[大嶼山好去處] 十二大自駕遊必遊景點

當年我同A姐學車就係想去旅行嘅時候可以輕輕鬆鬆自駕遊,但考車合格再等多1年之後,就遇上世紀疫情,令自駕遊計劃一直擱置。Weekend放假只可以留喺香港,揸住我哋架吥吥車四圍去,好似元朗呀、西貢呀、大埔呀等地方遊車河,順便練吓車。直至我哋成功申請大嶼山自駕遊計劃,呢條路線真係同平時市區路線好唔一樣,勁有旅行feel,一於睇吓我哋嘅申請禁區紙懶人包同行程攻略啦!

大嶼山自駕遊計劃
市民可以喺一個月前於網上申請大嶼山自駕遊許可證,並於系統輸入申請人及私家車資料,再選擇駛入大嶼南嘅日期(星期一至星期五上午8時至下午7時,公眾假期除外),並於網上繳付HK$75許可證費用。輸入所需資料及付款後,你會即時知道申請結果(每日名額25個,以先到先得方式發出)。如果申請日期與進入日期相隔5個工作天或以上,運輸署就會將許可證郵寄至閣下地址。

大嶼山自駕遊申請資格
1.申請許可證之車輛必須是私家車
2.私家車進入嶼南當天,必須獲發有效的車輛牌照
3.每部私家車每個月只可參與「大嶼山自駕遊」計劃一次
4.獲發許可證嘅車輛駕駛者,必須持有有效嘅香港正式駕駛執照。

大嶼山自駕遊注意事項
1.大嶼山禁區紙名額有限,想去大嶼山自駕遊必須預早一個月申請
2.出發時必須將許可證貼於車頭擋風玻璃上
3.大嶼山之道路經常有牛隻出沒,謹記小心駕駛
4.部份大嶼山路段較斜及窄,駕駛時留意車速,小心至上

1. 石壁水塘
晨早出發去大嶼山玩自駕遊,第一站就梗係要食份地道早餐啦!喺前往深屈村食早餐途中,我哋經過一個好靚嘅水塘,原來呢度就係全港第三大儲水量嘅石壁水塘。自駕遊嘅最大樂趣就係可以隨時停低架車,影吓相再出發!
詳情:大嶼山郊遊 石壁水塘靚景

2. 深屈村
同A姐自駕遊大嶼山,早餐唔通食東涌快餐店咁無誠意咩?所以做吓功課,嚟到位於沙螺灣同大澳之間嘅隱世村落:深屈村。平時除咗村民,就只有行東澳古道嘅行山人仕會嚟到深屈村作中途休息。深屈村有3間士多,我哋就揀咗坤叔茶座,早餐一於蠔一蠔,試吓深屈名物:蠔餅。
詳情:早餐嘆名物蠔餅 深屈村坤叔茶座

3. 昂坪
香港有好多唔同嘅旅遊景點,而香港旅遊發展局向外宣傳嘅旅遊片段,頭三名一定離不開太平山頂、維港夜景同位於大嶼山昂坪嘅天壇大佛。作為香港其中一個最重要嘅旅遊景點,天壇大佛嘅魅力之處又係咩呢?
詳情:香港旅遊點的代表作 大嶼山昂坪天壇大佛
詳情:大嶼山輕鬆行 昂坪心經簡林

天壇大佛, 開放時間, 交通, 巴士, 行山, 食齋, 樓梯, 寶蓮禪寺, 香港好去處, 離島好去處, 大嶼山好去處, 週末好去處, 親子好去處, 週末好去處, 拍拖好去處, 打卡好去處, A姐M佬港去玩, The Big Buddha

4. 觀音寺
大嶼山有唔少道場,最為人所認識嘅當然就係寶蓮禪寺同旁邊供奉如來佛祖嘅天壇大佛啦!除咗寶蓮禪寺,另一個名氣相對較高嘅就係供奉觀音嘅觀音寺。自此如來佛祖同觀音大使就坐落喺大嶼山守護住呢個地方。位於羌山嘅觀音寺初建於1909年,公共交通唔算太方便,所以成為今次我哋大嶼山自駕遊必到嘅景點之一。
詳情:八角形寶塔 大嶼山觀音寺

5. 靈隱寺
以前細個去親大嶼山,午餐一定係食齋嘅!因為大嶼山有唔少道場,其中最為人熟悉嘅當然就係寶蓮禪寺啦!不過難得嚟自駕遊,就梗係要去啲交通相對無咁方便嘅地方參觀,所以我哋嚟到靈隱寺,順便嚟呢度食齋菜做午餐。
詳情:隱世齋菜 大嶼山靈隱寺

6. 大澳
嚟大嶼山自駕遊又點少得去大澳玩呢?大澳被譽為香港威尼斯,係一個深受大家歡迎嘅週末打卡熱點。大澳水城內最出名嘅當然係蝦膏同蝦醬啦,嚟到就梗係要買啲手信返屋企。除此之外,大澳亦有唔少必食必玩嘅景點,今次A姐M佬就嚟一個大澳深度自駕遊!
詳情:大澳一日遊 打卡深度遊

7. 虎山觀景臺
喺大澳水城內除咗吃喝玩樂,其實仲可以輕輕鬆鬆咁郊遊同行吓山,我哋就行咗上虎山,除咗喺高處睇到大澳嘅全景,仲有一條紅色欄杆俾大家打卡添,簡單易行,半個鐘就到頂喇!
詳情:輕鬆行山之選 大澳虎山觀景臺

8. 長沙海灘
長沙泳灘係全港最長嘅泳灘,全長3公里,分為上長沙同下長沙。喺下長沙海灘可以參加唔同類型嘅水上活動、喺海邊餐廳嘆個lunch、去星空露營車玩Glamping同BBQ等等,真係一個適合夏天渡假嘅地方!

9. 塘福海灘
沙灘附近設有多間異國風情餐廳,令你有置身於外地嘅感覺。海灘更提供了唔同嘅水上活動,好似滑浪板同獨木舟等等。沙灘上之沙粒黜黑,其幼如粉。塘福泳灘海床較淺,風浪大而急速,不適合游泳初學者,但就吸引滑浪者嚟呢度練習。

10. 芝麻灣懲教所
難得去大嶼山自駕遊,就梗係要去啲平時比較難去到嘅景點啦!但喺計劃行程嘅時候,芝麻灣係一個我哋猶豫咗好耐嘅地方,因為芝麻灣道又窄又斜,加上懲教所只係外觀,所以唔知應唔應該揸住架車去冒險好?但最後我哋都覺得值得,因為喺圍欄外望住呢所前監獄,真係好有味道。
詳情:時間停頓無人之境 大嶼山芝麻灣懲教所

11. 貝澳天空之鏡
貝澳沙灘水清沙幼,午後波平如鏡,輕易拍得天空之鏡。

12. 梅窩
我哋最後一站嚟到梅窩,不過,由於時間所限,我哋只係喺梅窩遊車河而未有遊玩。想玩梅窩就留番下一次坐船嚟啦!

13. 東涌
喺限定時間離開嶼南,返到嚟東涌,一於去outlet行吓街,食埋嘢再返屋企啦!
如果仲有時間嘅,不如行埋東涌秘景啦,呢個地方唔洗大嶼山通行證架:被遺忘的小村落 閒遊東涌馬灣涌
詳情:東薈城丼飯 牛角次男坊
詳情:東涌Outlet名店倉 Wheatfield X 羅宋湯專門店

牛角次男坊, 香港, 東涌, 達東路, 東薈城, 東涌美食, 食乜好, 食評, 餐廳, 美食, 推介, 日本菜, 日式, 燒肉, 丼飯, 定食, 牛舌, 豚肉, 人氣之選, HK Gyu-Kaku Jinan-Bou, Tung Chung

世界各地/香港景點門票邊度買至平?
–> Klook:www.klook.com <–
–> Trip.com:www.trip.com <–
–> KKday:www.kkday.com <–

大嶼山 Lantau Island

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *