流浮山日落:穿梭戀人名字

星期五晚玩通頂,懶瞓嘅M佬瞓到兩點幾先起身…… 夜晚又約咗人食飯,得番幾個鐘頭,無時間二人世界!M佬見我燥燥地,就話今日天氣咁好,不如去流浮山睇嗰日落,浪漫下!男人就係口甜舌滑㗎啦!好啦!算你啦!

我哋揸車由大埔出發,大概半個鐘就到。圍著迴旋處有兩三個爛地停車場,全部都提供時租車位,大約每小時$15-20。除咗揸車嚟,大家可以喺元朗搭34、33、35、34A專線小巴,或者K65號巴士去流浮山。

一去到就見到成條海味街,有花膠、蝦子、蝦醬、蠔油,好大陣腥味。既然嚟到,買番樽蠔油返去孝敬媽媽先。

流浮山日落- 浪漫拍拖 - 吃喝玩樂 - 01

流浮山日落- 浪漫拍拖 - 吃喝玩樂 - 02

再向前行,就見到一大片泥灘,我哋兩個即刻嘩咗一聲!因為天氣好,無乜雲,成個天都係金黃色;加埋隔離嘅小艇同泥漿反射番啲金光,真係好靚!大家仔細啲仲會到深圳灣公路大橋。

流浮山日落- 浪漫拍拖 - 吃喝玩樂 - 07

流浮山日落- 浪漫拍拖 - 吃喝玩樂 - 08

大家可以影個背影加個日落background,一樣有feel。不過提提大家,離岸邊愈遠嘅泥漿愈鬆軟,所以千祈唔好行得太出,如果唔係踩到鬆軟的泥漿,就會成隻腳踩入泥濘到。除咗嗰日落景之外,大家仲可以喺泥灘見到蟹仔同彈塗魚。

流浮山日落- 浪漫拍拖 - 吃喝玩樂 - 04

其實好多人都會一早嚟霸靚位,影靚相。我哋建議大家出發之前,先去天文台網站check下當日日落時間。不過記住天文台嘅時間係太陽完全落山嘅時間,如果要落靚靚日落,就要早一個鐘嚟到!

流浮山日落- 浪漫拍拖 - 吃喝玩樂 - 09流浮山日落- 浪漫拍拖 - 吃喝玩樂 - 06

睇完日落,大家仲可以去食嗰海鮮大餐。呢同好似三聖邨咁,可以喺海鮮檔自己買海鮮,再交畀店家加工。只可惜今次我哋約咗大馬朋友,無緣食海鮮……下次一定要再嚟過,食埋晚飯先走!

(記住Like同Share畀朋友)


想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMDiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *