香港大學輕遊記 許士芬地質博物館

香港大學係香港嘅著名學府,其中歷史最悠久嘅建築物就係本部大樓,大樓採文藝復興時期嘅建築模式,頂部仲有一座高塔同四座角塔,係典型嘅西方建築風格。大樓係香港大學嘅代表,亦係香港嘅法定古蹟,所以港大畢業生都鍾意喺到影相留念。我哋今日嚟到,除咗影吓相,扮吓文青感受書卷氣味之外,其實香港大學都有唔少博物館,我哋就去到許士芬地質博物館了解一吓世界地質啦!

許士芬地質博物館
香港大學許士芬地質博物館係全港首間同唯一一間以地質為主題嘅博物館。展館分為四個主題展覽:動感地球、地球的演變、地球物質及香港地質歷史。整個博物館面積雖然唔算大,但就收藏由已故許士芬博士捐出嘅收藏品,包括超過950件礦物、300件岩石以及350件化石標本,透過唔同嘅互動遊戲同介紹,適合唔同嘅年齡層同學生了解世界地質。

動感地球
—踏入博物館,就俾大大個地球所吸引,真係成個環球片場咁呀!大家可以睇到地球嘅構造,了解地球被劃分為地殼、上地幔、下地幔、外核和内核。

地球的演變
透過展出350件喺中國各地發現嘅化石標本,以了解地球過去45億年嘅變化。原來,翼龍係第一隻有脊椎嘅飛行動物!另外,呢度亦都有恐龍化石蛋,實在要眼看手勿動呀!

地球物質
以前上地理堂,讀過花岡岩同火成岩,但原來地球嘅物質真係遠超大家想像,呢度有好多嘅礦物、石頭,甚至係水晶等,真係大開眼界。

香港地質歷史
作為聯合國教科文組織世界地質公園嘅香港,呢個展區就介紹香港嘅地質變化。不過,我哋今日嚟到,呢個展區就未有開放。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港大學許士芬地質博物館 Stephen Hui Geological Museum, The University of Hong Kong
地址: 香港薄扶林道香港大學厲樹雄科學館地下及一樓
開放時間:星期一至五 13:00-18:00(公眾假期及大學假期休息)

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *