無料親子好去處 香港動植物公園

雖然香港係一個彈丸之地,但公園數量一啲都唔少,而且大部份公園都有主題特色同打卡點,最重要係免費參觀!今日我哋就嚟個中環一天遊,玩完香港公園再嚟到香港動植物公園。香港動植物公園面積雖然只有5.6公頃,但園內展示中小型嘅動物同各式各樣嘅植物,係全香港最深得家長喜愛嘅公園之一,weekend就可以嚟個親子之旅啦!

香港動植物公園
於1871年建成嘅動植物公園係香港歷史最悠久嘅公園,因為園址嘅前身曾用作總督官邸,所以亦有老一輩嘅人叫呢度做「兵頭花園」。公園分為兒童遊樂場、鳥舍、溫室、噴水池花園、哺乳類及爬行類動物區域等。叫得動植物公園,植物當然唔少得啦,園內種有 1,000 多種植物,品種主要為熱帶同亞熱帶地區嘅植物。除咗松柏、無花果、杜鵑等,仲有季節嘅期間限定,可以睇到紅葉同繡球花添㗎!

喺公園嘅中心位置設有英皇佐治六世銅像同戶外噴水池,而今日我哋就去睇重點嘅動物區同溫室。

溫室
溫室種植咗超過150多個本地同外來品種嘅植物,包括蘭花、蕨類植物、鳳梨科植物、攀緣植物同室內植物等。雖然比香港公園嘅溫室細,但一場嚟到,都值得參觀一吓。

動物園 – 哺乳類及爬行類動物
動物園共設置了約40個籠舍,飼養約400隻動物,分為東西兩個區,西區係哺乳類及爬行類動物嘅獸籠。仲記得細個嘅時候,動植物公園嘅明星一定係美洲豹,不過,美洲豹「小花」喺2008年6月去世之後,動植物公園就再無大型動物喇!依家喺動物圍哺乳類園區主要係飼養靈長類類動物,包括婆羅洲猩猩、紅頰黑猿、白臀長尾猴、皇狨猴、金獅面狨、金頭獅狨猴、環尾狐猴、合趾猿、白面僧面猴、領狐猴同絨頂檉柳猴等。而因為近年幾套卡通片效應,所以霍氏樹懶同新引入嘅狐獴就比較囑目。不過,喺疫情期間,哺乳類及爬行類動物嘅園區並無開放。

另外,呢度嘅獸籠設施同理念都比較古老,並未利用天然環境,所以動物嘅居住環境比較狹窄,早幾年曾經講過話會進行翻新工程,我哋期望動物們有更好嘅居住環境啦!

動物園 – 雀鳥區
嚟到東區,主要係雀鳥嘅獸籠,包括美洲紅䴉、丹頂鶴、長冠八哥、黃頸黑雁、笑翠鳥、藍蓑羽鶴、黑臉琵鷺、鳳冠孔雀雉、羅氏孔雀雉、冠斑犀鳥、藍黃金剛鸚鵡、維多利亞冠鳩、藍鳳冠鳩、紫胸鳳冠鳩、黃盔犀鳥等,但要講呢區嘅動物明星,當然就係美洲紅鸛(Flamingo)啦,佢哋真係連瞓覺都好優雅。

黑臉琵鷺係香港雀鳥嘅代表之一,佢哋嘅身體係呈白色,但臉就係黑色,所以一睇就認得。喺2018年就有一隻年約三歲嘅黑臉琵鷺喺南生圍被漁護處救起,當時佢身體受傷,非常瘦弱,需要接受截肢手術,經過休養後,已經大致康復,但由於無法飛行,所以不能野外生存而安置到香港動植物公園內。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港動植物公園 Hong Kong Zoological and Botanical Gardens
網址:www.lcsd.gov.hk

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *