[大嶼山好去處] 早餐嘆名物蠔餅 深屈村坤叔茶座

同A姐自駕遊大嶼山,早餐唔通食東涌快餐店咁無誠意咩?所以做吓功課,嚟到位於沙螺灣同大澳之間嘅隱世村落:深屈村。平時除咗村民,就只有行東澳古道嘅行山人仕會嚟到深屈村作中途休息。深屈村有3間士多,我哋就揀咗坤叔茶座,早餐一於蠔一蠔,試吓深屈名物:蠔餅。

前往方法
1. 深屈村係東澳古道必經之地,即係由東涌行去大澳,或由大澳行去東涌都會經過呢度,可以作為一個中途休息站
2. 乘搭大嶼山的士前往深屈村
3. 自駕遊(詳情:大嶼山自駕遊 十二大必遊景點

深屈道
有人話深屈道係香港最危險嘅山路之一,因為全程3公里只有小量避車處同雙綫行車,其餘都係單綫雙程行車。加上300米嘅山路又斜又彎,全程都要慢駛行車。

深屈村
深屈道嘅終點站就係深屈村,呢度嘅村民唔多,基本上種吓菜、養吓蠔,自給自足。我哋選擇咗坤叔茶座外嘅露天位,望住蠔田同港珠澳大橋海景,份早餐都會特別好味啦。

丁蛋出前一丁、餐蛋出前一丁
出前一丁都係嗰碗大家熟悉嘅出前一丁,但喺鄉郊食到嘅出前一丁,唔知點解好似特別好味!出前一丁即叫即煮,仲係我哋最愛嘅麻油味添!煎蛋煎到燶邊,餐肉厚切,值得一讚。

煎蠔餅(半份)
因為唔走回頭路,所以朝早嚟到深屈村,早餐都要試吓呢到嘅名物啦!細份嘅蠔餅,估唔到份量都幾多,但大家絕對唔可以將呢份蠔餅同廟街嘅相比,始終呢度係簡約嘅鄉村,唔玩花巧,反而食到粒粒蠔仔嘅鮮甜!蠔仔份量十足,粒粒都夠晒飽滿,嚟到唔可以錯過。

坤叔茶座
地址:大嶼山深屈村6號
電話:+852 9879 2456
營業時間:星期一至日 09:00 – 18:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *