香港漫畫打卡 動漫海濱樂園

迪士尼嘅動畫深受大家喜愛,所以就起咗迪士尼樂園;其實港產漫畫都有唔少支持者,所以就有呢個位於灣仔嘅動漫海濱樂園喇!嚟到灣仔動漫海濱樂園,可以見到一班香港動漫人物,啱晒大家嚟打卡架!另外,海濱動漫樂園其實係屬於維港海濱長廊其中一段:慶典主題區,今個週末好去處就可以由灣仔漫步到中西區,無論係拍拖定一家人,都好適合喺呢度玩番日。

香港動漫海濱樂園
作為香港人,如果都唔支持香港嘅動漫,咁仲有邊個會支持呢?呢度一共展出30幾個香港原創嘅動漫塑像同人物角色。包括:老夫子、牛仔、李小龍、癲噹等等,唔知你又識幾多個呢?

海濱樂園嘅設計一啲都唔馬虎,細心睇吓,燈柱會其實係一支畫筆,而地板就係畫紙。

除咗灣仔嘅香港動漫海濱樂園之外,喺尖沙咀九龍公園入邊都有一個以動漫為主題嘅漫畫星光大道,對本土動漫有興趣嘅,不妨去埋參觀。

金紫荊廣場
海濱動漫樂園係維港海濱長廊其中一段:慶典主題區,亦即係中國遊客最愛嘅香港景點:金紫荊廣場。呢個地方我哋就唔多介紹喇,如果你有興趣嘅,就自己影張相啦。

維港海濱長廊
全程接近6公里,分為11段
1.中西區海濱長廊(西環副食品市場段)- 詳情按此
2.豐物道海濱用地(又名捐山窿公園)- 詳情按此
3.中山紀念公園
4.中山紀念公園前海濱長廊
5.中環碼頭海濱
6.香港摩天輪
7.中西區海濱長廊(中環段)
8.添馬公園
9.灣仔臨時海濱花園 – 詳情按此
10.慶典主題區(金紫荊廣場) – 詳情按此
11.灣仔北水上運動主題區海濱長廊西段 – 詳情按此

所以大家可以向東行,去到灣仔北水上運動主題區海濱長廊西段,或經灣仔臨時海濱花園,步行至中西區海濱長廊,欣賞維港兩岸嘅景色,夜晚仲可以睇到夜景同期間限定嘅煙花同幻彩詠香江。

香港動漫海濱樂園 Ani-Com Park
地址:香港島灣仔金紫荊廣場旁邊的海濱長廊及休憩用地

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
Youtube:A姐M佬玩樂日記
報料或合作:keepintouch@aandmdiary.com

aandmdiary

香港生活、飲食、旅遊、電影博客 Hong Kong Foodie, Lifestyle, Food, Travel and Movie Blogger & KOL, Hong Kong Blogger 分享香港餐廳美食推介及食評,影評最新電影評論及推薦,香港周末拍拖好去處,自由行行程景點建議安排,旅行攻略懶人包等。

Leave a Reply

Your email address will not be published. Required fields are marked *