親子週末好去處 香港醫學博物館

細細個睇《妙手仁心》時,都曾經諗過做醫生,其實做醫生真係唔容易,特別係每次遇上疫症,醫生就係企喺最前線嗰位。我哋呢一代經歷過沙士、武漢肺炎,其實香港嘅醫療體制、歷史同發展又係點架呢?今個週末好去處,我哋就去到上環半山嘅香港醫學博物館,細味香港嘅醫學故事。

醫學博物館
1996年成立嘅醫學博物館,前身係病理檢驗所。喺1906年啟用嘅時候,呢棟建築物嘅用途係預防同控制當時爆發嘅鼠疫同其他傳染病。檢驗所喺上世紀七十年代完成使命,成為香港嘅法定古蹟,並喺1996年活化成依家嘅醫學博物館。博物館係英國愛德華式建築物,紅磚外牆建築,有寬闊嘅走廊,空氣流通,屋頂蓋上中式簷瓦,而建築內部就保留咗木樓梯同窗花,好有殖民地色彩。博物館分為三層,介紹香港醫科學術嘅發展歷史同昔日疾病嘅情況。仲有多種醫療用具、香港醫學衛生同護理工作、中草藥介紹。室及演講室。

地下展覽廳
喺地下嘅展覽廳主要介紹建築物歷史,仲有關於沙士嘅歷史圖片同口述故事,回憶起當時真係一個艱難嘅時期。

喺另一個展覽廳就介紹香港第一間採用西法醫療嘅華人醫院:雅麗氏何妙齡那打素醫院,同東華三院嘅歷史。

仲有一個中醫嘅區域,了解中醫喺香港醫學上嘅地位。

二樓展覽廳
由地下行上二樓,完美咁保留木樓梯同窗花,影相打卡都唔錯架。

二樓最大嘅展廳就講述當時細菌檢驗所嘅工作,昔日鼠疫海嘅情況。

紥腳喺清末民初開始被認為係陋習,但當時好多傳統家庭,仍然繼續為佢哋嘅女兒紥腳,呢度就睇到當時紥腳嘅模型、X光片。

地牢展覽廳
呢度分為2個展覽廳,一邊係模擬依家中醫鋪頭嘅百子櫃。

而另一邊就放有好多醫學儀器、剖屍嘅模型,A姐可能睇得太多恐怖片,佢覺得呢度好冰冷好恐怖。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港醫學博物館 Hong Kong Museum of Medical Sciences
地址:香港上環半山堅巷2號
前往方法:經中環至半山扶手電梯至堅道,再沿行人路向西步行約10分鐘至樓梯街,向下行並在左邊第一個路口轉入堅巷
電話:2549 5123
開放時間:星期二至星期六 10:00-17:00;星期日及公眾假期 13:00-17:00;聖誕日前夕及農曆年前夕 10:00-15:00
門票:成人 HK$20;全日制學生、六十歲或以上長者、殘疾人士及六歲以下小童 HK$10
網址:www.hkmms.org.hk

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *