跑過城堡、飛越太空、逃出森林,一起走過迪士尼的日子!香港迪士尼樂園10K Weekend!

唔知大家平時有無跑開步嘅習慣呢?學方力申話齋“日日運運身體好”!而我為咗減肥,晚晚都捉埋M佬落街跑番個零鐘,由5個圈到15個圈,慢慢地雙方都成為對方嘅鼓勵同目標,原來跑步一樣可以好sweet架。不過,講真又唔見瘦咗喎。鬼咩!跑完步,M佬實捉我去宵夜,唔肥都真係偷笑啦!

講開又講,自從有了渣跑,運動場上好似多咗好多人跑步,大家嘅目標都好似直指全馬!不過,我哋就好似連半馬都仲有一大段距離!但係如果大家都想挑戰自己,又想跑得奇妙啲,不如參加由香港迪士尼樂園舉辦嘅第一屆樂園跑步賽:「香港迪士尼樂園10K Weekend」!講真,平時我哋去迪士尼為咗追Show嘅時間,都係迪士尼樂園跑唔少,但今次終於可以認認真真咁跑過城堡、跑過外太空、跑過美國同跑過森林喇!

香港迪士尼樂園將一連兩日(9月10至11日)呈獻一系列跑步競賽同親子跑步主題活動,包括米奇10公里賽、迪士尼小熊 Duffy 5公里跑、米奇米妮 3公里親子跑及兒童100米及200米跑。比賽期間,一眾迪士尼嘅朋友仲會同換上運動裝同大家打氣,跑得攰攰哋,不妨停一停,同米奇老鼠影番張合照添!

而每位成功報名參加米奇10公里賽、迪士尼小熊 Duffy 5公里跑及3公里親子跑仲可以獲得主題T-shirt一件、獎牌連掛繩、號碼布、電子證書及迪士尼樂園標準門票1張(奇妙處處通會員除外),每組頭3名仲可以獲得樂園酒店住宿一晚或酒店自助餐添!而且部份費用會捐畀兒童癌症基金,計落真係好抵,仲可以做善事,真係好值得!

我唔等你喇,mark低報名日期,加埋日日練習,要贏人先要贏自己!!!

米奇10公里賽
為香港業餘田徑總會合辦賽事,成績仲會納入香港排名添!一於打破自己嘅紀錄啦!
比賽日期:9月11日
「奇妙處處通」會員報名日期:5月25至27日 – 套票價格$650
公開報名日期:5月30日起 – 套票價格$899
參與者於活動當天年滿16歲或以上
首3名完成米奇10公里賽(比賽組)事的選手均可獲得獎座一台及由迪士尼樂園度假區送出之禮物。

迪士尼小熊 Duffy 5公里跑
可以成為首批跑入七大主題園區的選手,而且啱哂我哋跑得唔多嘅人仕!
比賽日期:9月10日
「奇妙處處通」會員報名日期:5月25至27日 – 套票價格$650
公開報名日期:5月28日 – 套票價格$899
參與者於活動當天年滿14歲或以上。
參與者完成賽事後,可於終點獲得迪士尼小熊 Duffy 5公里跑獎章連掛繩。

米奇、米妮 3公里親子跑
想大人小朋友齊齊跑,呢個3公里就認真唔錯!
比賽日期:9月10日或9月11日
「奇妙處處通」會員報名日期:5月25至27日 – 套票價格$350
9月10日親子跑公開報名日期:5月28日 – 成人套票價格為$599,小童套票價格為$449
9月11日親子跑公開報名日期:5月30日 – 成人套票價格為$599,小童套票價格為$449
成人參與者於活動當天年滿12歲或以上,小童參與者為3至11歲。
參與者完成賽事後, 可於終點獲得米奇、米妮3公里親子跑獎章連掛繩。

兒童100米及200米跑
比賽日期:9月10日或9月11日
9月10日兒童跑公開報名日期:5月28日 – 套票價格$199
9月11日兒童跑公開報名日期:5月30日 – 套票價格$199
參與者為5歲或以下。
參與者完成賽事後, 可於終點獲得兒童跑獎章連掛繩。
此賽事不會跑入園區。
每位兒童跑的小選手可邀請1位成人陪同參與。

詳情:www.hongkongdisneyland.com

(記住Like同Share畀朋友)


想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *