前完善嘅城市規劃,所以喺鬧市中都唔難搵到一個公園,讓繁忙嘅都市人可以輕鬆休息一吓。今日我哋拍拖好去處就嚟到佔地8公頃嘅香港公園,公園橫跨金鐘同中環商業區,喺嗰區返工嘅朋友都鍾意嚟到野餐或食完lunch之後散吓步,雖然我哋唔喺係中區返工,但香港公園都有唔少景點,絕對係一個週末好去處。

香港公園
公園內嘅設施同休憇地方好多,其中包括:
– 舊三軍司令官邸,現改建為茶具文物館
– 羅連信樓為前英軍副司令官邸,現改建為紅棉路婚姻登記處
– 華福樓為前已婚英軍軍官宿舍,現改建為觀鳥園教育中心
– 卡素樓為前已婚英軍宿舍,現改建為視覺藝術中心

此外,仲有香港壁球中心、室內運動場、太極園、鳥瞰角、中央花園、奧林匹克廣場、兒童遊樂場同人工湖等設施,而今日我哋主要想分享介紹以下三個景點。

雀鳥展覽區
展覽區內設有展示板,大家可以了解唔同雀鳥嘅習性,而展覽區內亦設有展覽籠,鳥籠內飼養咗長冠犀鳥、雙角犀鳥同嚟自馬來西亞等地區嘅雀鳥品種。

尤德觀鳥園
1992年9月開放嘅觀鳥園以已故嘅尤德爵士命名,尤德觀鳥園坐落喺香港公園嘅一個天然山谷上,佔地3,000平方米,園內設有一條木造嘅行人橋,模仿叢林環境,展示產於馬來群島嘅90個品種嘅600隻雀鳥。一入到嚟尤德觀鳥園,已經聽到好治癒嘅雀仔叫聲,仲好似去咗澳洲啲森林公園咁。

霍士傑溫室
除咗尤德觀鳥園,另外一個以已故前市政局主席霍士傑命名嘅霍士傑溫室,展示2,000多種植物,分為展覽廳、旱區植物展覽館及熱帶植物展覽館,展覽廳放有專題植物展覽,不定時更新。旱區植物展覽館嘅溫度為攝氏33度,相對濕度60%,以炎熱乾燥嘅溫度模擬沙漠環境,所以呢間有好多仙人掌㗎;熱帶植物展覽館內設有自動製霧系統,溫度維持喺攝氏23度至33度之間,讓大家感受南非、東南亞同美洲嘅森林植物。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港公園 Hong Kong Park
網址:www.lcsd.gov.hk

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *