奇妙夢想城堡 香港迪士尼樂園

一年入面,我哋覺得最浪漫嘅節日一定係聖誕節!講到香港最有聖誕氣氛嘅地方,又點少得迪士尼樂園呢?今年適逢係香港迪士尼樂園15周年,樂園亦推出唔同嘅慶祝活動,當中最囑目一定係睡公主城堡變身成為「奇妙夢想城堡」啦!

提前預約
提提大家,所有賓客 (包括樂園門票持有人、「奇妙處處通」會員同免費門票持有人) 都要喺到訪樂園前,先喺香港迪士尼入園預約網站預約到訪日期。「奇妙處處通」會員就可以優先喺到訪前8日內預約,而其他賓客就可以喺到訪前 7 日內預約。喺預約過程中,賓客要作出健康聲明。如果有出現發燒或呼吸道感染病徵,於過去 14 日到訪香港以外嘅地方或者密切接觸過新型冠狀病毒病感染確診者,正接受強制檢疫嘅人都唔可以進入樂園。如果預約成功,你將會收到短訊或者電郵確認,去到樂園記住要出示返已經登記嘅門票或者會員卡,就可以入場啦!

提提你,想買到更抵玩嘅門飛,可以經Klook買飛,比現場買飛平啲架!

奇妙夢想城堡
迪士尼樂園嘅地標當然係城堡啦!從前嘅香港迪士尼樂園睡公主城堡更慘被譽為全球最細嘅城堡,但今時唔同往日,經過幻想工程師嘅重新打造,喺原有嘅睡公主城堡上加建,成為全新嘅奇妙夢想城堡。呢個奇妙夢想城堡為咗展現多元共融文化,所以就融入13個公主同女王故事,包括《公主與青蛙》嘅蒂安娜、《睡公主》嘅奧蘿拉、《小魚仙》嘅艾利奧、《花木蘭》嘅木蘭、《阿拉丁》嘅茉莉、《雪姑七友》嘅白雪、《魔海奇緣》嘅慕安娜、《仙履奇緣》嘅仙蒂、《勇敢傳說》嘅梅莉達、《風中奇緣》嘅寶嘉康蒂、《美女與野獸》嘅貝兒、《魔髮奇緣》嘅樂佩同《魔雪奇緣》嘅愛莎。我哋可以由塔頂、城柱、圓頂廣場,甚至係窗,都可以發掘到唔同嘅元素,夠晒細緻。

當中大家最容易留意嘅就係13個城塔嘅塔頂,每個城塔都以顏色同公主所代表嘅物品設計,其中代表白雪公主就當然係蘋果啦!而最高嘅城塔就係睡公主,以向原先嘅睡公主城堡致敬,佢嘅塔尖係皇冠,至於城塔顏色就係粉藍同粉紅色。遊覽城堡8個導賞點嘅時候,仲可以掃描QR code聆聽林嘉欣嘅聲音導賞,發掘城堡背後象徵嘅故事與意義。

另外,城堡嘅後面亦有13條城柱,將故事入面嘅其他角色或代表物品雕刻出嚟,好似有《魔雪奇緣》嘅小白、《美女與野獸》嘅茶煲太太等等。

呢個圓花窗就最容易被大家錯過,呢個圓花窗就集合咗13個迪士尼公主同女王嘅標誌圖案。

最後,喺城堡內設有1個景點同1間商店,其中大家可以喺皇室禮賓庭同迪士尼公主見面,入面當然唔少得精緻嘅雕刻同雕像啦;而城堡珠寶店內就可以買到公主嘅紀念品同珍藏喇!

奇妙夢想城堡故事展
城堡嘅改造歷時4年,呢度就由設計新城堡至完工嘅奇妙過程,如果想更深入了解13個城塔嘅塔頂,就可以喺呢度睇到彷製品喇!當然,仲有唔少城堡同各位公主嘅介紹啦!

最後,仲可以喺度寫低你嘅夢想再放入信箱,期望大家都會有奇妙嘅一天。

15周年巡遊
因應疫情,所以15周年巡遊嘅規模相對較細,大家記住與演藝人員同迪士尼朋友保持距離呀!

另外,喺樂園內除咗聖誕佈置,仲有唔同嘅15周年裝飾,打卡一流架!

聖誕心願慈善明信片
聖誕節咁開心,梗係要將祝福send俾朋友啦!大家可以喺美國小鎮大街嘅商店買聖誕心願慈善明信片,再寫上祝福語句,放入小鎮大街市鎮會堂外嘅聖誕心願郵筒,迪士尼就會幫你寄出,更會將今次義賣所得嘅款項不扣除成本,將全數撥捐「愛心聖誕大行動」,真係好有意義!

米奇與好友聖誕舞會
聖誕節一向都係最開心嘅節日,米奇同迪士尼朋友邀請大家出席喺城堡廣場舞台嘅聖誕舞會,大家會見到米奇、米妮、唐老鴨、黛絲、高飛、布魯托、鋼牙奇奇、大鼻帝帝、Duffy、ShellieMay、StellaLou同CookieAnn!除咗唱聖誕歌,最後仲會落雪牽起高潮。

夢想成真聖誕樹亮燈禮
美國小鎮大街嘅聖誕樹一定係大家嘅影相位,到咗夜晚記住睇埋夢想成真聖誕樹亮燈禮,有現場聖誕歌曲同漫天飄雪,好有聖誕氣氛!

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–

香港迪士尼樂園 Hong Kong Disneyland
門票:成人HK $639;小童(3至11歲) HK $475;長者門票(65歲或以上)HK $100
Klook買迪士尼樂園門票:成人HK $580
網址:www.hongkongdisneyland.com

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *