[屯門好去處] 與藝術共融 屯門河畔公園

每個新市鎮都好似有一條代表嘅河流,好似大埔就有林村河、沙田就有城門河、上水就有雙魚河,粉嶺就有梧桐河,至於屯門就有屯門河喇!以前香港嘅河流,都係污糟邋遢同臭崩崩,後嚟經過多年嘅清理,今日嘅河流已經大不同。屯門河除咗係區內居民跑步嘅熱點之外,喺屯門河畔公園其中一段嘅欄杆,就擺放咗本土藝術家創作嘅藝術裝置!

與貓為畔
由陶土手捏製成嘅貓雕像,並定期換上具有快乾同唔會發霉嘅亞克力纖維冷球製作嘅新衫,讓觀眾從貓嘅視角體會同探索屯門不同風貌。

屯門無限傳說
以屯門嘅歷史、日常生活、趣聞為創作題材,製作咗一組6件鑄銅雕塑。

青山花塔餅
話說當年,好多小朋友食咗唔乾淨嘅食物而患病,直至有神醫經過,將形狀貌似代表屯門嘅青山形花塔餅俾小朋友食完之後,佢哋就好返啦。

九座牛
原來屯門真係有牛㗎 !話說當年唔少街坊坐過九座位小巴來往九龍至屯門,亦有街坊細個嘅時候係坐牛車返學,所以藝術家將牛幻化成小巴。

我是一隻跑得很快的龜
作品以屯門公園爬蟲館內嘅豬鼻龜為題,佢嘅殼上面就係屯門公路,每日帶著屯門居民前往唔同嘅地方。

神奇大洞牆
創作意念嚟自大興邨興耀樓,據說只要穿過牆上面嘅大洞,就會瞬間長高;但從另一方向穿過大洞,就會變得矮小。

飛天葡萄豬肉乾
據說兩兄弟分別喺屯門養豬同種植提子,但喺某一日,有一隻小豬食咗提子之後蕩失路,去到蝴蝶灣嘅沙灘曬太陽而變成豬肉乾,於是兩兄弟製作有提子香味嘅豬肉乾而大受好評。所以作品就以兩兄弟帶有葡萄味嘅豬肉乾飛上天空,表示好味到飛起嘅感覺。

同場加遊:屯門河畔公園行人天橋
電影《志明與春嬌》嘅志明橋位於九龍灣,色系以粉藍色為主,嚟到屯門河畔公園就有一條紅白色版本嘅志明橋,啱晒大家打卡啦!

同場加遊:架空花園
架空花園建於四層樓高嘅位置,由於前往公園玩必須要上樓梯,所以人流唔多,公園組織左唔少植物,加上有唔少康樂設施,適合小朋友放電,或者附近嘅居民嚟呢度做運動。

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–
–> KKday:www.kkday.com <–

屯門河畔公園 Tuen Mun Riverside Park

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *